برق المواجع راحتي ينتزعها ، عقاب التميمي

[عقاب التميمي]

برق المواجع راحتي ينتزعها
حدره نواوير السعاده يباسا


اكنها فالصدر واخفي وجعها
واقـول ماشـي خلها واتناسا


النفس تعبت وشقت القلب معها
وابطت علي وانا احتريها تواسا


كم جاهلن لاشافني قال بعها
واصبر عليها صبر عودن يواسا


لاخـلـتـك دنـيـاك موجوع دعها
لمصرف الارزاق رب التعاسا


وان كان ماطاعتك ياخي طعها
خلك عليها حيد ضلع وتراسا


الروح تطلع بمر ربن وضعها
والرزق باذنه وزعته فالمقاسا


لكن طبع الناس يكثر طمعها
قطاعة ارزاق الضعوف النجاسا


والهرجات العوجا مني مستمعها
لو خاطري منها غشاه العماسا

زمارت الباطل ماني من تبعها
ومراوجين الهرج بكمن خراسا

من عاشر الرديان ياتيك معها
ومن يعرف الغبات شرع وقاسا

ان كانها فالزوم جبنا سنعها
لينن فيهـا يرتخي كـل راسا

اكنها فالصدر واخفي وجعها
واقـول ماشـي خلها واتناسا

[راعي الطالات]

كم جاهلن لا شافني قال بعها
واصبر عليها صبر عودن يواسا

صح لسانك ي عقاب

[عقاب التميمي]

صح بدنك جعلك سالم

[المعلاا]

صح لسانك شاعرنا الكبير
تقبل مني ملاحظة وجود بعض الأخطاء الإملائية

[عقاب التميمي]

صح بدنك اخوي المعلا لاهنت
وملاحضتك في محله في الاملاء ياخوووك دوب نمشيه لاكن ربك يعين