الكاستنق: بعض الاستفسارات، والطعم الصناعي

[clownmask]

السلام عليكم

اولًا وقبل كل شيء، انا شخص جديد على عالم الصيد، وتقريبًا من بدأت حتى الآن لي اسبوعين فقط
وطحت على منتداكم بالغلط واستفدت الكثير من قراءة المواضيع وقراءة الردود وتعلمت الكثييير

ثانيًا، عندي بعض الاستفسارات فتحملوني
والى عنده جواب على اي استفسار او يقدر يفيدني بأي شيء يتفضل

1- طبعًا اول ما بدأت اصيد اخذت لي عدة اي كلام، قصبة كربون 2 ونص متر و مكينة صغيرة بسعر رخيص.. لكن الآن افكر تبديل القصبة الى فايبر وتبديل المكينة الى مكينة جيدة وكبيرة
فابغى نصايحكم بهالخصوص، وش افضل طول للقصبة، هل 4 متر او 4.5 متر مناسبين؟
طبعًا هدفي ارسال الطعم الى ابعد مكان ممكن، فحتى الآن ما قست المسافة بشكل دقيق ولكن بامكاني ارسل الطعم من 70-80 متر باستخدام قصبة 5 متر
ولذلك ابغى اشتري عدة مناسبة للإرسال لمسافات طويلة فوق الـ 100 متر
هل قصبة 4.5 مناسبة؟ او 4؟ وبالنسبة للمكينة يا ليت تشيروا عليّ باسماء مكايين جيدة
كذلك حجم الخيط المناسب
وهل في اماكن بيع ادوات صيد اسعارها ممتازة في الشرقية؟

2- قرأت ان هناك نوعين من المكايين، نوع اسمه bait casting والنوع الثاني البكرة العادية ما اعرف اسمها
طبعًا انا حاليًا استعمل النوع الثاني
ولكن ما الأفضل؟ هل الـ bait casting افضل من البكرة؟ خصوصًا في ارسال الطعم الى مكان بعيد، وهل الـ bait casting تعتبر اصعب؟

3- افكر في شراء عدة كاملة، من ثقول مختلفة الوزن الى مجادير متنوعة الاحجام
وش الاشياء الى ممكن احتاجها بالاضافة الى المجادير والثقول؟

4- حاليًا اصيد بالروبيان و الخثاق، وجربت القبقب واحيانا اجمع دود من بين الاحجار "الى يجي داخل الصدف، ما اعرف اسمه ;p"، طبعًا القبقب والدود للأسف ما يمسك، ويفك بسرعة، او يمكن انا ما عرفت اركبه صح
وش اقدر اجرب ايضًا كطعم؟
افكر بتجريب الطعم الاصطناعي، بحثت في الانترنت لقيت طعم اصطناعي روبيان مثل الي في الصورة
https://images-na.ssl-images-amazon....L._SL1000_.jpg
هل ينفع للكاستنق وهل يعلق بين الاحجار بكثرة ولا؟ ههههههه سعره غالي واخاف يعلق واضطر اقطع الخيط
ولقيت اسماك اصطناعية مثل هذي
https://images-na.ssl-images-amazon....L._SL1000_.jpg
بس اظن كبيرة ولا تنفع للكاستنق الا على مسافات طويلة صح؟
يا ليت تجاربكم مع الطعم الاصطناعي على المسافات القصيرة والمتوسطة يعني من 50 الى 100 متر

5- واخيرًا، وش مواقع الصيد الجيدة في القطيف، الدمام، رأس تنورة والجبيل؟ عن تجربة يا اخوان، ويا ليت تذكروا لنا الوقت المناسب للصيد ان امكن
الأمس رحنا ابو مريخة وجلسنا من الساعة 2 الى الساعة 5 وربع وللاسف ما توفقنا الا بصيد سمكة وحدة بحجم الكف "نيسر" وكان في جماعة جنبنا طلعوا قرقفان صغير ايضًا
ومن بعد هالسمكتين نشف البحر ههههههه



ادري كثرة عليكم الاسئلة ولكن حاب اتعلم للصيد صح واستفيد منكم وافيدكم ان امكن
واذا عندكم نصايح لي يا ليت تتفضلوا

[الصيادالمليح]

بالنسبة لأماكن بيع عدة الصيد فألاحظ أن المحلات اللي في الخبر أفضل ويوجد في المنطقة المركزية عدة محلات جيدة.

