بسم الله الرحمن الرحيم
* اخواني الأعزاء يسعدني ان اقدم لكم خلاصة تجربتي والتي امتدت لمدة 20 سنة في الصيد البحري واعلم انه يوجد منكم من هو اكثر خبرة ودراية مني بكثير من الامور ولكني انقل لكم خلاصة ما توصلت اليه شخصيا من رحلاتي البحرية وايضا ما قرأته من دراسات واوراق بحث اجنبية وما سمعته من بعض الاخوه في البحر وقد تعلمون هذه المعلومات ولكن احببت ذكرها من واقع تجربتي .
كثير منا يتمنى لما يطلع يصيد ان الحوت يضرب 24 ساعه بس للاسف هذا غير ممكن لاسباب كثيرة بعضها معروف وبعضها غير معروف حتى عند الباحثين والمهتمين بدراسة الاسماك.
* الأسماك من ذوات الدم البارد يعني ان درجة حرارة جسمها غير ثابتة بعكس الانسان فدرجة حرارة الاسماك تتبع الوسط المحيط فيها فهي تنشط لما ترتفع درجة حرارة الماء ويقل نشاطها عند برودة الماء كما ان ارتفاع درجة حرارة الماء يزيد من معدل الايض(استهلاك الغذاء المخزن بالجسم) عند الاسماك مما يسبب الجوع والحاجة للبحث عن الطعام.
* للأشعة فوق البنفسجية اهمية لحياة البلانكتون الذي يعتمد عليه كل الكائنات البحرية ولكن لها تأثير سلبي على الأسماك وهذا ما يفسر نزول اغلب الأسماك الى الأعماق وقت الظهيرة والاختباء داخل الشقوق والشعاب المرجانية وقلة نشاطها في هذه الاوقات ولكن هذا لايعني عدم الصيد في هذه الاوقات ولكن نصيحتي هي الصيد بجوار حروف الشعب والكهوف او المناطق الغزيرة التي تزيد عن 75 متر,, فلأشعة فوق البنفسجية تتلاشى مع العمق لذلك الصيد في الاعماق يكون افضل مع مراعاة باقي العوامل الاخرى وهذه معلومات يمكن يستفيد منه واحد منكم فحبيت اذكرها.
* لمعرفة افضل الاوقات والاماكن يجب معرفة ماهي افضل الظروف المناسبة لعيش ونشاط الاسماك.
* تفضل الاسماك المياة الصافية الغنية بلأكسجين وذات درجة حرارة معتدلة لتنشط وتبدأ بلأكل فأين يمكن أن نجد هذه المواصفات للماء هناك جواب مؤكد 1000% وهو أنه خلال أول ساعتين فقط من المد يضخ البحر كمية من المياة الدافئة والتي تحمل عنصرين مهمين لنشاط الأسماك وهما الأكسجين والبلانكتون وهذا الاخير هو كائنات مجهرية صغيرة تتغذى عليها الاسماك الصغيرة وحتى بعض الاسماك والحيتان والكائنات البحرية المختلفة ويصبح البحر ملائم لنشاط الاسماك وقد اعتمدت جداول السلونار Solunar tables
الخاصه بتتبع نشاط الأسماك على هذه النظرية وربطها بمنازل القمر والمد والجزر واصبح يوجد الكثير من المواقع التي تعطيك وقت ذروة نشاط الأسماك والتي دائما ما تكون خلال اول ساعتين من المد.
* يجب الأخذ بالحسبان ان النظام البحري معقد وهناك الكثير من العوامل التي تؤثر على نشاط الأسماك وعلى سبيل المثال الفصول الاربعة والرياح والشمس والقمر ومواسم التكاثروالتي قد تؤثر في الصيد بشكل مباشر او غير مباشر.
* الاكسجين يقل اذا ارتفعت حرارة الماء ويزداد اذا بردت هل يعني ذلك ان المياه الدافئة غير صالحه للصيد بالطبع لا فلقد ذكرنا ان الاسماك من ذوات الدم البارد وهي لا تنشط الا في الماء الدافي اذا كيف يمكن الوصول لماء غني بلأكسجين وبدرجة حرارة مناسبة.
