15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 15 من 15

الموضوع: = القصائد المشاركة في مسابقة مكشات الشعرية =

  1. = القصائد المشاركة في مسابقة مكشات الشعرية =

    بسم الله الرحمن الرحيم

    ""
    أعضاء مكشات المحترمين

    السلام عليكم ورحمة الله وبركاته


    يسرنا أن نعرض لكم في هذا الموضوع القصائد المشاركة في (مسابقة مكشات الشعرية المكشاتية) والتي لم يحالفها
    الحظ في الفوز

    نتمنى لأحبابنا الشعراء التوفيق في المسابقات القادمة

    ---------------------------------------------------
    ------------------------------------
    ----------------
    ------

  2. مشاركة: = القصائد المشاركة في مسابقة مكشات الشعرية =

    قصيدة الشاعر /أبو ذيب




    2

    ل على المكشات بالحيل شفقان=خص اليامنه بالحيل طفشان
    بوسط المدن مبطي عن كل بران=ويشوف برق ويسمع اخبار الامطار
    راع الولع دايم مجهز اغراضه=ولاهو يقبل التاني والراضه
    ولايداني راع الكسل والرباضه= كله جلد يقطع فيافي مع اقفار
    وفي كل ريع مع شغيه يمره=باحداثي نوب ونوب يقضب جره
    متحيزم ومتعصب لله دره=وبساع نزل دلته ويشعم النار
    عزبته فيها كل شي بترتيب=نشمي مكمل فيها كل المطاليب
    يديرها في سرعة كانه الذيب=واللي معه ماهو بيبحل ويحتار
    من قبل يمشي اخذ اخبارمكشات=خيمة الاحوال وقنص ورحلات
    ومن بعض الاخيام شاف منها شوفات=وكلم رفيق له في درب الاسفار
    وان طب فيضه طبعه دايم نظيفي= صديق للبيئه ومعها حليفي
    وحتى مكانه رونق له مريفي=وبالليل يوقد ومع السمر سمار
    ومحافظ دايم على ادا صلاته =في دربه والا في مجاهل فلاته
    كشات يحسب سيته وحسناته=والله عليم بغيب الايام واقدار
    وان راح يوم اوعدة ايام =يجيب تصوير مع واكد اعلام
    بالمنتدى يكتب في صيغة افهام=ثم يشرح عن رحتلة مع كل ماصار

  3. #3
    تاريخ التسجيل
    Jun 2006
    المشاركات
    11

    تقبلوا هالابيات من اخوكم برمان



    قصيدة الشاعر = برمان



    دار يادارٍ سقى الوسمي جبلها مع سهله=من هللها يسقي الضلع وسقابه كل وادي
    ليت وادج غيثها ينبت نفلـها في محلــها=لين تصبح كنه الياقوت ياهب البـــرادي
    عقبها ولم فراشك واترك الـمدن وعملـــها=قالها منهو لعج المدن وازعاجه يعـــــادي
    انص دارٍ بالحيا من جـودها تلبس حللها=نبته العــاذر ولاحـطوا بمدخـلها مــزادي
    في طرفها يانظرته بالمـترا تشبع هملـــــها=ابذرت تذكـر وانا ماعاقني مس الشــدادي
    فوق فرخ الجيب يامخاوي وانامابي بدلها=ليا اشتغل دسله ويرهم كنه ارهام الجوادي
    مايـونـــي يابغيـته ياخـذا نـمره دبـلـهـا=ياخذ المطلاع بالراحه وتهذيب وركــــادي