وش الاشياء الى ممكن احتاجها بالاضافة الى المجادير والثقول؟
تحتاج خيوط إضافية - مقص - سكين حاد - لوح تقطيع - حلقات توصيل - مصفر (سلك معدني)

بالنسبة للطعم الصناعي فتحتاج قصبة بطول من مترين و نصف إلى ثلاثة أمتار

الطعم الصناعي على شكل روبيان مناسب لصيد الحبار
الطعم الصناعي على شكل سمكة الأفضل يكون بطول حجم كف اليد (من 10 إلى 15 سم )

بالنسبة لأماكن الصيد في الجبيل الصناعية فهو منطقة كورنيش الفناتير ( مقابل مطعم ستيك هاوس - مقابل غالريا مول - مقابل مطعم اليخت )

[clownmask]

بالنسبة لأماكن بيع عدة الصيد فألاحظ أن المحلات اللي في الخبر أفضل ويوجد في المنطقة المركزية عدة محلات جيدة.

وش الاشياء الى ممكن احتاجها بالاضافة الى المجادير والثقول؟
تحتاج خيوط إضافية - مقص - سكين حاد - لوح تقطيع - حلقات توصيل - مصفر (سلك معدني)

بالنسبة للطعم الصناعي فتحتاج قصبة بطول من مترين و نصف إلى ثلاثة أمتار

الطعم الصناعي على شكل روبيان مناسب لصيد الحبار
الطعم الصناعي على شكل سمكة الأفضل يكون بطول حجم كف اليد (من 10 إلى 15 سم )

بالنسبة لأماكن الصيد في الجبيل الصناعية فهو منطقة كورنيش الفناتير ( مقابل مطعم ستيك هاوس - مقابل غالريا مول - مقابل مطعم اليخت )

كل الشكر عزيزي
تحملني شوي، جديد على الهواية واسئلتي كثير

حاب اغير عدة الصيد واشترى مكينة وقصبة جدد
تنصحني بمكينة من شركة معينة؟ قرأت ان banax ممتازة ولكن للأسف انقطعت عن السوق
ميزانيتي للمكينة هي 200 ريال بالكثير

بالنسبة للخيوط، في شركات كثير واشكال والوان وانواع.. افكر اخذ مقاس 0.40 لون وردي او ازرق فاتح.. لكن هل تفرق الشركات؟ من ناحية قوة التحمل

الطعم الصناعي جت في بالي فكرة، وهي تركيب عوامة واخلي بينها وبين الطعم الصناعي متر او متر ونص وارمي واخليه لين اصيد
هل تتوقع راح اصيد بهذه الطريقة؟ و وش الطعم المناسب؟ ناس قالوا لي اركب طعم صغير سيلكون
او الافضل ما اركب عوامة واسوي jugging افضل؟

الزبدة انا حبيت هالهواية وحاب ابحر فيها اكثر ويوميًا اقرا في المواقع العربية اولانجليزية كلما شفت عندي وقت فاضي
لكن محتاج نصايح منكم ومشاركة خبرتكم معي

[the fox]

وعليكم السلام ورحمة الله وبركاته،
اخوي طول بالك وخذ الامور حبه حبه وإن شاء الله ما اقصر معك...
((1- طبعًا اول ما بدأت اصيد اخذت لي عدة اي كلام، قصبة كربون 2 ونص متر و مكينة صغيرة بسعر رخيص.. لكن الآن افكر تبديل القصبة الى فايبر وتبديل المكينة الى مكينة جيدة وكبيرة
فابغى نصايحكم بهالخصوص، وش افضل طول للقصبة، هل 4 متر او 4.5 متر مناسبين؟
طبعًا هدفي ارسال الطعم الى ابعد مكان ممكن، فحتى الآن ما قست المسافة بشكل دقيق ولكن بامكاني ارسل الطعم من 70-80 متر باستخدام قصبة 5 متر
ولذلك ابغى اشتري عدة مناسبة للإرسال لمسافات طويلة فوق الـ 100 متر
هل قصبة 4.5 مناسبة؟ او 4؟ وبالنسبة للمكينة يا ليت تشيروا عليّ باسماء مكايين جيدة×
كذلك حجم الخيط المناسب×
وهل في اماكن بيع ادوات صيد اسعارها ممتازة في الشرقية؟))

*اخوي اذا عدتك الاولية حالتها جيدة ما يحتاج تغيرها بس اذا كنت ناوي عالتغيير فخذ نصيحتي
اولاً حط لك ميزانية حوالي ٤٠٠ ريال او ٥٠٠ او حسب اللي تشوفه مناسب
ثانياً واهم شيء القناعة
ثالثاً قسم امورك الى قسمين قصدي تاخذ لك سنارتين وحده طولها حوالي ٣.٥ او ٤ متر او اكبر للحداق وسنارة ثانية ما تتعدا المترين ونصف للفاح او (الطعم الصناعي) او ميارير .
انصحك ب قصبة gmc
مكينة ميتشل او دايوا
خيط big game مقاسه على حسب المكينة


2- ((2- قرأت ان هناك نوعين من المكايين، نوع اسمه bait casting والنوع الثاني البكرة العادية ما اعرف اسمها×
طبعًا انا حاليًا استعمل النوع الثاني×
ولكن ما الأفضل؟ هل الـ bait casting افضل من البكرة؟ خصوصًا في ارسال الطعم الى مكان بعيد، وهل الـ bait casting تعتبر اصعب؟))
* تعتبر صعبة شوي اصعب من spinning او المكينة العادية ومكينة ال bait casting مهي مخصصة للرمي من الشاطئ بعض النوعيات تنفع والباقي لا، تشربك الخيط عليك هي مخصصة للتشخيط او trolling.

