ثلاجة الرمايه شيبت بي .

[الدوسري دت كم]

السلام عليكم ورحمه الله وبركاته
أعضاء وزوار الله يمسيكم بالخير.
يا اخوان عندي ثلاجة الرمايه 45 لتر
طلع برأسي طلح منه بالبيت تشتغل زي العسل بالسياره ونفس الفيس والموترواقف بالحوش .
يعني لا احد يقول الكهرب اختلف ولاشي
وأذا رحت البرتقلب فرن وتعلق على 22
وش السوات والدبره
من قد صارمعه هالحركه
ترا مشبوك سلك دايركت
من البطاريه 10ملم
والسلام عليكم .

[خالد ro]

اعتقدالحساس اولوحه المفاتيح مع المطبات يتأثرغيره وراح يضبط بأذن الله

[الدوسري دت كم]

السلام عليكم .
هلا أخوي خالد شكرا على مرورك .
طيب اذا جيت من البر وقفت بالحوش تثلج
وأذا كنت بالبر واقف واقف ما أتحرك ماتبرد

اعتقد لو فيه مشكلة حساس ولا لوحةمفاتيح
كان ماتبرد ابد .

[باتمان]

والله أمر عجيب
بس يمكن من الأهتزاز في الطريق والله أعلم

[الرماية]

وعليكم السلام ورحمة الله وبركاته

يا أهلا وسهلا

أخي الكريم

هل وقفتك في المنزل في ظل
وفي البر في الشمس
هل توصيل الكهرب وتسليكه سليم ولا يفصل مع المطبات

انتظر الاجابة وسنصل لحل للمشكلة إن شاء الله

شكرا لك

[الدوسري دت كم]

السلام عليكم .
هلا والله بالرمايه .
اي والله دبر لي حل .
التسليك عشر ملم من البطاريه الاضافيه للجمس
بالنسبه لوقفت الموتربالضلال ولا بالشمس كله واحد .

قبل ثلاث شهور كنت بتبوك درجه الحراره 4
وبطلت تسمع الكمرسر والمروحه تشتغل بس مافيه تبريد .
للمعلوميه الموتر واقف واقف .

[الرماية]

أين موقعك في أي مدينة ..؟؟

[الدوسري دت كم]

هلا بك .
انا هالحين بالرياض حي السلام
وهذا رقم جوالي 0556115530

[الرماية]

سيتواصل معك أحد المسؤولين في الرماية

شكرا لك

[الدوسري دت كم]

السلام عليكم .
لم يتواصل معي احد المسؤلين
يا الرمايه ترا قاعد أنتظر

[الدوسري دت كم]

السلام عليكم .
أشكر محل الرمايه فرع خريص على التفاعل مع موضوعي هذا بخصوص العطل المذكور
وأخص بالشكر مديرالفرع ماقصر الرجال اتصل علي بنفسه وقال هات الثلاجه ولا تشيل همها وعطاه أولوية الإصلاح .
وهي الآن في المحل عند المهندس حقهم
وان شاء الله تضبط . وتصير سنعه .

حبيت اذكرهالشي لما شفت حسن التعامل منهم.والسلام ختام

[الرماية]

السلام عليكم .
أشكر محل الرمايه فرع خريص على التفاعل مع موضوعي هذا بخصوص العطل المذكور
وأخص بالشكر مديرالفرع ماقصر الرجال اتصل علي بنفسه وقال هات الثلاجه ولا تشيل همها وعطاه أولوية الإصلاح .
وهي الآن في المحل عند المهندس حقهم
وان شاء الله تضبط . وتصير سنعه .

حبيت اذكرهالشي لما شفت حسن التعامل منهم.والسلام ختام

وعليكم السلام ورحمة الله وبركاته

هذا واجبنا في محلات الرماية
خدمة عملائنا الكرام خاصة أعضاء مكشات

شكرا لك

[الوانيت1]

لاااااا. نزاااااال

بأنتظار سبب المشكلة

وبأنتظار الحل

نرجوا منكم. طرح التفاصيل

حتي يتم معرفة المشكلة و كيف تم. حلها

وشكرا .........///////.

[الدوسري دت كم]

السلام عليكم
ورحمة الله وبركاته .
الله يمسيكم بالخير والصحة والعافية .

ابشركم أخذت الثلاجه من عند المهندس حق الرمايه . والحمد لله ضبطت وصارت سنعه
الإصلاح الي تم حصلوا ان فلترالغار مليان زيت مكيف والسبب ان الثلاجه ماسويت له كرسي يعني تتمشى بصندوق الجمس مع البطناج والمطبات . المهندس يقول انه من قلبه وهي تشتغل قلت له بس تتمشى بصندوق الجمس وانا بالبر .
المهم اننا عرفنا السبب .

ضروري يا اخوان تثبيت الثلاجه لوبحزام عشان ماتقعد تناقز وتتحرك وهي شغاله .
ولا أنسى أن اشكر مدير فرع الرمايه فرع خريص .
سوى لي خصم وضمان .
وتفاعل يشكر عليه .

والسلام عليكم ورحمة الله وبركاته .

[ناصح]

ما شاء الله

حمستنا معك من البداية وكويس انهم حلهم المشكلة

وشكرا على افادتنا عن هذه المشكلة الغريبة