السلام عليكم ورحمة الله وبركاته
يا اخوان اليوم رحت لمحل الرماية بالرياض على طريق الملك فهد
المهم اشوف السواكتين كلها قامو واحصل موديل جديد حجمه 85 ومكتوب عليه IGT system
وهي فيبر وشكلها غير عن الباقيات وسألت راعي المحل قال هذي من شركة قامو لها يمكن 5 شهور نازله وقلت طيب وش مميزاتها قال اان ما فيها سبرنق قلت كيف قال في نفس المساعدات تدفعها وتلقم معك الساكتون والمقصود بهذي الكتابة IGT system انها بدون سبرنق
وكان في نوع 85 خشب قديمه وقارنت بين الثنتين
اولا الخشب ثقيله وكسرتها خفيفة وصوتها قوي
ثانيا الفيبر الجديدة خفيفة وكسرتها ثقيله وصوتها متوسط
والسعر طبعا الجديدة ب1550 والقديمه ب1500
اللي حاب استفسر عنها هل احد جربها وهل تنفع للقمري
منتظر ردودكم واعذرونا على الاطالة