15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 5 من 5

الموضوع: موقف غريب لايمكن ان انساه ادخل ؛

  1. #1
    تاريخ التسجيل
    Jun 2017
    المشاركات
    23

    موقف غريب لايمكن ان انساه ادخل ؛

    السلام عليكم ايها المكشاتيون احكي لكم موقف حصلي عام 1429 موقف مريب وغريب في نفس الوقت ؛ عام 1429 كنت اكد من الرياض الى حفرالباطن والى الدمام وجميع مناطق مملكتنا الحبيبة قبل ان يرزقني الله بالوظيفة الحكومية من غير حول ولا قوة والحمدلله على كل حال كنت في مواقف البطحاء بالرياض انادي على حفرالباطن لكي يأتون الركاب والحقيقة انتظرت كم ساعة محد جاء والحقيقة كنت ضايق وزعلان لان محد جاء من الركاب وقلت في نفسي ابي ارجع للحفر والرزق جاي بأذن الله ومشيت وصلت على طريق المجمعة حفرالباطن كانت الساعة 1 بالليل وقت الدوامات يعني الطريق فاضي وعند وصولي لنقطة تفتيش ام سدرة شمال المجمعة مقابل مركز امن طريق الشمال وقفني العسكري بالنقطة سلم وقالي عندي راكب ابيك تاخذه معك قلت وين يبي قال الحفر قلت طيب مافيه مانع وجاء الرجال تقريبا بالاربعين عمره ومعه شنطة والصراحة شكله ما ارتحت له ركب وسلم وقعدت اسولف انا وياه الرجال ونيس راعي سوالف وبعد ماتعدينا الارطاوية ناظر فيني بشدة بعدين قالي ليش زعلان ومعصب قلت لاوالله مافيني شي بعدين قالي عطني يدك عطيته يدي ومسك العروق اللي ظاهرة وقال انت زعلان لانك مالقيت ركاب صح ولا لا انا هنا انصدمت وخفت الصراحة واصلا ماقلت له اني كداد قلت وش دراك قال انا ادري وبعدها بربع ساعة تقريبا وكنت امشي تقريبا 200 كيلو متر بالساعة ابي اوصل بسرعة قال قرب راسك انا هنا بغيت اصفقه على وجهه بس سكت تقديرا لعمره قلت ليش قال بس ومسك جبهتي قال انت اسم امك فلانة وقال اسمها الحقيقي انا هنا قلبي طاح قلت انت جني ولاتعرفني ولا وش فيك بالضبط قال ماعليك انا اعرف انا اعرف وتعوذت بالله من الشيطان الرجيم منه اذا كان جني او ساحر او ابليس على هيئة بشر وبعدها دخلنا بعرض السوالف الى ان وصلنا لحفر الباطن وقال انا ماني من اهل الحفر انا من شعبة نصاب مدينة صغيرة على طريق رفحاء وقلت للعسكري بالنقطة ابي الحفر عشان اركب معك وللحين نزلني عند ربعك الكدادين عشان اروح للشعبة قلت طيب انا ابي السلامة منه ونزلته عند النقل الجماعي ومشيت لبيتنا وانتهت السالفة ,, ولاتحرموني من الردود الموقف له 9 سنوات وللحين ماراح من بالي وشكرا لكم

  2. #2
    تاريخ التسجيل
    Oct 2002
    الدولة
    نجد
    المشاركات
    20,206

    رد: موقف غريب لايمكن ان انساه ادخل ؛

    وعليكم السلام ورحمة الله وبركاته

    الحمد لله لا أحد يعلم الغيب إلا الله سبحانه

    أكيد الرجال ذكي وعنده فراسة وفي الوقت نفسه يعرف اسرتك ولا تعرفه

    والله اعلم

  3. #3
    تاريخ التسجيل
    Feb 2004
    الدولة
    شرق الرياض
    المشاركات
    2,947

    رد: موقف غريب لايمكن ان انساه ادخل ؛

    الحمدلله على سلامتك

    معرفة اسم الام هذه يتعامل بها السحره مع الجان والله اعلم

  4. #4
    تاريخ التسجيل
    Jun 2017
    المشاركات
    23

    رد: موقف غريب لايمكن ان انساه ادخل ؛

    اقتباس المشاركة الأصلية كتبت بواسطة ناصح مشاهدة المشاركة
    وعليكم السلام ورحمة الله وبركاته

    الحمد لله لا أحد يعلم الغيب إلا الله سبحانه

    أكيد الرجال ذكي وعنده فراسة وفي الوقت نفسه يعرف اسرتك ولا تعرفه

    والله اعلم
    وعليكم السلام اخوي ناصح يمكنه ذكي والله اعلم بس انه يعرفني او يعرف الجماعة ما اعتقد لانها كانت اول مرة اشوفه واخر مرة اشوفه فيها وشرفني مرورك يالغالي شكر لك .

  5. #5
    تاريخ التسجيل
    Jun 2017
    المشاركات
    23

    رد: موقف غريب لايمكن ان انساه ادخل ؛

    اقتباس المشاركة الأصلية كتبت بواسطة خيال الغلبا مشاهدة المشاركة
    الحمدلله على سلامتك

    معرفة اسم الام هذه يتعامل بها السحره مع الجان والله اعلم
    الله يسلمك اخوي خيال الغلبا الله واعلم والله يكفينا الشر شرفني مرورك شكرا لك .

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •