السلام عليكم ورحمة الله وبركاته .
عندنا قطعة ارض بطرف الديره بعيده عن اقرب بيت لها حوالي 400 متر كان يمتلكها احد افراد ديرتنا قطعة هالارض حديديه ( قليلة الخصوبه ) مساحتها 2 دونم و 150 متر
اشتراها خالي وكان وده يبني عليها بيوت لاولاده حاتم وعبدالمحسن وجازي وسلمان لكن عدل عن هالامر وقال لابد من وجود حل نشوف شيبان العشيره .
يتواجد فيها اشجار زيتون معمره متناثره انتاجها من ثمار الزيتون قليل وحبات الزيتون صغيره فلجأ خالي لشايب من العشيره له خبره كبيره في اشجار الزيتون
فقال الشايب : يا ابو حاتم احفر على عروق الشجر وشوف ويش فيه .
رحنا مع خالي وحفرنا على عروق الشجر لقينا كميات من الحجاره اطلعناها ورصفناها جنب قطعة الارض وطمرنا العروق بالتراب وحطينا .
في الارض سماد طبيعي روث الاغنام والخيول كان اخر فصل الصيف .
لكن لانها الارض ما صابها المطر ظل الانتاج على حاله في الموسم التالي لقطاف الزيتون كان هناك تحسن بعد حراثة الارض وتسميدها وصابها وابل الامطار كان انتاجها من الزيت مقبول .
كان صاحب الارض الاول يزرعها قمح لكن ما يصير طول القمح 30 سنت متر يصر لونه اصفر ويذبل ويموت .
لجأ خالي مره ثانيه للشايب وهاذ الشايب كان طاعن في السن حين توفي رحمه الله واموات المسلمين كان بلغ من العمر 95 سنه .
فقال الشايب : يا ابن آخي الارض حديديه يلزمها كميات كبيره من الرماد لاجل تتحلل ويصير فيها خصوبه .
جمعنا كميات كبيره من الرماد في اكياس جلبناها من الافران حطينا الرماد في الارض وسوينا على اطراف الارض جدار بارتفاع حوالي 20 سنت متر من الطين وحطينا داخله حجاره
كان وقت العصر وجا راعي الجرار الزراعي معاه تنك مويه سعته 1.50 متر مكعب مويه
( 1500 لتر مويه ) .وبدا يرش الارض بالمويه
كان تانك المويه محمول على محفه خلف الجرار وله ذراعين طويليين وفيه فتحات تنزل منها المويه بدا راعي الجرار يروح ويرجع داخل الارض وهو يرش المويه على الرماد لين صارت قطعة الارض
مثل المستنقع وتركناها حوالي اسبوع حين حرثها بالمحراث الالي قال راعي الجرار الزراعي لخالي
المحراث نزل بالارض مثل سكين ساخنه تقطع فيها الزبده ردينا غطينا الارض مره ثانيه بالرماد ورشيناها بالمويه مثل المره الاولى بالجرار الزراعي وتركناها
انتظرنا موسم المطر كان خالي يتابع نشرات الطقس حين قالوا نتوقع المطر خلاال يومين حرث الارض بالجرار الزراعي ونثرنا القمح فيها .
والحمدلله نزل المطر منخفض جوي استمر 4 ايام وكانت كميات المطر وافيه اما محصول الزيتون كان فيه تحسن بزود .
وخلص موسم الشتاء وجا موسم الربيع فرحت على قطعة الارض وناظرتها كان القمح صار بارتفاع حوالي متر
قلت لخالي القمح صار بارتفاع تقريبا متر .
خالي قال : للحين الوضع زين والحمدلله لكن حين نحصد القمح نعرف النتيجه .
وجا فصل الصيف وصار موسم الحصاد حصدنا القمح بالحصاده الحديثه وجمعناه 3 اكوام كبيره بعد يومين توجهنا لقطعة الارض
احضرنا معنا فرش كبير وهو عباره عن اكياس مخيطه بعضها ببعض
وتشبه البساط على شكل مربع فردناه على الارض
خلف الدراسه اللي تدرس القمح من الخلف يطلع التبن ويتطاير على الفرش ومن الجانب في قطعه بطول كف اليد يكون القمح يطلع منها
نشبك كيس تحتها لين يمتلي ونحط غيره لين نخلص كل كمية القمح المحصود بعد ما درسنا القمح كانت حصيلة القمح 4 اكياس كل كيس 50 كيلو جرام والحمدلله والتبن كان 15 كيس حملناه في سيارة بيك اب ونقلناه للبيت .
والتبن كان 15 كيس حملناه في سيارة بيك اب ونقلناه للبيت .
اما اشجار الزيتون صارت تثمر ويكون ثمرها ما شاء الله 8 شجرات
طرحت كمية 6 براميل بلاستيك كل برميل سعة 18 لتر
6* 18 = 108 لتر زيت زيتون جربناه للاكل طعمه طبيعي ما في حموضه تم بيع 4 براميل منه لاحد التجار
التاجر باع الزيت لاشخاص ما احد شكا منه او راجعه انه الزيت فيه شيء
الفضل اولا لله تعالى وله الحمد والفضل والمنه ثانيا خبرة الشايب رحمه الله تعالى واموات المسلمين .
الرماد حلل الارض وعطاها خصوبه ناهيكم عن السماد الطبيعي يتحلل في الارض ويغذي الشجر وحنا بدورنا
نحرث الارض ودوم نعطي الاهتمام للشجر بالتقليم وننظف الارض من الاعشاب الضاره
ونتعهدها بالسقايه تعطي منتوج طيب من الزيت .
حين كان الشايب يقول لصاحب الارض الاول حط فيها رماد ما كان يرد عليه تركها على حالها .
احد الاشخاص ناظر شجره في الارض كانت مثل الخيمه وهي تحمل ثمار الزيتون بنظره واحده جفت الشجره وتساقط ورقها . الله عليه عينه ودها عود يقلعها .
حين شافها الشايب وكان قد بلغ من العمر 90 سنه .
قال لخالي : يا ابو حاتم عمري 90 سنه اول مره في حياتي اشوف شجرة زيتون يسقط ورقها وتموت
قطعناها بمنشار آلي كان ساقها جاف تماما راحت حطب تدفينا عليه في فصل الشتاء .
لو تم قطع شجرة الزيتون وبقي ساقها خلال 3 سنوات تعود وتطلق من جديد
فسبحان الله في هاذ الشجره المباركه .
اعدى الحيوانات الاليفه على شجر الزيتون هو الماعز ياكلها ما يترك الا فروعها
واعدى البشر على اشجار الزيتون ملعونين الوالدين ( اليهود ) .
وسلامتكم يالربع
ملاحظه : حاولت تحميل عدة صور لاشجار الزيتون المعمره في ديرتنا لكن حجم الصور كبير جدا .
رد مع اقتباس
المشاركة الأصلية كتبت بواسطة قوافي ( أم نهار )
