السلام عليكم ورحمة الله وبركاته .
بعد عيد الاضحى المبارك باسبوع احد افراد الديره قال كم كلمه اشعل النيران في بعض صدور اهل الديره نبش سالفه نسوها اهل الديره مضى عليها اكثر من 70 سنه
والسالفه انه رجال من ديرتنا اتهموه بقتل احد افراد الديره والرجال انحاش ودخل بوجه رجال وكان دوم يحلف بالله انه بري من دم المقتول وفعلا بعد مرور فتره من الزمن
ثبتت براءة الرجال لكن كان الوقت فات كان الكريم اخذ وداعته ( توفي الرجال ) قبل اثبات برائته .
وتم عمل صلح بين اهل المقتول والمتوفى رحمه الله واموات المسلمين ومضت عشرات السنين والجميع نسو السالفه لين جا ردي الحظ ونبش السالفه صحى الضغائن
واوغر الصدور واشعل نار العداوه من جديد توترت الاجواء في الديره وبدت عائلات تتحشد واجتماعات مغلقه وصلت الامور انه بعض الاشخاص ما عادو
يطلعون من بيوتهم الا والسلاح معهم وصارت التهديدات باخذ الثار تتصاعد وتداعت الشيبان لوأد هالامر قبل ما يتطور واضطرو الشيبان لطلب المساعده من قوات الامن
صبيحة يوم كنت جنب البيت مع العيال سمعت صوت ضجيج سيارات ناظرت مدخل الديره اذا سيارات قوات الامن تدخل الديره انتشرت قوات الامن في الديره ومراكزها
وحفظت الامن داخلها واجرت تفتيش وجمعوا الاسلحه الغير مرخصه .
كان جنب بيتي مدرعه وحوالي 8 جنود من قوات الامن كان المسؤول عنهم برتبة رقيب .
قلي : عطني اثبات شخصيتك .
جاوبته : اروح اجيب لك بطاقتي الشخصيه من البيت .
دخلت حوش بيتي اذا هاذ ضابط الصف يصارخ علي ويقولي
وين رايح تهرب مني ؟
جاوبته : طلبت بطاقتي اجيبها لك ولا تصارخ علي ولا تدخل حوش البيت خلك مكانك اذا انت رقيب كنت قبلك ملازم اول في العسكريه
دخلت البيت وجبت له بطاقتي الشخصيه عطيتها له امسكها وناظرها .
قلي : مره ثانيه لا تهرب مني بلاش اوقفك .
قلت له : لا تهددني بالايقاف تروح تجيب اذن من النيابه ويكون موضح فيها سبب الايقاف وطلبت منك تظل خارج حوش بيتي وانت دخلت هنا بدون استأذان .
عطاني بطاقتي وتراجع للخلف
قله عسكري : الرجال معاه حق .
طلع هالرقيب براة حوش بيتي بعد شوي اذا خالي ابو حاتم يناديني طلعت كان معاه ضابط برتبة رائد كان الضابط يتكلم مع الجنود .
قلي خالي : ويش صار بينك وبين الرقيب ؟
قلت له السالفه فقام الضابط بنقل الرقيب من مكانه لمكان ثاني وحط رقيب ثاني بدل منه مسؤول عن الجنود اللي جنب بيتي .
عرفت انها زوجتي اتصلت على خالي وقالت له : اني اتلاسن مع المسؤول عن الجنود فجا مع ضابط لاجل ينهي الموضوع
الشخص اللي اثار المشاكل انحاش براة الديره وتم التعميم عليه قبضت الشرطه عليه وكان بعيد عن الديره 170 كلم تم التحفظ عليه لين تنتهي المشكله .
شيبان الديره بدو يمشون بمساعي خير لحل هالمشكله العويصه 3 ايام جاهات تروح وتيجي والحمدلله توصلوا لحل وانهاء هالمشكله وتم عمل صك صلح
ويتم التوقيع عليه من الشيبان ووجهاء الديره ومن بينهم صديقي ابو مرزوق لانه ولد عمهم القريب
خالي كان كفيل طرف وهم بوجهه ومشى لهم باللي يرضوه ويرضي رب العالمين كان طلبهم اللي نبش الموضوع ما يرجع للديره ويدفع غرامه ورد اعتبار
لانه تكلم على جدهم بفعل ما سواه ولزوم يبيض وجهه وهو تحت التراب يكذب على ظهر الميت لا حول ولا قوه الا بالله العلي العظيم
الربع افتقدوا ابومرزوق ما كان في الديره انتدبني خالي ادوره
وقلي : يبه دقينا على ابومرزوق جواله مغلق انت الوحيد اللي تعرف وين يكون روح وخبره يجي لا ترجع الا وهو معاك .
اسرجت فرسي العبيه شهلا وركبتها وانطلقت ادوره كنت اعرف انه مع حلاله في منطقه بعيده عن الديره مسافه حوالي 9 كلم حين وصلته
طرحت عليه السلام هو واولاده ردو السلام وطلب مني اجلسي لاجل اشرب الشاي معاهم
جلست وقلت له : وجوه وشيبان العشيره يطلبوك لاجل توقع على صك الصلح لانه ردي الحظ يكون ولد عمك القريب .
هز راسه وقلي : هاذ الرجال نبش موضوع نسيناه من زمان واشعل نار البغض والحقد والعداوه وابلشنا وانحاش وقال يبه فلاح اسرج لي الفرس
ركبنا خيولنا ورجعنا للديره وصلنا كان الوقت بعد العصر جلسو شيبان ووجوه الديره في ديوان خوالي وضباط الامن وتداولو بالموضوع
تم الاتفاق انه اللي نبش الموضوع يجلي عن الديره مدة 10 سنوات ويدفع مبلغ 25000 دينار غرامه ورد اعتبار.
ويبيض وجه الرجال اللي اللي توفي قبل اثبات برائته من تهمة القتل .
الربع اللي كانو معاه ونشرو الموضوع يجلو عن العشيره كلهم مدة الجلوه 5 سنوات .
حين طلبو من ابو مرزوق يوقع على صك الصلح ناظر والد اللي اثار المشكله في الديره ندبتني وطلبتني ابشر لكن لاجل اوفي حقوق الناس بالغرامه
ابيع سيارة ابنك وجراره الزراعي واذا المبلغ ما وصل للي مكتوب في الصك ابيع قطعة ارض من حصته وقام وقع على صك الصلح .
وفعلا جابو الرجال اللي نبش الموضوع وبيض وجه المتوفى في الديره تحت حراسة الشرطه
وابومرزوق باع سيارة الرجال وجراره الزراعي وقسم من قطة ارض
لين وصل المبلغ 25000 دينار
خلال ذيك الفتره حين كان يحل الليل كنت اقول في نفسي الله يمضي هالليله على خير بعد صلاة العشا ما تلاقي احد في الشارع طلعت في الليل بسيارتي تفقدت الديره
ما لقيت احد في الشارع 3 بقالات في الديره لقيتهم مقفلين وكل منهم في بيته مقهى يلعبون فيه بيلياردو مقفل رغم انه في مثل هالوقت تلاقي الشباب
مجتمعين هناك يعلبون بلياردو وكوتشينه .
والحمدلله انتهت هالسالفه على خير
صورة رتبة الرقيب
و سلامتكم يالربع
15 نوفمبر 2015 - 16:514 نوفمبر 2015 - 21:27
 |
رد مع اقتباس