  4. مشاركة: = القصائد المشاركة في مسابقة مكشات الشعرية =

    قصيدة الشاعر /بن شارخ


    ياماحلا الفنجال في وقت العصير= في جال صيوان ٍ مفتح رواقه
    من دلةٍ صفراء تسر النواظير=وبريق شاهي لايق ٍ لك مذاقه
    قدامك الشوزن وقدامك الطير=في وسط روض ٍ مخضرات ٍ اوراقه
    ريح الخزاما يجذبك والنواوير=لا هبت النسمه عليك برواقه
    تسمع جميل ألحان صوت العصافير= غنى (المدقي) فيه ويّـا (الفقاقه)
    و(القوبعه) تنزل على العشب وتطير= لها مع الريضان حب وعلاقه
    مد النظر ترعى الغنم والمغاتير= راعي الحلال يزيد فيه اشتياقه
    كل ما يجيك الجار جايب معه خير=اما لبن أو زبد أو در ناقه
    تجمعوا حولك نشاما مناعير= خفاف دم ولا دخلهم حماقه
    مسطرين الهرج والشعر تسطير= وسوالف ٍ ومزوح فيها لباقه
    النار شبت عندها رول قصدير=جاب (القطا) راعي الفشق والتفاقه
    في طاعة الله ما تضر المخاسير=لا صرت مستانس معاك الرفاقه
    ما زادت الدنيا بجمع الدنانير= ولا فادت اللي حان موعد فراقه

  5. مشاركة: = القصائد المشاركة في مسابقة مكشات الشعرية =

    قصيدة الشاعر /هاوي خلا


    يا مجيب الدعاء رازقً من سعى = معطيً كل خير مبعدً كل شر
    استجب دعوتي واصلحن واخوتي = واحينا مسلمين بين كل البشر
    قمت أبكتب قصيد نافعً أو مفيد = فيه نصحً كثير وفيه كل العبر
    أكتبه للكشوت لا بسين البشوت = كل هاوي خلا وكل هاوي بحر
    ابتدي بالقريب من سلايل عريب = والبعيد البيعد ان نسي أو ذكر
    انصحك بالصلاه تقترب للإله = أمسك الدين والموت ماعنّه مفر
    ثم بر والديك اللي خافو عليك = من يزعل حداهم خسر وانكسر
    ولا تخلي أقرباك هم رشاك وعصاك = بالتجمع معزّه والتفرّق ضرر
    وانتقي اصدقاك مثل هذا وذاك = دوّر اللي ينجّيك وقت الخطر
    وانصحك بالخلا عل قلبك سلا = يجلي الهم عنّك ويجلي الكدر
    حمل العزبتين وكل شيءً ثمين = خلك أنت المعزب بصحن وقدر
    والحجاج انطلق مثل طلق الفشق = ولا لفالك ضيوفً فرحّب وسَر
    يا تبوع الربيع انتبه لا تضيع = ولا تسافر لحالك يضيق الصدر
    انبسط واسفهل ثم رحب وهل = لا تخرب مكانك باقي السفر
    وأن قنصت الطيور بالك اللي محظور = كل طيرً حلالً واقعً بالشجر
    لا تصيد الجوارح وكل ما كان سارح = خل صيدك لحاجه لو تكون مقتدر
    وهل صيد البحار من كبار وصغار = انتبه لا توهق ترى ندّك بحر
    من يصيد الضبا حي هاك النبا = لا تروّح لحالك ولو لك عذر
    من عرفنا مكشات لمنا من شتات = فيه في كل خيمه تقارير وصور
    الاعضاء والمشرفين كل زين وزين = اسأل اللي تريده وتلقى الخبر

  6. مشاركة: = القصائد المشاركة في مسابقة مكشات الشعرية =

    قصيدة الشاعر /sary salman


    سلام مني عليكم دوم=يامن يخاويني من هالقوم
    طنت ببالي نهار اليوم=كشته على كيف ماتاتي
    مني لكم شنطة العده=والفرش مربوط من مده
    ترا الطفش واصلن حده=لو تسمعوا كيف آهاتي
    مسراحنا آخر الأسبوع=في الكشته ناخذ لنا أسبوع
    لزم ن علينا بعدها رجوع=أسبوع يكفي هواياتي
    اللي يبا الرفقه ويانا=يشد حيله وينصانا
    نعطي على قد ماأعطانا=ونزيد له بالزيادات
    رجل ن سموح لنا شاري=يحفظ عهودِ وأسرارِ
    يمزح معانا بمقدارِ=عاداتهم مثل عاداتي
    راعِ ن لتقوى وديانه=وإخلاص معروف وأمانه
    مامل صاحب ولاشانه= محسوب ضمن الحساباتي
    وراعي علوم ن لها ميزان=من قلب صافي وطيب لسان
    قرمِ ن وصاطي من الشجعان=ينفعك وقت المهماتي
    هذا طلبنا الذي منكم=واللي بقى نحمله عنكم
    يازينها اليوم رفقتكم=لأن السفر بالمخواتِ