3-((3- افكر في شراء عدة كاملة، من ثقول مختلفة الوزن الى مجادير متنوعة الاحجام
وش الاشياء الى ممكن احتاجها بالاضافة الى المجادير والثقول؟))
* جاوب عليك الاخ الصياد المليح


4-((4- حاليًا اصيد بالروبيان و الخثاق، وجربت القبقب واحيانا اجمع دود من بين الاحجار "الى يجي داخل الصدف، ما اعرف اسمه ;p"، طبعًا القبقب والدود للأسف ما يمسك، ويفك بسرعة، او يمكن انا ما عرفت اركبه صح
وش اقدر اجرب ايضًا كطعم؟×
افكر بتجريب الطعم الاصطناعي، بحثت في الانترنت لقيت طعم اصطناعي روبيان مثل الي في الصورة
https://images-na.ssl-images-amazon....L._SL1000_.jpg
هل ينفع للكاستنق وهل يعلق بين الاحجار بكثرة ولا؟ ههههههه سعره غالي واخاف يعلق واضطر اقطع الخيط
ولقيت اسماك اصطناعية مثل هذي
https://images-na.ssl-images-amazon....L._SL1000_.jpg
بس اظن كبيرة ولا تنفع للكاستنق الا على مسافات طويلة صح؟×
يا ليت تجاربكم مع الطعم الاصطناعي على المسافات القصيرة والمتوسطة يعني من 50 الى 100 متر×))
* شغلك مضبوط وطعومك مافيها كلام اجل مشكلتك في حسبة الوقت والمايه وبالنسبة للربيانة الاصطناعية هذي تلقاها في محلات الصيد وفيه منها الوان واشكال وحتى السمكة الاصطناعية بس الصورة اللي انت نزلتها هذي اسمها jointed lure ويستخدمونها حقين الانهار اكثر من البحر، في البحريستخدمون اللي تجي قطعة وحدة او اثنين بالكثير
وفي منها انواع: popper,stickbait,crank,jerk,shad,vib هذي الانواع الشائعة، وكلها تجذب السمك عبر حركتها وما ينفع تخليها ثابتة كذا تكون ما استفدت شيء على عكس ميارير السيليكون او soft bait واذا كان فيه تصخيير او تشيير يضيع الميارير استخدم نوعيات يكون عمق الغطس اقل من القاع.
و على فكرة اللفاح فن مهب على شرط تكون ادواتك اغلى شيء في السوق.


5-((5- واخيرًا، وش مواقع الصيد الجيدة في القطيف، الدمام، رأس تنورة والجبيل؟ عن تجربة يا اخوان، ويا ليت تذكروا لنا الوقت المناسب للصيد ان امكن))
*الوقت مهب ثابت انصحك بهذا الموقع ولكن الرزق بيد الله سبحانه
http://www.almadwaaljazer.com/as/sau...as-at-tannurah
والرابط اللي تحت بيتحمل تلقائي الى خرائط Google فيه محلات الصيد واماكن صيد وبتستفيد ان شاء الله
https://www.google.com.sa/url?sa=t&s...g=AFQjCNFQJdv-
ZpI_SRhxQNPfKZhvYtNlQQ

واي استفسار انا في الخدمة
Insta: fishing.and.mania
وشكراً على المتابعة...

[clownmask]

يعطيك الف عافيه اخوي على الافادة
توني انتبه لردك
وفتحت موضوع جديد قبل ما انتبه له
المعذرة

يالغالي ما قصرت وضحت لي نقاط كثير
الحين انا هالفتره بأخذ لي عدة لفاح
مكينة وقصبة
بس متردد لأني خايف من شغلة
وهي ان بحرنا يكون غير مناسب للفاح من الشاطئ بسبب العمق " طبعًا اتكلم عن الشرقية، والعمق عندنا من الشاطئ متر مترين وان زادت ثلاثة"
فهل انت جربت اللفاح وقدرت تصيد به؟ طبعًا شفت ناس تصيد في اليوتيوب في رأس تنورة، لكن كل صيدهم ضلعات بس!

طبعًا العدة الي بأخذها وزن من 5 ج الى 30 ج، FAST ولحد الحين ما شفت نوعيات جيدة وحلوة اسعارهم
اذا عندك شير عليّ باسماء نوعيات حلوة واسعارها ممتازة، واحد نصحني بشيمانو يقول عندهم قصبة ممتازة ورخيصة
وش رأيك انت؟

شكرًا لك عزيزي
بالنسبة لانستقرامك ما حصلته للأسف