* تستطيع الاسماك العيش في اي مياه ولكن درجة نشاطها تختلف وكل نوع من الاسماك تختلف درجة تأثرة بهذه العوامل فدرجة الحرارة المثالية التي يكون الأكسجين فيها متوفر بكثرة ومناسبة لأنواع كثيرة من الأسماك هي من درجة 24 الى 28 فدرجة الحرارة اقل من 24 تكون باردة جزئيا للأسماك ودرجة حرارة أعلى من 28 يقل فيها الأكسجين بشكل كبير جدا ولا ننسى ان هذه العوامل تؤثر فقط وليست قطعية اي ان عدم توفرها لا يعني توقف الاسماك عن الاكل ولكن وجودها يزيد نشاطها بشكل ملحوظ.
* البحر مقسم لطبقات حسب درجه الحرارة ,,والطبقة اللي تهمنا هي اول طبقة والتي تمتد الى 200 متر وقد تزيد قليلا وتختلف من بحر لاخر وتسمى الطبقة المختلطة يعني درجة حرارتها ماهي ثابتة وهي اللي فيها تخزن الحرارة التي تأتي اوقات المد,, اما بعد 200 متر الحرارة تنزل من 18 درجة وانت نازل يعني الاعماق باردة بعكس الاعتقاد الشائع انها دافئة وتزداد كثافة الماء(بسبب زيادة الضغط) مع العمق وتقل الملوحة مع العمق.
* أنا متأكد ان اغلبكم لاحظ ان السمك ياكل ساعه ونص او ساعتين ويوقف وبعدين تصيد حبه كل ساعه في احسن الاحوال طبعا هذا في الغالب ,,, وخلال رحلاتي كنت اتابع الموضوع واستطيع التأكيد ان نشاط الأسماك افضل ما يكون في اول ساعتين من المد وطبعا يقل ويزيد على حسب باقي العوامل الثانية اللي تكلمنا عنها .
* مثال لو طلعت البحر الساعه 11 الصباح وكان المد يبدأ بهذا الوقت وقلت تبي تلحق المد من اوله لازم تعمل حساب ان الشمس لها تأثير سلبي على السمك صح انك رحت بداية المد بس الشمس تلعب دور عكسي بالموضوع .ومن جهة اخرى لو طلعت مثلا الساعه 7 المغرب وكان في قمر ووافق بداية المد حيكون الصيد مضاعف لانك حققت عاملين مهمين بداية المد ونور القمر مع بعض فصار نشاط السمك اكبر واكيد لو كان في موسم صيد معين يزيد وكمان الرياح وشدتها يعني عوامل كثيرة بس اهما هو القمر والمد.
وهذا يا اخوان من واقع تجربة طويلة حتى اصبح جميع رحلاتي بهذا الوقت وفي اخر التقرير حيكون في صور لبعض الرحلات والتي لم يتجاوز الصيد فيها الساعتين اللتي كانت متوافقة مع بداية المد في كل مره.
* تنشط الأسماك جزئيا مع بداية الجزر لمدة ساعه وقبل المد كمان تنشط لمدة ساعه تقريبا ولكن نشاط بسيط لايقارن بنشاطها اول المد.
* الخلاصة: ان وقت تغير التيار من مد الى جزر والعكس يكون الصيد افضل ويكون افضل ما يكون طبعا بداية المد.
* معروف ان التيارات اول الشهر ونص الشهر اقوى من باقي الايام والكل يعرف اوقات الحمل والفساد ومع قوة التيارات يكون النشاط افضل من ضعف التيارات لان التيارت هي المحرك الاول والاخير للحياة في البحر ولحركة الاكسجين والغذاء.