  7. مشاركة: = القصائد المشاركة في مسابقة مكشات الشعرية =

    قصيدة الشاعر / أبو شعلان



    قالوا توظّف قلت ممّـدي على خير=وش لي بها دام السحاب يتـراكم
    ودام الفياض اللي هدبها مـخاضير=وش لـي بها بالله يافلان وإحـكم
    أنـا غـرامي مـع رجالٍ مـناعير =لا صار كلن مع عفوشـه تـوّلم
    وشدّوا مواترهم على حزّة عصيـر =وكلـن هتـف للـي وراه يتقـّدم
    نـاوين مـقناصٍ بـذيك العثاميـر =بـارضٍ بها ينزاح من قلبي الـهم
    وساعة وصـلنا عقب ذيك المشاوير =نزلت أنا العزبه وأحلّـف وألّـزم
    وأوقدت لـي ضوٍ لهبهـا تقل كيـر =وأقـرّب الـدّلـه وأبهّـر والّـقّم
    وأديـر فنجـالٍ يزيـل الـتفاكيـر =ويجلي هـواجيس وهمومٍ تكـّوم
    وكلـن مـع الفنجال ينقلّـه الـطير =طيور الحرار اللي تقدّر وتحـشّم
    أحدن يسولف ويش بكره يبي يصير=وأحدن يقـول الله سبحانه أعـلم
    سـاعة زمـان وكل أبونا مخاديـر =وكلن يبـا الـمرقاد بالليل الأعـتم
    ولاصـار للمذن مـع الفجر تحضير =نبـي نصلّي يـالربع قلت لـه سّم
    وحين أصبح الصبح ومشينا مداويـر =وكلن يوجّـه للـحراوي ويـهتـّم
    وطيري على يمناي وجهه تـباشير =راكـد ويطلـع ذابـحٍ مــاتعّلم
    أشعـل وبه دقٍ بـريشٍ مـواخيـر =ملمـوم جسمه اللـي كنّه مكـوّم
    طولـه يجي شبريـن لا صار تقدير =والعرض وافي كانه المتر مـا زّم
    وراسـه كبير واسـعات المناخيـر=وجهه عبوس تقول صاطي ومجرّم
    البوز وافـي والثنـادي مـزابيـر =والعين عيـن اللـي بغدفّـه تـلّثم
    أفحـج كفوفـه كنهّـن الـشناكيـر =وسـاقه قصيرٍ من سراويله أقـطم
    يكرم عـن اللي يمدحونه من الجير =ويحشم عن اللي فيه حجلٍ مـختمّ
    مـرّه اطلّـع فوق عالي المشاهيـر =ومرّه أحوف القاع وأرجع وأقـدّم
    والـجو رايق والحصى والمشاجير =والبـرد قاسـي والشغايـا تلـعِثم
    فـجأه ويكفخ كسرّ الريـش تكسيـر =ويرجع علـى التكيه يركّز ويـلتّم
    وحـاول يحقق طلعته وأرخي السير =ويشلع بعمره عن يميني وانا أزهّم
    قلت إلزمـو طيري طلـع يالصقاقير =وكلٍ يقـول الفال بـالخرب الأدهم
    طلعـه بعيـدٍ والشغايـا مـعاسيـر =وسـقنا وراه إليـن أرخى ورجّم
    أحدن ينكّت قـال يـمكن عـصافير =وأحدن يقول الطير ضايف ويجزّم
    ونبدا نحوف القـاع نرجي التياسير=والطير واقـع فـي مكانه ومـهتم
    وقيل أبشروا عندي جراير مـعابير =قـلنا كفو لاشك هـذا هـو الـعلم
    أحـدن مـع الجرّه يقصّـه بتدبيـر =وواحد يقطّع للـجراير معه عـلم
    فـجأه وهذولي ثـلاثٍ مـخامير =بين القشـوع وبين حصيان ورضّم
    خربٍ كبيرٍ وسط ربـدن محاقيـر =مـابينهن والطير خمسة عشـر تّم
    وحركتهـن وأقفـن ثـلاثٍ مدابير =والخـرب من بين الدجاج يتخاطم
    وصارن بعين الطير يالله عسى خير =وقلت الـهدد نبـغيه رايـق منضّم
    وحـوّل عليهـن مثل طلق المذاخير =ويـازين شوفـه لاضربهن ونجّم
    وقام يتنكّس واودع الريش تنثــير=والخرب راسـه يوم ناشه تـهشّم
    وتعافرن والـريش مـثل النواويـر =ألـين شفت الـخرب ودّع وسـلّم
    وحوّلت أنسّرله مـن الراس تنسـير=وأعطيه مـن قلبه على ريحة الدّم
    وربعـي مع الثنتين راحوا مـسابير =وجينـالهـن والـخرب عنهن تيتّم
    وهدّو عليهن وألحقوهـن تـعازيـر=ومـامنهن اللي راحت اليوم تـغّنم
    وكلـن يماري بـالهدد جاب تقريـر=وكلّـه بفضـل الله ورزقٍ مـقسّم
    وهذا غرامي مـثل ذيك التصاويـر =لا وفـّق الله والـربع قـولهم تـّم
    والبر يـذكر به حـباري مـعاشير =والله مـاظني عـقب هـذي أندّم
    والله تسـوى كل بيـض الغناديـر =اللـي تزيـد القلب هـّمٍ ورى غّم
    والله لـولا حـاجتـي للـدنانيـر =لقـول هجر الطير عندي مـحّرم
    وأستغفـر الله كـان بالهرج تقصير =وعلـى النبي يـالله صلـي وسّلم

