السلام عليكم
اولًا وقبل كل شيء، انا شخص جديد على عالم الصيد، وتقريبًا من بدأت حتى الآن لي اسبوعين فقط
وطحت على منتداكم بالغلط واستفدت الكثير من قراءة المواضيع وقراءة الردود وتعلمت الكثييير
ثانيًا، عندي بعض الاستفسارات فتحملوني
والى عنده جواب على اي استفسار او يقدر يفيدني بأي شيء يتفضل
1- طبعًا اول ما بدأت اصيد اخذت لي عدة اي كلام، قصبة كربون 2 ونص متر و مكينة صغيرة بسعر رخيص.. لكن الآن افكر تبديل القصبة الى فايبر وتبديل المكينة الى مكينة جيدة وكبيرة
فابغى نصايحكم بهالخصوص، وش افضل طول للقصبة، هل 4 متر او 4.5 متر مناسبين؟
طبعًا هدفي ارسال الطعم الى ابعد مكان ممكن، فحتى الآن ما قست المسافة بشكل دقيق ولكن بامكاني ارسل الطعم من 70-80 متر باستخدام قصبة 5 متر
ولذلك ابغى اشتري عدة مناسبة للإرسال لمسافات طويلة فوق الـ 100 متر
هل قصبة 4.5 مناسبة؟ او 4؟ وبالنسبة للمكينة يا ليت تشيروا عليّ باسماء مكايين جيدة
كذلك حجم الخيط المناسب
وهل في اماكن بيع ادوات صيد اسعارها ممتازة في الشرقية؟
2- قرأت ان هناك نوعين من المكايين، نوع اسمه bait casting والنوع الثاني البكرة العادية ما اعرف اسمها
طبعًا انا حاليًا استعمل النوع الثاني
ولكن ما الأفضل؟ هل الـ bait casting افضل من البكرة؟ خصوصًا في ارسال الطعم الى مكان بعيد، وهل الـ bait casting تعتبر اصعب؟
3- افكر في شراء عدة كاملة، من ثقول مختلفة الوزن الى مجادير متنوعة الاحجام
وش الاشياء الى ممكن احتاجها بالاضافة الى المجادير والثقول؟
4- حاليًا اصيد بالروبيان و الخثاق، وجربت القبقب واحيانا اجمع دود من بين الاحجار "الى يجي داخل الصدف، ما اعرف اسمه ;p"، طبعًا القبقب والدود للأسف ما يمسك، ويفك بسرعة، او يمكن انا ما عرفت اركبه صح
وش اقدر اجرب ايضًا كطعم؟
افكر بتجريب الطعم الاصطناعي، بحثت في الانترنت لقيت طعم اصطناعي روبيان مثل الي في الصورة
https://images-na.ssl-images-amazon....L._SL1000_.jpg
هل ينفع للكاستنق وهل يعلق بين الاحجار بكثرة ولا؟ ههههههه سعره غالي واخاف يعلق واضطر اقطع الخيط
ولقيت اسماك اصطناعية مثل هذي
https://images-na.ssl-images-amazon....L._SL1000_.jpg
بس اظن كبيرة ولا تنفع للكاستنق الا على مسافات طويلة صح؟
يا ليت تجاربكم مع الطعم الاصطناعي على المسافات القصيرة والمتوسطة يعني من 50 الى 100 متر
5- واخيرًا، وش مواقع الصيد الجيدة في القطيف، الدمام، رأس تنورة والجبيل؟ عن تجربة يا اخوان، ويا ليت تذكروا لنا الوقت المناسب للصيد ان امكن
الأمس رحنا ابو مريخة وجلسنا من الساعة 2 الى الساعة 5 وربع وللاسف ما توفقنا الا بصيد سمكة وحدة بحجم الكف "نيسر" وكان في جماعة جنبنا طلعوا قرقفان صغير ايضًا
ومن بعد هالسمكتين نشف البحر ههههههه
ادري كثرة عليكم الاسئلة ولكن حاب اتعلم للصيد صح واستفيد منكم وافيدكم ان امكن
واذا عندكم نصايح لي يا ليت تتفضلوا