* الكل يعتقد ان الأسماك بوقت الجزر تروح للأعماق وهذا صحيح نسبيا لكن ليس كلها،، يبقى تحت البوت بس ما ياكل وانت تحسب ان مافي تحتك سمك وهذا غير صحيح وبعض الأسماك تروح للأعماق لأسباب مختلفه لكن الأكيد ماراح تسافر مصر او السودان وترجع يوم يمد البحر وكمان ما راح تنزل لاعماق كبيرة فلن تنزل عن 200 متر لان هذي الطبقة تحتوي على 90% من الحياة البحرية وهي مخزن الحرارة.
* اكيد في من يسأل انه في اسماك في اعماق اكبر من 200 متر ويمكن بعضكم صاد بأعماق كبيرة وهذا صحيح والتفسير بسيط ان الاسماك تتاقلم مع الوسط اللي تعيش فيه وكمان هناك انواع تفضل الاعماق لانها اقل حرارة من السطح واعلى ضغط واقل تركيز ملوحة واكثر كمية للاكسجين فقد تكون هذه العوامل مجتمعه مفضلة لانواع من الاسماك واكيد فوق كل هذا للبحر اسرار لا احد يعلمها.
* اسوأ وقت للصيد بنظري لما يكون القمر بوسط السماء نص الشهر,,, واخر الشهر بالظلمه نص الليل كأنك بمسبح ....
الصيد بالنص الاول من الليل افضل بشكل عام من النص الثاني.
النص الثاني من الليل اكثر ما يضرب على اللخيط الكحاية واالهامور.
تخيل نفسك بمكان مقفل ومافي اي هواء ولا اي نسمه كيف يكون شعورك نفس الكلام يصير مع الاسماك اذا لقيت البحر هادي جدا ومافي تيارات واذا نزلت الجلب كانك ببركه بتلاحظ مافي حتى نقار هذا عشان قلة الاكسجين يعني السمك يحاول يكون ساكن عشان مايستهلك اكسجين قليل جدا حوله،، كانك تركض ومافي هواء ماتقدر. عشان كذا نصيحتي غير مكانك ودور مداخل الخيران والمناطق اللي بين الجزر اللي فيها تيار لو خفيف بتتحسن الامور معاك طبعا هذا باستثناء اول المد لانه لو البحر هادي الاكسجين متوفر وماراح تواجه نفس المشكله وافتكر مره كان البحر ساكن والصيد صفر بمعنى الكلمه جربت اماكن كثيرة عاري وغزير شعب وطينة ومافي فايدة وقلت خليني اروح لمكان فيه تيار ورحت للمكان الموضح بالصورة كان البحر في بداية الجزر والعمق تتقريبا 10 متر وكان في تيار بسبب حركة الماء خلال الجزر داخل الممر الليي بين الشعب بس من رميت الجلب والحوت معاي لو تلاحظ بالصور اللي فيها نجار جزء كبير منه بهذاك الوقت وانا لا استطيع التأكيد على الموضوع بس هذا اللي حصل معي وحبيت اذكره لكم ..
http://www8.0zz0.com/2017/04/27/18/851147411.jpg
* ولا ننسى يا اخوان وانا ادري الكثير ما يهتم بالموضوع مع ان له دور كبير بالصيد وهو التسمير او التزفير للمجلب الليي تصيد فية مهم جداا خصوصا لحوت الطينة.
