المشاركة الأصلية كتبت بواسطة برهوم جدة
السلام عليكم . هلا بك ياملكي وربي يخلي لنا الملكي . وابشر بالافادة وسوف احاول افادتك مع اني من جدة ولكن صارت لي هذي المواقف زمان ايام الجلب من على الشاطىء .عموما حتى وحنا نصيد من القوارب ممكن تعلق السنارات او الثقالات بالصخور وهذا يعتمد على موقع الصيد اذا فيه صخور او قطع مرجانية حتى في بعض الاماكن الطينية . فلا تحسب انها تواجهك انت لحال عالشاطىء. وقد ينعدم الحل اذا الصيد وامامك صخور او شعاب مرجانية فاما انك وانت تسحب تدخل السنارة بالشعب المرجاني والصخور او ان السمكة تدخل الشعب المرجاني.
موضوع العوامة فعلا ممكن تكون مفيدة لو ان الموقع اللي بتصيد فيه بحر عاري مو غزير يعني متر الى مترين ولكن حط ثقل خفيف نوعا ما بس ينزل السنارة في البحر .
انصحك انك تروح بنفسك تكتشف الاماكن الطينية اللي حولها شعاب مرجانية وتحاول تصيد بها وقبل ما تبدأ تصيد اطحن شوية ساردين وحبار واخلطه بشوية رملة من البحر وارميه في المكان اللي راح ترمي في السنارة وهذا يسمونه تزفير حتى يتجمع السمك . برضوا جرب تصيد من ابومقص الصغار اللي عالشاطىء وتتركه في برميل مويه حي وتعلقه بالسنارة لانه يجذب اسماك الطينه زي الحفار والقاص والشعور وابوكحله والعريض .
اخيرا تشوف بعض الشباب اللي يصيدون من على الشواطىء واتبعهم وربي يرزقك وفالك الخير والصيد الزين .
اتمنى اكون قدمت لك ما اعرفه . تحياتي
رد مع اقتباس
