السلام عليكم
يا شباب انا بشتري كميرا وجدت كاميرا باناسونيك توصل كيلو سعره 1350 ريال مع كرت كمبيوتر
ما ادري وش اشتري
وكيف الكانون ياشباب وش اكثر زوم اذا كان الزوم 6بصري يعني ايش
افيدون يا شباب
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
يا شباب انا بشتري كميرا وجدت كاميرا باناسونيك توصل كيلو سعره 1350 ريال مع كرت كمبيوتر
ما ادري وش اشتري
وكيف الكانون ياشباب وش اكثر زوم اذا كان الزوم 6بصري يعني ايش
افيدون يا شباب
حياك يالغالي
وبالنسبه للكانون ما عليه غبار
والزوم الي ذكرت ممتاز..يكفيك انه بصري
اما الباناسونك..حدد لي نوعها و هات رمزها واشوفها لك
شف الي يناسبك وعلمنا بمواصفاتك الي تبي
وابشر ان شاء الله
يا طير يالي كــــن لونه سنــاء كير******* ماتبرد كفوفه حمر(ن) دواميكنه غلام(ن) فاشح(ن) له على بير*******متشلفت(ن) يزي قطيع حيامي
Abbi fiducia in dioثق بالله
اذا امورك طيبه وتبي صور ماعليها كلام
مالك الا الكانون فهي افضل شركه للكاميرات
واحرص على البطاريه ليثيوم يعني مثل بطارية الجوال
وللمزيد ادخل على الرابط التالي
باركولي بشراء كاميرا كانون G7 واريد المزيد من المعلومات
والاخ عيناوي مايقصر معك فهو استاذ بهذا المجال
وكذلك الاستاذ فتى الدهناء
وبدون قصور ببقية الاعضاء
من مشاركتي
يا عيناوي
ويا طارق
والله ماقصورتوا
بس يا شباب تراي عليمي بالكاميرا الفيديوا حتى استعماله
يا شباب الزوم 6بصري يعني ايش كم كيلوا توصل والشحن كيف يا شباب وكم ساعة ياخذ ثمن يخلص
واذا اقفلتها يستهلك الشحن يا شباب افيدون يا شباب
بالنسبة للبانسونيك يا عيناوي ما ادري وش نوعها بس هو قال لي ديجتال ساعدوني يا شباب
ياليت يا شباب كل اسئلتي توضحونها لي تكفووون
ذيب ابشررررررررررررر وانا اخوك
لكن ما جاوبتني
عطني المواصفات الي تبي
يعني هل ترغب بتصوير صور او فيديو
و كيف تصويرك ...هل تصور كثير او لا
يعني عطني علومك الي في بالك كلها عشان افهم بالضبط وش في خاطرك واعرف اتصرف لك
واترك الاسئله ما عليك..كل شي بوقته
نركز ع الكاميرا ومواصفاتك وعقب يصير خير
هلا والله يا عيناوي معروف بفزعاتك يالاجودي
يا طويل العمر انا ابغى اصور فيديوا وصور ثابتة وابغى النوع اللي يصورفيديوا كثير من الوقت
واللي تقدر تنزل منه على الحاسب صور وفيديوا واللي زومه ممتاز وانا ودي في البانسونيك لان القروش حدود1300 ريال واذا فيه كانون اسعار رخصية علمني في الاسعار .
سألتني يالاجودي كيف تصور ما عرفت سؤالك .
وكيف الشحن ومدته افيدن ياخوي.