* هل تعتقد ان للون الخيط تأثير بالصيد ... اذا كنت ما تعتقد فأنت غلطان 100% لان له تأثير كبير جدااا جدااا جدااا من واقع تجربة لجميع الوان الخيوط ااكد لكم بما لا يدع مجال للشك ان اللون الوردي(الزهري) واللون السماوي الفاتح اصيد بكثيررر من غيرهم وانا جربتها كنت انزل خيط 70 وردي وخيط 50 لون ثاني والضرب شغال على الوردي اكثر وجربتها كثير ماهو مره وكنت اصيد فية واللي معاي يقولون ليش ما نصيد وانت بس تصيد وبلاخر علمتهم وجربو وحسوا بالفرق مباشرة وهذا الكلام ينطبق على اللون السماوي تماما ولكن الوردي افضل بكثير وشركات الخيوط العالمية اثبتت ان اللون الوردي هو الافضل وعملت تجارب كثيرة حتى اصبحت مبيعات هذا اللون الاكثر بين باقي الالوان وانا متاكد ان الللي بجربة ماراح يصدق الفرق الكبير وراح تغيرون كل خيوطكم وان شاء تدعون لي ووالله ياشباب ان الموضوع رائع جدا وبهذ اللون تقدر تصيد بالنهار بمقاس خيط كبير من 60 واعلى وانت مرتاح ويعطيك نفس نتيجة الخيط الصغير اذا ما تلقونها بالسوق ممكن تشترية من النت متوفرة الفرق كبيررر ويستحق التجربة واللي يدخل على المواقع الامريكية ويشوف تجارب الصيادين هناك مع هذا االلون راح يعرف حجم الفرق ...وهذا مقطع لصياد بالكويت يتكلم عن لون الخيط وصار معاهم نفس اللي حصل معي تقريبا من تأثير لون الخيط والصيد تابع الدقيقة من 35 الى 37
https://
فيما يخص حجم الجلب لا تعتقد ان اذا كان الجلب صغير يكون افضل لان الحوت يبلعه اسهل فلاسماك تستطيع ان تفتح فمها ثلاث اضعاف حجمه وتستطيع اكل طعم كبير جدا وكمان الجلب الصغير يخرج بسرعه من فم الحوته لانه غالبا يشرم(يشق) فمها لو هي كبيرة وكمان ما يمسك كويسة وبالنسبة للطعم احرص ان سن الجلب يكون واضح ولا تحاول تعبي الجلب بالطعم انا استخدم مقاس 7/0 للطينة ومقاس 9/0 للشعب ،،ممكن البعض يقول حجم كبير لكن هذي افضل مقاسين للصيد اللي يبغا حوت نظيف ماله غيرها.
من افضل اماكن الصيد المجلب اللي مليان سمك الشعرم(الخنزيرة) عن تجربة بتلقى حوت نظيف جدااوعشان تقدرر تصيد وترتاح من الشعرم كبر حجم الرصاص عشان الطعم ينزل بسرعه وحط الطعم اخطبوط او راس اي حوتة وبتلقى ناجل وشريفي وطرباني خصوصا وادري راح يجي من يسال كيف تصيده لانه مرغوب عند الجميع انا اصيده كثير بطريقة وحده جيب سمكة شريفي او حريد او اي حوتة شعب صغير المهم حوته شعب وقصها وحط الجلب مع الراس بوسط العظم وارميها وشوف راح تدعيلي والله ،،لاتقول طعم كبير ولا شلون ياكل الراس ان بعض الاحيان اكون رابط الخيط وما اسمع الا صوته يوم ينقطع من قوة السحب اللي بالصورة صدتها براس حوت شريفي صغير صدت الاولى ورجعتها وخمس دقايق صدت الثانية اما الثالثة من كبرها الخيط انقطع لاني غلطت وربطت الخيط بالبوت وكان خيط 80،،،،،
افضل مكان للصيد هو فرشة الشعب يعني مكان كله شعب ووسطه طينة ببس تكون كبيرة وفيها عروق شعب،، اترك العروق اللي وسط طينة صافية فيها حوت بس ماهو مثل هذي اما صيد الشعب اللي يبي حوت شعب بس فنصيحة لاتصيد على الحرف نفسة خلك فوق اعلى الشعب مثلا وانت تبحث عن مكان مناسب بتشوف الجهاز كل اللي تحتك طينة وبعدين يبدأ يظهر الشعب تدريجي مثال لو كانت الطينة 60 متر وبدأ يظهر الشعب شوي شوي 55 متر 40 متر 35متر وانت ماشي روح الى اعلى مكان بالشعب ويوم يصير العمق ثابت 30 مثلا خلاص هنا انت طلعت فوق الشعب هنا المكان اللي يرعى فيه الحوت لان الحوت يوم يمد البحر يطلع فوق وكمان اقل تصخير لان غالبا تكون الشعب فية منبسطة ويكون اقل غزر وبترتاح اكثر بكل شي وهذا المكان المناسب ان شاء الله تكون واضحه،،
الكحاية بالنسبة لي اطيب حوته للاكل واللي يبي يصيدها بكثرة لازم يدور شعب حر يعني كبير الحجم والمساحه وافضل وقت لصيدها اخر الليل افضل من اول وهي من الاسماك اللي تصيدها باي وقت بالليل جزر او مد.
اذا صدت حوتة ويوم تطلعها لقيت نصها رايح بالغالب عقام لازم يكون معاك خيط 160 اقل شي جاهز بجلب محترم كل اللي تسوية تشك نفس السمكه بسرعه بالجلب وترجعها 90 % يرجع عليها وتصيده جربناها كثيرولا تقول الحوتة كبيرة ويمكن ما يضرب عليها لاتنسى انه ماخذ نصها ودايما نجيب عقمان احجمام دواهي
اللي خلص الطعم معاه ووده بحبار طازه وهو بالبحر ترى سهله جدا شوف شعب عاري اقل من 10 متر ونزل لمبه غطاس بالكثير نص ساعه وبتلقاه حولك طبعا اذا البحر هادي بتشوفه جنبك رايح جاي.
اما اللي يبي سردين وهو داخل البحر فعندك سردين الباحه (الباحه للي مايعرف هي الاغزار الكبيرة بالبحر المفتوح والبعض يسميها بيح) موجود بلاعماق كل اللي عليك تجي على حافة الشعب اللي بعدها الطينة ويفضل يكون حرف قوي يعني شعب عاري بعده نزول كبير ونزل اللمبة الغطاس شوي تلقاه يجمع تحت البوت بكميات رهيبة تنزل الشوار الخاص فية وتضعف النور شوي شوي ولما يقرب تطفية والله يعينك على تطليعته من الشوار وبعض الناس تسحب البوت للشعب شوي شوي عشان ينحشر ويطلع فوق بس غالبا ما يجي فخلك على الطريقة الاولى.
بالنسبة لصيد الطينة والعروق حط اللعف بلاخير والثقل قبله بمسافة متر او اقل شوي وحط مدور عشان يمنع الثقل ينزل على الجلب وعشان ما يتشربك الخيط لان الثقل يلف وهو نازل وافضل لو يكون الثقل حر يعني خرار او يكون بخيط لحاله منفصل لان حوت الطينة يهرب لمايحس مقاومة بالخيط ونزلة وانساه بتشوف الضرب اكثر مليون مره منه لو كان معلق او انك رافعه عن الارض وحاول لاتستخدم اكثر من خيط 60 مع الجلب اللي تحت اللي وضحته لكم راح تنصدم من النتيجة .
اذا كنت تصيد بالنهار والحوت ما ياكل صغر الخيط 40 اكثر شي وصغر الجلب 5/0 وجرب راح يتحسن معاك الصيد وهذا لان الحوت غير نشط وحذر جدا جدا جدا وهذا طبعا بلاعماق حتى 30 متر واذا تحب تصيد فيه بعمق اكبر مممكن اكيد بس لازم تستخدم خيط 60 او 80 وتحط اخر 3 امتار خيط 40 لان الخيوط الصغيرة تتلعبك عليك يوم تسحبها واذا كانك ماتبي غير خيط 60 لاتنسى اللون الوردي اللي وضحته لكم.
حاول انك تستفيد من وقت نشاط الحوت اذا كنتم واحد او اثنين نزل اكثر من جلب 4 مثلا او 5 وقبل لا تطلع قطع اللعف وجهزة ،،،انت معاك بالكثير ساعتين الحوت ياكل فيها بشراهه ويضرب صح لا تضيعها بتقطيع لعف وتزبيط جلبان جهز كل شي عشان لا بدا الصيد تستفيد من كل دقيقة،،،كل الصور اللي تحت صيد وانا لحالي تخيل لو كنتم 6 اشخاص مثلا واموركم جاهزة وجت ساعة الصفر راح تعبون الثلاجة بالراحة.
كل الكلام هذا من واقع تجربة سنين ومئات الرحلات ماهو كلام وان شاء الله التجربة تفيدكم.