  8. مشاركة: = القصائد المشاركة في مسابقة مكشات الشعرية =

    قصيدة الشاعر / كاتم الونه


    بعض الليالي طعمها يذوب ويـروح=وبعض الليالي غيـر كـل الليالـي
    تبقى بالك ويـن مـا تلـدّ وتـروح=والقلـب ماعنهـاولا يـوم سـالـي
    ليا صار مع ناس لها الصدر مشروح=متقاسميـن الطيـب عـذب زلالـي
    مافـي مجالسهـم ردي ومشـفـوح=ومعهـم علـوم طيبـاتٍ جـزالـي
    يفرح بهاالخاطر وتسعد بها الـروح=ومهيـلات مـن خيـار الـدلالـي
    والطيــر توّه شابكينه ومــطروح=متشــاركينٍ بالقنص والحـــلالي
    والارض خضرا والنفل عطره يفوح=في روضةٍ يطرق عليهـا الشمالـي
    ربـع على ماقيـل طبّابة جــروح=والا علـى ماقيـل ياهمــلالــي
    ياالله تنورهم علـى كـل مصلـوح=وتزيدهم مـن فضلـك اول وتالـي
    وترى الخطا بين الاجاويد مدمـوح=والعفــو كانـه قصّـر لسـان حــالـي
    اقولها وانا(عطـاالله ابـن ممـدوح)=بعض الليالـي غيـر كـل الليالـي

  9. مشاركة: = القصائد المشاركة في مسابقة مكشات الشعرية =

    قصيدة الشاعر / سعود


    سهيل زل أوبارق الوسم لي لاح = يشوق لي لاقام برقة يلوحي
    متوجدن لأيام مرت بالأفراح = والله امديم أوكل شئ يروحي
    وجدي على فياضن بها سدر واطلاح=أو خبارين يبري هواها جروحي
    فيها عبير الشيح والروض فواح= أوريحة القيصوم فيها تفوحي
    هذا بها كاشت أوهذاك سراح = وطيور غنت والوراقي تنوحي
    وأنا مع ألي مآبهم نفس شحاح= والكل منهم أفتديهم أبروحي
    أقروم ارجالن عاشو الوقت بكفاح= والكل منهم للمعالي طموحي
    هذا يبهر دلته أوذاك ذباح = والكل منهم بالمهمة كدوحي
    أوصلاة ربي فالقن نور الأصباح= ألي أبهيم الليل يبصر أو يوحي
    على الذي حبه على صدري أوشاح=سيد ولد آدم فديته إبر وحي

