صوت ونه في مقدمة الموتر gxr2006

[ff34d]

السلام عليكم ورحمة الله وبركاته
اتمنى من الاخوان ارشادي للطريق
الموتر gxr2006

صوت ونه بعد ٤٠ تزيد مع دعسة البنزين وتثبت اذا رفعت الدعسه او فضيت القير
مريت اكثر من ورشه اتفقو على عطل في الكرونه الاماميه او عطل في رمانات الكفر الداخليه والخارجيه
سويت طريقة لكشف عطل الكرونه
فصلت عامود الدبل ومشيت على الموتر اتضح انو مافيه صوت ركبت العامود رجع الصوت
ما ادري الطريقه صحيحه او لا
طبعا غيرت صليب العامود وكرسي الدفرنس والزيت لزوجه ١٤٠ اول كنت حاط لزوجه ٩٠ حق الدبل
المشكله في الصوت هل اغير الكرونه ولا لا
وسلامتكم

[ابوراكان تبوك]

زيت 140 ثقيل جدا وهذا ينهي الكرونه
عيار زيت الدفرنس gl-5 85w-90
ورقمه في الوكاله 08885-81016
الدفرنس الامامي ياخذ 1.6 لتر
يعني خذ 2 لتر حول 110 ريال
لكن لو تعدل في الزيت لين تخلص الانواع مارايح ينقطع الصوت
الا بتغيير الكرونه ووضع الزيت اللي قلت لك عليه
او اذا موترك ماهو رباعي مستمر ركب فرار واحد يسار وخلاص تتوقف الكرونه واذا احتجتها شغلها كذا بتخدمك 10 سنوات قدام
حتى وهي بها صوت
انا مستغرب انك شلت العمود ومشى
اذا كان مثل ماتقول فالرباعي المستمر مفصول وماتحتاج الا تركيب فرار برازيلي واحد ب250 ريال
يغنيك عن 3000 قيمه كرونه