معلومة جانبية اللي يصيد الاستكوزااخر الشهر بالظلمة وقت البحر جازر والشعب طالعة من الماء ياخذ كشاف ابيض ماهو اصفر ويكون قوي راح تشوف عيون الاستكوزا مثل الجمر احمر على شعب الكساره لانها بالليل تكون جالسة على الشعب ووجهها على الشاطي طريقة مجربة والنتيجة اكيدة ،،
بالنسبة للمجرور اللي يستخدمون العظمة البيضاء او الملعقه بعطيكم نصيحة بتغير صيدكم كليا ،،،، جرب مجرور صناعي يكون لونة غامق وانا افضل اللون الموف(البنفسجي) وشوف الفرق واحكم بنفسك وهذا الكلام عن تجربة وله اساس علمي كمان لان سطح الماء تحت الشمس يكون اشبه بالمراية يلمع والالوان االفاتحه واللماعه صعب رؤيتها من الاسماك وكمان لازم تعرف ان الضواريك(الكنعد) والتونة بكل انواعها وابوشراع كلها تفضل مياة باردة بعض الشي يعني لا تدورها باول المد انتظر بداية الجزر او اذا انت من اللي يستخدمون السبحة(الرصاص الطويل) نزل العمق شوي عشانها بتكون تحت لان الماء ابرد كل ما تنزل ولهذا تفسير انها اسماك سريعه ودائمة الحركة ومعناها تحتاج اكسجين عالي ونرجع كذا لاول حديثنا باول الموضوع وايضا الاسماك الللي تتغذى عليها كمان تفضل نفس درجة الحرارة وهذي قاعدة ممكن تطبق على اغلب الاسماك اللي تتحرك باستمرا تفضل الماء بارد شوي لان حركتها الدايمه تساعد على انها تكون دافية بعكس اسماك الساكنه خصوصا حوت الشعب يتاثر بالحرارة وماينشط الا خلال المد،،،جرب وان شاء الله بيتغير معاك الصيد...
طبعا انا افضل بالمجرور استخدام االمكينة والقصبة لاسباب كثيرة اهمها ان الخييط النايلون عنده مقاومة عالية يعني يطفح وهذا مشكلة كبيرة لان الطعم ماراح ينزل كويس وكمان حركته ماتكون طبيعية تحت الماء واغلب الناس تستخدم خيط مقاس 160 وانت طالع وهذي مصيبة لان الطعم بيكون حركته تعبانه جدا وبيكون واضح للحوت ولا تحسب الحوت مايشوف تكون غلطان والدليل لو تحط مصفر بتلف ساعات وما تصيد شي والكلام هذا معروف عند الصيادين بكل العالم ماهو كلامي انا بس الطريقة المثالية هي الاتي مكينة وقصبة نوع كويس عشان تستخدم خيط حرير (لانه ماتقدر تستخدمه يدوي بيقطع يديك) وفي انواع خاصة للجر الخيط مقاس lb80 حرير كحد اقصى وممكن lb60 لاسباب كثيرة اهمها الطعم بينزل اكثر ويتحرك افضل وحط مدور وقبل الطعم 3 امتار خيط 100نوع fluorocarbon وهذا نوع مصنوع من مواد تخليه مايطفح وكمان غير مرئي تماما للحوت ومقاس الطعم وسط لا تحط صغير ولا كبير لان الصغير الحوت بيقص الخيط كثير والكبير قلليل الحوت اللي يضرب عليه وابعد عن المصفر ممكن الحوت ياخذ عليك كم طعم بس الصيد افضل كثير ولو تقدر تجيب قصبتين واحد على بعد 15 متر والثاني 25 متر سرعة القارب للناجل والهامور ماتزيد عن 12 ونصيحتي لا تدور عليه لانك بتلف ساعات ونادر ماتصيده وبتخسر بنزين على الفاضي البياض اسهل شي حط طعم صغيررررر يعني طول الاصبع تقريبا راح تمل من كثر ماتصيده طبعا بتلقاه بالعواري اما التونة نفس البياض بس تجي باغزار اكبر وما تجي بالعواري نجي للمهم الضواريك محبوبة الكل تجي بالعواري واطراف الاغزار سرعة القارب من 15 الى 25 كم لانها حوته سريعه وقليل تضرب بسرعه اقل والعمق المفضل من 20 الى 40 متر الوقت المفضل اخر المد والبحر مليان ووقت الجزر وطبعا الوقت من شقة النور الى الساعه 10 ومن الساعه 3 الى المغرب الطعم الصناعي المستخدم يكون لونة بنفسجي غامق وهذا بيت القصيد وبتصيده ان شاء الله ولو كان موسمه لا تنسى تكثر الثلج والتجربة هي الحكم....