التعديل الأخير تم بواسطة ذيب الديار ; 12/02/2007 الساعة 04:02 PM سبب آخر: 00
حياك ذيب
وبالنسبه لطلبك عندي ما تنشد ان شاء الله
وسبق وطلب كم عضو نفس طلبك و ردي عليهم كان واحد
ادخل هالرابط وعسى تلقى به الضايعه
(الموضوع للأخ رعــــاد)
وش أفضل كاميرا فيديو تحمل هذه الموصفات؟
هالكاميرا الي انا ذكرتها بهالموضوع..هي تناج تجربتي الشخصيه
والكاميرا عون و لون طال عمرك و تعطيــــــك على قولتهم
بالنسبه للباناسونيك..ما يخفى عليك عدم معرفتي لها ..و لا سبق وجربتها
واما سعرها..فهالكاميرا لها سنه او اكثر بالسوق فمؤكد طايحه قيمتها
يعني كاميرا عاليه الجوده بسعر معقول<<فيه احلى من كذا
اما عن سؤالي كيف تصور..فأقصد انت في بالك تصور صور والا فيديو طويل وهل تصور بكميه كبيره ام في اوقات معينه...والي فهمته منك انك تبي صور و فيديو وشكلك راعي طويله بالتصوير
هههههه...على العموم عسى اقتراحي اعلاه يعجبك
اي استسفار
انا حاضر لك وانا اخوك
ماقصروا الإخوان ..
وأنا برأيي أقرب كمرة ممتازة لميزانيتك .. كانون اس3 بــ 1700 ريال .. من عند الحارثي ..
ومواصفاتها عالية وستخدمك بإذن الله .. وإن أردت تفاصيل المواصفات .. فسأضعها ان أردت ..
السلام عليكم ورحمة الله وبركاته
أخي فتى الدهناء ممكن لو سمحت تلفون الحارثي
هل تواجه مشكلة في البطارية .
بعدين أنا وجدتها في الكترو بـ 1990 ريال وش الفرق بين الكترو والحارثي .
وسؤال أخير كم الذاكرة اللي معها وما نوعها .
أرجو التواصل بيننا حيث أني أرغب بشراء هذي النوع من الكمرات
وعليكم السلام ورحمة الله وبركاته ..المشاركة الأصلية كتبت بواسطة الموقر 1
تلفون الحارثي : 0508999754 - البطحاء عمارة الراجحي الخامسة
وسعرها عندهم بــ 1700 ريال مع الضمان .. وبــ 2000 ريال مع ذاكرة 2 جيجا .. وشنطة
أما الكترو بــ 1999 ريال الكمرة فقط مع الضمان .
أما الذاكرة أنا أخذت 2 غيغا ( سان ديسك ).. وممتازة
أما البطاريات فعالجت مشكلتها .. واشتريت شاحن ماركة Gp وبقوة 2000 ملي أمبير بــ 80 ريال من أحمد عبدالواحد .. وتكفيني لرحلة ثلاثة أيام ولله الحمد .. أصور بها فيديو وتصوير ثابت .. وأشاهد نتائج الصور .. ومع ذلك آخذ بطاريات aa احتياط ..
لكن اهم شي بالشاحن انه يكون 2000 ملي امبير او أكثر .. حتى يطوّل معك ..
وحيّاك الله
تسلم والله أخوي فتى الدهناء وفيت وكفيت
كلام جميل ....أفدتونا أفادكم الله وعساكم على القوه
ولكن اللي يبي كميره يا شباب أحترافيه رقميه يعني يقدر يصور بها أشياء قريبه جداً وصور متحركه وصور ثابته كالغروب والإشراق(فديو وصور ثابته)...بماذا تنصحونه؟؟؟
وماهي الكميره الرقميه للصور الثابته اللتي تعتبر أفضل كميره في الكميرات الإحترافيه وبها زوووم قوي؟؟
ابن مصاول
عيناوي لا ندمت يالغالي
فتى الدهناء عساك على القوة عطنا المواصفات لاهنت وانا ابغى اللي تصور صور ثابتة وفيديوا.
وشرفوا الشباب.
اخوي...انصحك بـ كانون اس ثري التي تفضل فتى الدهناء وذكرهاالمشاركة الأصلية كتبت بواسطة أبن مصاول
و ان شاء الله فتى الدهناء بيضيف التفاصيل لك ولذيب الديار
ان شاء الله ..المشاركة الأصلية كتبت بواسطة عيناوي
تصدق اني أدور موضوعك أخوي العيناوي عن الإس 3
ان شاء الله بجيب التفاصيل .. واعذروني على التاخير ..
الذين يشاهدون الموضوع الآن: 1 (0 من الأعضاء و 1 زائر)