فراسه قويه ما تخيب

[راعي الصقلاوي]

مسيكم بالخير الجميع .

ابان خدمتي في العسكريه خلال الدوريات الاعتياديه حول المعسكر لاحظت راعي شياه عزب بالشياه قريب من المعسكر كان بعيد عنا حوالي 4 كيلو متر .
قطعة الارض اللي عزب فيها الراعي ملك لاهله .
ترددت عليه اكثر من مره في احد الليالي رحت اتفقده حين وصلت نزلت من السياره كانت النار شابه و الشياه هاجعه الفرس مربوطه تحت شجره
ومتاع الراعي موجود ناديت عليه فسمعته يقول لي هنا مو قادر امشي لدغني ثعبان سام في رجلي اليمين
توجهت صوب صوت الراعي لقيته منسدح على ظهره والثعبان مقتول جنبه كانت اللدغه فوق مفصل القدم
حملته للسياره واجريت اتصال مع قائد المعسكر
فطلب مني نقله للمستشفى رحت فيه للمستشفى وهناك اعطوه المصل بعد ما توكدوا من فصيلة الثعبان السام .
اخذت اسمه الكامل وعنوان اهله ورجعت للمعسكر ومن هناك رحت لاهله لاجل نبلغهم لاجل يرسلون احد يقوم بالحلال لانهم الجنود يحرسون شياههم
رحت لديرته وسالت عن اهله حين وصلت بيت اهل الراعي دقيت الباب فتحت لي الباب شاب طرحت عليه السلام وتحية المساء
قلت له : ابو راشد موجود ؟
جاوبني : تفضل .
دخلت معه لقيت هالربع جالسين في حوش البيت طرحت عليهم السلام وصافحتهم الجميع .
قلت : من ابو راشد .
جاوبني رجال : حياك الله تفضل .
قلت له : ابنك فلاح نقلته للمستشفى لانه تعرض للدغة ثعبان لكنه الحمدلله بخير .
قالي : جزاك الله خير
قلت له : ودي احد من اولادك يجي لعند الحلال لانهم الجنود يحرسون شياهكم تراها صارت امانه في رقابنا .
فارسل معي 3 من اولاده وصلنا لعند الحلال ودعتهم وقلت لهم تحتاجون اي شي ترى المعسكر قريب .
حين تحدث مع الرجال ابو راشد كان يتفرس بوجهي بشكل غريب ولاحظت نظرات ما عرفت مغزاها .
افضيت بهاذ الشيء لاربعه من اصدقائي المقربين حميدي صديق طفولتي وبنفس الوقت يكون زوج اختي بالرضاعه ( بنت خالتي ) .
وخلف ومثني ونزار وذول كنت وما زلت أأنس بالجلوس والسهر والكلام والسواليف معاهم .
بعد 3 ايام صدفت هالرجال داخل المعسكر ومعه 4 ضباط رفيعين الرتبه .
حين صدفته رجع تفرس بوجهي حينها ما عاد عندي شك هالرجال هاذ في وراه سالفه .
الامر المحير انه هالرجال ما شفته من قبل ولا اعرفه فصرت اضرب اسداس باخماس
في ذاك اليوم الرجال هاذ جاب الغدا للعساكر بشاحنتين كان الغدا ( المنسف ) الطبق الشعبي المشهور عندنا في الاردن
جلست على الغدا وكان معي اصدقائي حميدي وخلف وضابط برتبة ملازم وضابط برتبة مقدم وقائد المعسكر .
بعد ما تغدينا وغسلنا ايدينا وحمدنا الله .
قالي قائد المعسكر : يا حمود هالرجال طول الوقت وهو يناظرك ويتفرس بوجهك انت تعرفه ؟
جاوبته : لا ما اعرفه ولا شفته من قبل وهاذ الامر يسبب لي قلق كبير .
فقالي القائد : هاذ الرجال وراه سالفه ولا بد انا نعرفها اليوم ما في مجال للانتظار .
رحت مع الربع ووقفنا في مكان بعيد شوي عن العساكر حوالي 10 امتار وراح عسكري نادى على الرجال .
حين جا علينا الرجال طرح السلام وصافحنا .
قلت له : يا لاقي خير من اول مره حين جيتك على بيتك وانت تتفرس بوجي وشفت نظرات ما عرفت مغزاها ويش السالفه ؟
جاوبني : يا ابن آخي اسمعني انت حمود جدك الذيب واخوالك ابو حاتم وابو محمد وابو اسماعيل .
قلت له صحيح لكن انت تعرفهم لكني ما عرفتك ولا في يوم شفتك عندنا في الديره .
قال : قبل حوالي 22 سنه جاورنا خوالك وجدك بحلالهم في فصل الصيف حين عزبنا بحلالنا
لفينا ضيوف على بيت جدك كانت يدك مجروحه وملفوفه بشاش ولاصق طبي ومد يده على راسي تراجعت للخلف
قالي : عليك الله وامان الله ما بنيتي الشر ارفع بوريتك ناظرت قائد المعسكر عطاني ايماءه انه موافق .
رفعت البوريت عن راسي حط يده على راسي من الخلف وتحسسه وقال هاذ اثر جرح فرع الشجره براسك وامسكني من ساعدي اليمين
وقالي هاذ اثر الجرح في ساعدك كان اثر الجرح واضح في ساعدي
رجعت بذاكرتي لذاك اليوم تذكرت انه ساعدي كان مجروح وكان عندنا 3 رجال لكن ما اذكر ملامحهم .
جلست بحظن جدي تحسس راسي وقبلني من خدي اليمين وقالي رووس عدوينك يا الغالي ؟
رديت عليه ببراءة الطفوله خالي يقولي ( قط راس الحيه ولا تقط ذنبها ) قطع تفكيري الرجال حين قال .
يا حمود لا تستغرب حين شفتك في بيتي قبل 4 ايام شبهت عليك لاجل كذا تفرست بوجهك حينها تذكرتك .
اخوالك عساهم بخير ؟
قلت له : الحمدلله بخير لكن انت ليش ما لفيتنا طول هالسنين الطويله .
تنهد وقالي : ظروف وامور ثانيه ما احب افتح الجروح والمواجيع . على كل حال بلغ سلامي لخوالك وقل لهم
المعروف كافي ووافي الله يصلح الاحوال .
حينها ودعني الرجال وترك عندي تساؤلات / ويش هي الجروح والمواجيع والمعروف ؟
كانت فراسة هالرجال قويه وما تخيب تذكرني بعد 22 سنه + 5 = 27 سنه
الله يطيل اعمارنا في طاعته

