مشكله في الكابرس

[ابو تركي 1212]

عندي كابرس 2009
طلعت عندي مشكله بالسياره اني اذا جيت ادعس بسرعه يطيح العزم اما اذا جيت ادعس اشوي اشوي تمشي ماعنده مشكله فاللي عنده علم عن المشكله لا يبخل علينا
مع العلم اني فحصته بالجهاز الصغير حق الاعطال اللي عن طريق الجوال طلع لي الرقم ذا P0007 جلست ابحث عن المشكله وترجمة المشكله بس مادري وش يقصدون
قالي راعي ورشه عندك حساس الهواء والثورتل فيهن مشكله هل لهن طريقه للفحص غير الكمبيوتر حق الورشات
وواحد قالي عندك الجنزير يبي وزن او مشكله في عمود التيمن
مع العلم اني شلت شخال البيئه اللي تقل خلية نحل
هل ذا يسبب مشكله ولا ماله دخل

[ابو تركي 1212]

وايضا عندي مشكله ويكثر مشاكل الكابرس ï؟½ï؟½
كان عندي مشكله لما اعبي البنزين يكون التانكي معبي هواء وكل اشوي يفصل المسدس تقريبا كل ريالين واحيانا تطفى السياره ولطفت اثناء التعبيه تقعد له خمس دقايق تقريبا ماتشتغل تدق تقل التانكي فاضي من البنزين
رحت غيرت هذي اللي مادري وش تسمى كنكستر مادري كنستور حقت بخار البنزين
دورت بالمحلات ماحصلت رحت جبته من التشليح
عقبه زانت سالفة الهواء بديت لجيت اعبي مافيه هواء تعبي فل ماتفصل بس مشكلة لطفيته وقت التعبات نفس اول ماتشتغل الا بعد خمس دقايق اللي كد مرت عليه المشكله لا يبخل علينا بالحل ان كان له حل

[SGL]

مشكلتك الأولى والثانية السبب والعطل واحد وحسب بحثي المستعجل عن الكود إن العطل من بلف الراجع للبنزين شيك عليه يمكن فيش كهربته مفصول أو فيه سلك منقطع أو يهرب ويمكن يكون خربان طبعآ موقعه في أغلب المواتر على مسطرة البخاخات

[ابو تركي 1212]

مشكلتك الأولى والثانية السبب والعطل واحد وحسب بحثي المستعجل عن الكود إن العطل من بلف الراجع للبنزين شيك عليه يمكن فيش كهربته مفصول أو فيه سلك منقطع أو يهرب ويمكن يكون خربان طبعآ موقعه في أغلب المواتر على مسطرة البخاخات

اولا مشكور على الرد
ثانيا اللي تقصد ذي اتمى على ماعتقد رقليتر بس ذي تجي مع الطرمبه فكيته ونظفته هي والطرمبه بس مافاد
وانا دخت ابحث عن العطل محد كتب عنه لا بني عرب ولابني انقليز الاكم واحد اجنبي بس مافهمت عليهم

[SGL]

يمكن يكون في موترك مثل بعض المواتر في الطرمبة بس إنت تأكد تفقد مسطرة البخاخات حولها حواليها يمكن موجود طبعآ شيك على البواجي حسب كلام الأجنبي إن البواجي لها بهذا الموضوع وبنفس الوقت قبل التشغيل شغل السوتش على الطقه الأخيرة ونتظر شوي وشغل شف الموتر يضبط أو لا

[SGL]

http://www.mekshat.com/vb/showthread...%BF&highlight=
هذا موضوع أخونا أصيل الحجازي الله يعطيه العافية يتكلم عن هذا البلف بالصور

[ابو تركي 1212]

هو اللي اقولك الرقليتر اللي عندي فكته ونظفته ببخاخ اسي ديلكو بس ماشفت نتيجه اما البواجي ماتوقع منهن لان البواجي يصير عندك تقطيع اما مشكلتي تكتم مره يروح العزم تغدي السياره تقل بتطفى وتبتل كذا الين ترفع رجلك عن الدعسه وترجع طبيعي

[ابو تركي 1212]

شف الصوره نفس اللي عندي شف الرقليتر تحت مقابل فلتر البنزين هذا فكيته ونظفته هو والطرمبه وفحصت الطرمبه بالساعه طلع الظغط 60 pis

[SGL]

قريت عنه كثير خلال بحثي والكود يخص البلف أو الرقليتر هذا لاكن يقولك ماهو شرط السبب منه يقولون نادر خرابه يمكن السبب من توصيلاته الكهرب إذا موجودة أو هوز موصل فيه يكون يهرب أو مسدود إذا كل شي تمام يبقى الخلل منه طبعآ أعراضه عدم التشغيل بسرعة وعدم إستجابه لدعسه وأبيك تجرب الموتر بدون غطاء التانكي هل يشتغل عادي وهل يمشي معك بدون ماتفصل الدعسه ومايستجيب

[ابو تركي 1212]

ماتوقع من الرقليتر لان ظغط الطرمبه زين لو منه كان ياتلقاه مرتفع او منخفظ انا المشكله رحت اكثر من ورشه محدعرفله
انا شلت الشخال حق البيئه اللي بالشكمان مادري له دخل

[SGL]

ماتوقع من الرقليتر لان ظغط الطرمبه زين لو منه كان ياتلقاه مرتفع او منخفظ انا المشكله رحت اكثر من ورشه محدعرفله
انا شلت الشخال حق البيئه اللي بالشكمان مادري له دخل

إذا ولعة لمبة المكينة بعد حذف الشخال إعرف إن حساس الشكمان تلخبط قرايته ويسبب صرفيه وظيفته يعطي أوامر للكمبيوتر بضخ البنزين كثير أو قليل حسب إستشعاره بذات أول حساسات بالقزوز أو بعد القزوز

[ابو تركي 1212]

لوافصل السلك حق الحساس توقع ينفع ولا لازم برمجه

[SGL]

لوافصل السلك حق الحساس توقع ينفع ولا لازم برمجه

ماعتقد يضبط إذا فصلته مثله مثل يوم يكون خربان لاكن بعضهم يسوي برمجة له إذا يبي يلغيه بس كيف الموتر بعدها وكم السعر هذي مالي علم عنها نهائي