  10. مشاركة: = القصائد المشاركة في مسابقة مكشات الشعرية =

    قصيدة الشاعر /خيال الصبحاء



    الناس تضحك وجوي كان متعكر = وكم واحد(ن) قال شكلك ياولد هاوي
    الا عطا الله زهمني وقال لي فكر = النيه الجوف كانك ليه مخاوي
    ترى السنه وسمها ياصاحبي مبكر = والعشب مد النظر والروض متساوي
    وانا اركب الجيب لكن قلبي متنكر = ونشري لنا هريفي(ن)من واحد(ن)شاوي
    وحنا نخيم بروضه غيمها موكر = ويمرنا ذود يرعى بمرتع(ن)خاوي
    حليبها يوم طعمته طعمه يسكر = وتمر(ن)أكلناه معه اخلاص خرجاوي
    ونسيت هم المدينة ولاني متذكر = من بعد فنجال كنه وصفت مداوي
    وسلمان يشوي وكلن له متشكر = وقرص (ن) على ملة الي جمرها كاوي
    وجلسه على كيف كيفك مابه معكر = سوالف(ن) مثل ابن شرهان والراوي
    ونصح(ن) وتذكير للي قلبه مسكر = واشعار والغاز للي لحلها قاوي
    ياضايق الصدر لا تحتار وتفكر = طبك ترى الجوف والا الطب حفراوي

  11. مشاركة: = القصائد المشاركة في مسابقة مكشات الشعرية =



    قصيدة الشاعر /راعي الجير



    ربعي هـــــلي ياكاسبـــين النوامــــيس = وش حيلة اللي ضايقن خاطره عمس
    يشكي الهموم امن الليالي المعـــابيــس = باكر مثل قبله على الابله وامس
    لافرق غير اللي سوات المحاميـــــــس = مع بنها الاشقر تكوى من الحمس
    هذي علوم اللي بعيد المرامـــــــــــيس = خذا من الايام معلومه ودرس
    لاضاق صدره فيتعوذ من ابليـــــــس = ويترك صديق السو ومطاوع النفس
    ويقني الحرار التامات القرانيـــــــــس = اللي يونس شوفها مطلع الشمس
    حرش الكفوف النادرات المقابيس = طرح السنه ماوسرت بربع وخمس
    مع خوتن مايعرفون الدنافيس = وعلومهم زينه ولافيهم النجس
    احد على الشبة واحد علق التيس =واحد يدوج الخد ويشوف ويعس
    في خايعن معشب براد ونسانيس = فيه ام سالم ترفع الصوت والحس
    يطرب لها من فيه هم وهواجيس = ولاحداه الدين والحال مفلس
    ومعهم حلال القوم صنع الاباليس = من وارد اليابان والخشم الافنس
    صمم على رقي الصعب والتضاريس = يمشي الوعر والطين والحزم والطعس
    وختامها عد الحبر في القراطيس = صلوا على من علم الجن والانس

  12. مشاركة: = القصائد المشاركة في مسابقة مكشات الشعرية =

    قصيدة الشاعر/ معطاب


    لاضاق صدري شلت صفر المعاميل = ودورتلي قفرٍ من الناس خالي
    فوق ابيضٍ يبري الكبود المعاليل= توه من اليابان جبته وجالي
    ليا ركبته كنك على شرد الخيل = من نوع لاندكروز وافي الخصالي
    ياكن صوته لانقرته هماليل= من عقربية هلت الما وسالي
    نسرح عليه الصبح او تالي الليل=ننصا ديار القوم اهل الشمالي
    وحنا دلايل ماتدور دواليل = خطو العيال مميلين العقالي
    خوة نشامى الرجال الحلاحيل=تسوى من الدنيا كثير الحلالي
    وفي مهمه قفرٍ قد عله السيل = شبيت لي ضوٍ يزيد اشتعالي
    وزينتلي كيف من البن والهيل = من العرف ناقيها من السوق غالي
    مع زعفرانٍ والشمطري ليا قيل =ياكن لونه لااندلق ثم مالي
    دم الغزال ليا انطلق له شخاتيل =ومن دونه الضيحه بعيد المنالي
    درجله الرماي وابعد لها الميل = من خوف لاترتخي في الرمالي
    ولااخذتلي منها خمسة فناجيل = يزين بدع القاف مماطرالي