حين اخذت اجازه سولفت لاخوالي السالفه .
جاوبني خالي : قدر الله وما شاء فعل كانت غير مقصوده والحمدلله تممناها بالمعروف والطيب .
بعدها سولف لي خالي سالفه عن هالرجال وربعه بسببها حصلت امور وتم حلها من فتره طويله .
وسلامتكم يالربع

[قوافي ( أم نهار )]

السلام عليكم ورحمة الله وبركاته
مساك الله بالنور والسرور
جزاك الله خير لنقلك الرجال واسعافه والمحافظه على حلاله
العرب عُرِفو بالفراسه ولاشك انه يحمل من الفطنه الكثير ماجعله يتذكرك بعد هذه السنين
نحمد الله على صلاح الحال واصلح الله احوال المسلمين دقها وجلها
جزيل الشكر
تحياتي وتقديري واحترامي

[راعي الصقلاوي]

وعليكم السلام ورحمة الله وبركاته .
اسعد الله اوقاتك بالخير والبركه .
اختي قوافي الفاضله .
نقلت راعي الشياه للمشفى لانه واجبي ديني واخلاقي تلزمني بهاذ الشيء .
و التعليمات العسكريه تفرض علينا نقدم المساعده لكل من يحتاجها .
والمحافظه على حلال هالرجال واجبه اذا تركناها تصير عرضه للنهب والسرقه .
والعرب عرفوا بالفطنه والفراسه من قديم الازل .
وهاذ الرجال مثل ما تفضلتي فطين وعنده فراسه .
الله يصلح احوالنا واحوال المسلمين .
تركتي اثارك وبصماتك على متصفحي المتواضع .
نورتي موضوعي بحروف كلماتك الراقيه .
حفظك الرحمن ورعااك .

[مريقب العيفار]

اخوي راعي الصقلاوي تمنيتك جيت المنتدى ايام عزه قبل عدة سنوات

اكيد ان سوالفك ستعجب الاعضاء وستجد التفاعل

لكن للاسف الاعضاء تفرقوا ولذا التفاعل ضعيف

[راعي الصقلاوي]

اخوي مريقب العيفار المكرم .
ما سنحت لي الفرصه اسجل في المندى الا من فتره قصيره .
لاني ما كنت اعرف هالمنتدى تعرفت عليه بالصدفه .
بالنسبه للتفاعل اتركه للاخوان اللي يحب يحط تعليقه حيا الله .
حنا نحط المواضيع للمعرفه وزيادة المعلومات .
زينت ونورت موضوعي بعبير كلماتك الراقيه الزاهيه .
دمت في حفظ الله ورعايته .

[مريقب العيفار]

اخي راعي الضقلاوي

التتفاعل اصبح ضعيف لان المنتديات كلها تعاني من هجرة الاعضاء

كانت السالفة هنا تحضى بكثير من التفاعل لان الاعضاء كانو متواجدين وفاعلين

عندي امل ان يرجع مكشات كما كان

[راعي الصقلاوي]

اخوي مريقب العيفار المكرم .
اللي تفضلت فيه صحيح اغلب المنتديات اعضاءها تركوها
ان شاء الله يرجع مكشات كما كان من قبل .
حفظك الله ورعااااااك .