15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
بسم الله الرحمن الرحيم
السلام عليكم ورحمة الله وبركاته
غطوه صباحيه خفافيه
غطوه . عن بنتين يالداهي سعت ماعتقد راع الحجا .. فيهن بحل
بيت . وبيت للوصايف . أشبعت طايرات . كل وحده .. أقلعت بسمها . تقلع ولو هي ماسمعت
https://a.top4top.net/m_593v1l5h0.m4a
مع تحيات ابو ماجد
منتديات مكشات . خيمة الالغاز
ابو ماجــــد - عنــــــيزة
عليكم السلام
صح لسانك ملاييين ياالغالي لاهنت
محاوله والخوف تصيبه
لبنه وطينه اثناء البناء القديم يكون واحد فوق وينادي والزاهم اللي يرميها
وعليكم السلام ورحمة الله وبركاته
صح الله لسانك ملايين
رمعه \ نظرات العين
((( لا تحسب إن الله قطوعِن يخلّيك \\\ ولا تفرح إن الله على الخلق بدّاك )))
المشاركة الأصلية كتبت بواسطة يمكن شاعر
ماشاء الله تبارك الله
لبنه طينه مايعرفها الا اللي بعمري وعاش في نجد او حواليها
وانت ماشاء الله لاانت باعمارنا ولا عشت بنفس البيئه
ذكرتني ببرق القصيم الله يذكره بالخير يحل الغاز تحتوي على معلومات قديمه فكنت اعتقد انه كبير بالعمر وما صدقت انه اقل مما تصورته الى حين قابلته
كفوووووووووووو كفووووووووووووووووو كفووووووو
نعم
لبنه طينه
اللبنه وتصف ليقوم بها الجدار والطينه تعمل على تماسك اللبن بعضه ببعض
كان استاد الطين يقف على السلم ويقول للحرفي اللي تحت لبنه فيدفعها بالهوى ليتلقفها الاستاد ثم يقول طينه ويقذف له الطينه وهكذا بتردد منتظم لبنه طينه
هلا بك يابو محمد
صح بدنك يالغالي
شرفتنا واللغز التقطه الرادار ولو ان الحل قبل نعرف الرادارات
ههههههههههههههههههههههه
ماشاء الله عليه يملك فكر ورصيد معلومات اهنيه عليهما
هلابك يابوماجدماشاء الله تبارك الله
لبنه طينه مايعرفها الا اللي بعمري وعاش في نجد او حواليها
وانت ماشاء الله لاانت باعمارنا ولا عشت بنفس البيئه
ذكرتني ببرق القصيم الله يذكره بالخير يحل الغاز تحتوي على معلومات قديمه فكنت اعتقد انه كبير بالعمر وما صدقت انه اقل مما تصورته الى حين قابلته
كفوووووووووووو كفووووووووووووووووو كفووووووو
نعم
لبنه طينه
اللبنه وتصف ليقوم بها الجدار والطينه تعمل على تماسك اللبن بعضه ببعض
كان استاد الطين يقف على السلم ويقول للحرفي اللي تحت لبنه فيدفعها بالهوى ليتلقفها الاستاد ثم يقول طينه ويقذف له الطينه وهكذا بتردد منتظم لبنه طينه
الله يجزاك بالخير
ويذكر الجميع بخير
وكفوك الطيب ياالغالي
والله بعض المعلومات اذا قريتها تبقاء بالذهن نادر انساها
واكثر جلوسي مع شيبان اكبار بالعمر
ابوي الله يرحمه كانت دوانيته كل يوم العصر وتجتمع عنده اكثر القبايل والشيبان وكان بدوي راعي ابل
وكانو الضيوف اذا في بيت شعر قديم او قصه بدويه او قصيده او روايه اونسب مايعرفون يجون للوالد ويسالونه وكان يجاوبهم بمعرفته
وكنت كل يوم اقعد معاهم اجي من المدرسه وانا و في مرحله متوسط وثانوي لو يوم ماجيت يقولون الشيبان وين افلان خله يجي طبعن هم تعودو علي ويبون اضبط لهم القهوه والشاي خخخخخ اكثرهم يقولون مانتلذذ بالقهوه الا اذا انت سويتها
وكنت مستانس معهم واتعلم منهم وهم بعد مستانسين علي لاني مافارقهم
قبل خمس سنين تقريبن كانو الشيبان العصر يطرحون الغاز مرات فطرح واحد لغز حليته من اول رمعه كان حله القراد وانه ماله ابو ويطلع من الرمث استغربو اللي موجودين قالو شلون حليته انت واحد معلمك وانا احلف انه ماحد علمني بعدها كل لغز يطرح يقول ابوي عطوه لفلان يحله المقصد علي ومن يومها من فضل ربي صارت هوايه عندي وحفظ
اما الشيبان واحد ورا الاخر اخذهم الموت والموت حق
تعلمنا منهم امور كثيره عسا الله يرحمهم ويسكتهم الجنه ويرحم اموات المسلمين
والمعذره على الاطاله ارجعت فيني الذاكره للسنين الماضيه
صح لسانك ملاييين على اللغز يالغالي
الله يعطيك الصحه والعافيه
تبقاء استاذ ومعلم اتعلم منك يابوماجد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