  13. مشاركة: = القصائد المشاركة في مسابقة مكشات الشعرية =

    قصيدة الشاعر /مروق


    مكشات لي يومي ..اعيشه بمكشات =مع رفقة" علومهم غانمتي
    هذاك متزهب وهذاك مابات = وذولا جماعة ينطرون الصلاتي
    مع شبة المجمار ودلالا ذربات = والهيل ريحه باين بالعباتي
    ماعندهم غيبه ولاعلوم فسلات = هروجهم تبهج وكله حلاتي
    واذا بغيت الشور تجيك فزعات =شيء موثق مايجيبه هقاتي
    واذا بحلت بشيء جولك زرفات = كل يقدم خدمته بالرهاتي
    والسوق قايم والمبايع حراجات = من كل شكل ولون تلقى البغاتي
    واذا انفقد لك شيء لاتقول هيهات = كل معك فزاع لو كان شاتي
    والفن له بالمكاشيت حزات = رح لم قسم الكام واسمع وصاتي
    تلقى تصاوير" من كل الاشتات = متبين فيها جميل" وهاتي
    والمشرفين اللي يديرون بسكات = تطلاهم البيضاء بزين السواتي
    وختامها صلو على سيد الذات = عداد ماهل الوبل بالفلاتي

  14. مشاركة: = القصائد المشاركة في مسابقة مكشات الشعرية =


    قصيدة الشاعر/ رش السحاب



    الله اللـّي مـحبـبني ضـــــــــريّه= وجبال طخفه وهرمول وسلام !
    لها بــنفسي معــزّه داخلــــــــيّه= ومالي بها ، لاحلال ولا حرام
    احب فيها الفضاء وارضٍ عذيه=واحب لاجا من القبله غمام
    وهبت شذا ريح الازهار النديه=وغنّا على نايد السدره حمام
    وشبيت نار ٍ بجال الضلع حيه=يجلي سناها دياجير الظلام
    وطرّفت مــــــن جمرها للشاذليه=وطاب السمر مع رفيعين المقام
    هذي طراة الزمن ساعـــــه هنيه=والعمر يمضي وربك ما ينام
    ودك والى الرجل وان قصّر خويه=ما يكثر من التأفف والملام
    المرجله فعـــــــل خير وطيب نيه=وصبر ٍ على ما يغيض من الكلام
    والرزق بيدين خلاّق البريه=اللي ومر بالصلاة وبالصيام

  15. مشاركة: = القصائد المشاركة في مسابقة مكشات الشعرية =


    قصيدة الشاعر/ هاني السلوم



    ياالله ياللــــــــــي ترسل الفلك بالريح= يــــــــامرسل محمد نذير ٍوهادي
    أنزل علينا مــــــــــــــــايسروتفاريح= غيث ٍ يجينا قبل وقـــــــت البرادي
    يفرح بـــــــــــه البدوان هم والفلاليح=ويفرح به اللـي بالحضروالبوادي
    ويفرح به اللـــــي له فروق ٍمساريح= اللـــــــي حداه من العنا كل حادي
    والسحب تضفي فوقنا قـــــبل ترزيح= الوابل الـلـــي صوت رعده ينادي
    جو ٍتطيب به القلوب المـــــــــجاريح=جو ٍ خيالي بــالوصف غير عادي
    ثم الوبل ينزل مـــــــن المزن ويطيح = والسيل يملا كل روضـــه ووادي
    حتى نشوف النفل ينبت مـــــع الشيح =وريح الخزاما مـثل مسك ٍ وكادي
    والارض خضراء تبهج القلب ويريح= والبرجاهزللمكاشت وبــــــــــادي
    كنــــــه ينادي للمخاليق ويــــــــصيح=ياللي بوسط البيت وين انت غادي
    عز الله انــــــــه يبعد الــــــهم ويزيح= شوفه منى روحـــي ويبري فؤادي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •