ثلاجة الرمايه شيبت بي .

[علم162]

ماشاء الله ليتهم يعطون السنيدي شوي اربع مرات مرات اتردد بالثلاجه ويكو 50 لتر اول مره قال انظف الازرار ولاتخسر 400 وخذ ميه وثاني مره قال السلك وخذ ميه وثالث مره خذ 350 للازرار وراحت للقصيم والرابعه زين السلك ثانيه ولاخذ شي وبنجرب المشكله في وسط المقناص ان خربت حرام اشري ب2800 جديده وهذي ماجاها استخدام اليوم فشل لايقول ادفع مع اني اتوقع لوقابلت احد من اصحاب المحل مارضي بهالكلام

[الرماية]

السلام عليكم
ورحمة الله وبركاته .
الله يمسيكم بالخير والصحة والعافية .

ابشركم أخذت الثلاجه من عند المهندس حق الرمايه . والحمد لله ضبطت وصارت سنعه
الإصلاح الي تم حصلوا ان فلترالغار مليان زيت مكيف والسبب ان الثلاجه ماسويت له كرسي يعني تتمشى بصندوق الجمس مع البطناج والمطبات . المهندس يقول انه من قلبه وهي تشتغل قلت له بس تتمشى بصندوق الجمس وانا بالبر .
المهم اننا عرفنا السبب .

ضروري يا اخوان تثبيت الثلاجه لوبحزام عشان ماتقعد تناقز وتتحرك وهي شغاله .
ولا أنسى أن اشكر مدير فرع الرمايه فرع خريص .
سوى لي خصم وضمان .
وتفاعل يشكر عليه .

والسلام عليكم ورحمة الله وبركاته .

وعليكم السلام ورحمة الله وبركاته

الحمد لله على سلامة ثلاجتك

.....

وقد سعدنا بخدمتكم يا أخي الدوسري دت كم

شكرا لك