* لو بسأل سؤال ليه الواحد يمسك الخيط ولا يفكه طول الطلعه كلها والجواب طبعا عشان اذا اكل الحوت الطعم نشكه وعشان الحوت ما يبلع الطعم واذا جيت تسحب يقص الخيط هذا هو الاساس ان الواحد يشك الحوت اول ما ياخذ الطعم ماهو عشان الحوت ماراح ينشك لحاله لان الحوت قوة اندفاعه كافية جدا ان الجلب يشق وجهه كله اصلا بس الصياد يهمه يشكه من اول ما يحس بالنقرعشان ما يبلع الخيط وبعدين ينقص وهذا اكيد معروف عندكم واكيد الكل يعرف ان سمك الخيط مهم للصيد وان الخيط الصغير صياد وهذي معلومة 100% اكيدة لا جدال فيها وخصوصا بالنهارالكل يلاحظها واللي يجرب مع خوية يصيد بخيط 80 وخوية 40 مافي مقارنة بالصيد بينهم بس المشكلة الخيط الصغير ينقطع وما يتحمل وهذا شي طبيعي وكمان مشكلة الواير(المصفر) اللي يشوفة السمك من اخر الدنيا بس في حل للموضوع كله وممكن تطلع سمك الى 4 كيلو بخيط 40 وبدون مصفر ولا ينقص ولا شي طبعا اغلب صيدنا ما يزيد عن كذا الا في النادر فالغالب نص كيلو اوكيلو بركه....
؟؟؟؟؟
هو ببساطة (circle hook) جلب موجود في كل العالم ومنتشر جدا جدا حتى ان اغلب الناس صارت ما تستخدم غيرة وحتى ان بعض الدول تمنع استخدام الجلبان العادية او نقول تحد من استخدامها كثير وهذا الجلب مستخدم من اكثر من 30 سنة في سفن الصيد التجاري او ما يسمى long line fishing وبآخر 5 سنين انتشر بالعالم كله وصار هو الاساس بالصيد لاسباب كثيرة اهمها انك ما تحتاج المصفر (القلق) لان الجلب يمسك بفم السمكة ولا ينشك داخلها ابدا فما ينقطع الخيط لان قطع الخيط بالغالب من فم السمكه ماهو من قوة السحب ومهما كان قوة السمكة ممكن اتعبها يعني يوم تشد انت وهي تسحب والخيط بين اسنانها طبيعي بينقطع حتى لو كان خيط 80 ياما انقطع معانا من السحب لكن شد وارخي الين تتعب ومع هذا الجلب اسحب وانت مرتاح وما جاك عندي...... فعلا هو الثورة الحقيقة في عالم الصيد وانا جربته وما اعتقد راح استخدم الجلب العادي الا نادرا.
* طبعا في معلومات لازم تحطها ببالك يوم تستخدم هذا النوع لازم يكون قوته 3x لان النوع الاقل قوة يستخدم للطعم الحي اكثر شي عشان مايموت من الشكه وعشان ما تتأثر حركته ,,كمان يفضل يكون on line وماهو offset واكيد يكون من شركه كويسه عشان تضمنن الجودة وانه يكون حاد طبعا ,,,القوة شي بسيط انك تعرفة اما on line يعني يكون سن الجلب مع جسم الجلب على نفس الخط بعكس offset اللي يكون مايل يمين او يسار وهذا ممكن يخلي الجلب يشك داخل الحوت وهذا طبعا ما نبيه حنا نبية يشكه من فمها فقط وطبعا ميزتة كمان ان تصخيرة اقل بكثير وكمان امن استخدام من الجلب العادي.
