تأخر تعشيقة الثالث وحنه .. vxr 2006

[النقا]

السلام عليكم ..
صبحكم الله بالخير جميعا

قبل أسبوع سافرت لمكة وقبل الطائف بانت لي هالمشكلة، وفِي طريق العودة الهدا الطائف الموتر ادعس له يحن ويضعف العزم في الطلعة ،
اضطريت اجعل القير على رقم 3 واوزن الدعسة لين طلعت، وكذلك عند تثبيت السرعة وفِي مواجهة طلعة بسيطة المثبت يوازن الدعسة ثم يحن حتى يصل للسرعة المطلوبة له اضطر الى تنزيل المثبت طقة وحده لينزل عداد الضغط للطبيعي ، مع العلم عند وزن الدعسة يبدل القير طبيعي.
بعد العودة غيرت فلتر القير والزيت ، وفصلت البطارية يوم كامل، ومازالت المشكلة؟

الموتر لاندكروزر 2006 8 سلندر VXR

انتظر حلولكم .. وجُزيتم خيرًا

[ابوراكان تبوك]

وعليكم السلام
اولا افحص الكلتشات حقات القير
عشق d ودوس بقدمك اليسرى فرامل والاخرى ادعس بنزين شوي
لاحظه هل ترتفع. السياره مع الدعسه
ثانيا افحص تماتيك المروحة لانه اذا مسك يضعف عزم السياره
ثالثا تأكد من صفاية البنزين فكها وطقها اذا طلع منها وسخ غيرها
رابعا نظف فلتر الهواء او استبدله بأصلي اذا كان قديم

هذه اهم الاسباب
وفيه امور اخرى نستبعدها بعد التأكد من اللي ذكرت لك

[النقا]

أبشركم انحلت المشكلة ..
ذهبت لثلاثة ورش قيور في الصناعية القديمة في الرياض، اثنين أجمعوا على أنها كلتشات وقالوا توضيب وأعطوني الأسعار، والثالث قال افحص كمبيوتر.
الرابع حل المشكلة بفضل الله، مهندس تركي اسمه تحسين جرب الموتر، وأخذنا جولة قال القير سليم عندك تماتيك المروحة خربان.
فعلا اشتريت القطعة بـ 450 ريال وغيرتها بـ 100 ريال، الحمدلله الموتر رجع كما كان والعزم والتسارع ما شاء الله ..

بعد ما غيرت كلتش المروحة (تماتتيك) قرأت في الأنترنت عنه ويقولون أن له زيت سيلكون تشريه من الوكالة وتعبيه ويضبط.

صورة مشابهه


أحببت مشاركتكم للاستفادة