طبعا في ربطه خاصة لهذا الجلب عشان زاوية حركته تكون فتاكة واسمها snell knot.
طريقة استخدامة بسيطة جدا بس لازم تلتزم فيها ..تنسى النقر والسحب والنتش نهائيا انت ترمية وتنتظر الحوت يبلع الطعم ويتوكل على الله ينحاش لا شفت الخيط طار كل اللي تسوية تقرص الخيط شوي او بمعنى اخر تشد على الحوته تلقائيا الجلب راح يطلع ويشك الحوته من يمين او يسار فمها حتى لو كانت بالعته بلع ما راح يشكها الا بهذي الاماكن وهذي هي الميزة الجبارة لانك بتلاعبها على راحتك بعدين وانت متاكد ان الخيط ما راح ينقص تتعبها وتطلعها بكل سهولة.
بعض صور من صيدي واللي لقيتها بالجوال واعذروني لاني غير مهتم كثيررر بالتصوير .
البحر مافية قوانين واولا واخرا كله رزق من عند الكريم ولكن هذي اسباب ساعدتني وحبيت انقلها لكم.
واخيرا تقبلو تحياتي وتمنياتي لكم بالتوفيق وانا ادري اطلت عليكم لكن حبيت اشاركم كل شي يجول بخاطري وكل الاسرار اللي تعلمتها على مر السنين لعل ينتفع فيها احدكم وتصيبني دعوه طيبة في ظهر الغيب دمتم بحفظ الله ورعايته.....
واتمنى اي شخص استفاد او وجد معلومة جديدة او فقط استمتع بقرائة هذا الموضوع
ان يكرمنا ويتفضل بكتابة رسالة رد على الموضوع
اخوكم ابو مشاري
كل الشكر والاحترام والتقدير لك اخي الفاضل
وجزاك الله كل خير واسعدك ورزقك الرزق الحلال
معلومات مفيدة وخلاصة تجربة عمر افدتنا بها افادك الله
واكرر لك الشكر مرة اخري ////.
لا ناقة لي ولا جمل في صيد البحر وفنونه (على الأقل حتى الآن) لكن استمتعت بقراءة الموضوع كاملا. وما قدرت اتركه بدون تسجيل شكري لك .
جزاك الله خير على هذه المعلومات .
شكرا لجميع من شاهد الموضوع والشكر خاص لمن قام بالرد واتمنى اني قد قدمت مايفيدكم
واود التنوية اني سأكتب بعض المعلومات التي قد فاتني ذكرها بالموضوع هنا في كل مره اتذكر فيها شي يستحق الكتابة
شكرا لجميع من شاهد الموضوع والشكر خاص لمن قام بالرد واتمنى اني قد قدمت مايفيدكم
واود التنوية اني سأكتب بعض المعلومات التي قد فاتني ذكرها بالموضوع هنا في كل مره اتذكر فيها شي يستحق الكتابة
دمتم بحفظ الله
بيض الله وجهك ماقصرت معلومات ممتازه وصور صيد جميلة ماشاالله تبارك الله تقبل تحياتى
السلام عليكم ورحمة الله وبركاته
اخي الحبيب : بو مشاري
موضوع قوي ومفيد شرح مميز
صدقت ، ماشاء الله تبارك الله
اختصرت لنا واستفدنا منك يالغاالي
انا اول المستفيدين
ياليت الكل يقرأ موضوعك بتمعن فهو
ثمين ونحتاج مثل هذه المعلوماات القيمة
بارك الله فيك
لك منا كل الاحترام والتقدير ..
والتجربة هي الحكم....
رد مع اقتباس
رد: خلاصة 20 سنة مع البحر ..... تجربتي الخاصة
المشاركة الأصلية كتبت بواسطة كسرة خبز
