15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 3 من 3

الموضوع: المتعاليه فوقيه واستعلاء

  1. #1
    تاريخ التسجيل
    Apr 2017
    المشاركات
    299

    المتعاليه فوقيه واستعلاء

    مسيكم بالخير الجميع

    الناس اجناس تتنوع اساليب تفكيرهم وتعاملهم مع بعض اكثرهم كره بين البشر المتعالي يعامل الناس على انهم اقل منزله منه ولا يتنازل انه يعاملهم بانصاف وهاذ عينه من هالنوع

    بعد تقاعدي من الشرطه اشتغلت موظف في شركه لمدة شهر وقدمت استقالتي وما تونيت الرد عليها
    كان دوامي في قسم عدد الموظفين فيه 18 ما بين موظف وموظفه مسؤولة هالقسم كانت متعاليه وما عندها اسلوب تفاهم إلا بالصراخ والتعالي والحمدلله ما كان لي تعامل معها
    حتى جا يوم ارسلت لي رحت لها على مكتبها ناظرتني صار جوالها يرن ردت على الماكلمه وصارت تحكي وتضحك وتركتني انتظر تركتها وطلعت من مكتبها ورجعت لمكاني
    بعد حوالي 10 دقايق جتني وقفت جنبي ناظرتني بتعالي
    وقالت لي : انت يا حمودي ليش تركتني في المكتب وطلعت قبل لا اكلمك
    رديت عليها بكل برود : اسمي حمود مو حمودي مو مستعد اظل انتظر وانت تحكي وتسوين سواليف وتتضاحكين اعطيتك المجال لاجل تخلصي مكالمتك على راحتك
    ظهرعلى وجهها علامات الغضب ولاحظت ايدينها ترتجف من العصبيه وراحت لمكتبها
    مضت فتره حوالي اسبوع صدفتها في المصعد ناظرتني باستعلاء وسمعتها تقول بالانكليزي
    بدوين ( بدوي )
    رديت عليها اي والله ولي الفخر اكون بدوي ريحتي بن وبهار وهاذ فخر لي .
    وقف المصعد طلعنا من المصعد وتوجهت لمكتبي وهي راحت لمكتبها مضى حوالي 30 دقيقه اذا طلع صوت صراخها على موظفه لانها توخرت بتجهيز تقرير
    والسبب تعطل كمبيوتر الموظفه لكنها ما تقبلت هالعذر الخارج عن ارادة الموظفه ما رحمت
    الموظفه المغلوبه على امرها شفت دموع هالموظفه تنزل على وجهها
    قلت : استغفر الله العظيم من كل ذنب عظيم واتوب اليه
    قمت من مكاني وطلعت على شرفه للموظفين اللي يدخنون السجائر موظف عطاني سيجاره اشعلها لي ودخنتها مع العلم
    اني مو فخور اني ادخن السجائر على فترات مو مدخن شره
    وقلي : الله يهونها عليكم مع هالمسؤوله ظهرها مسنود هاذ مثل المسمار ما يقلعه إلا المطرقه اللي دقته
    في يوم انتهى الدوام الساعه 3 توخرت حوالي 10 دقايق بعدها اطفيت الكمبيوتر ونزلت على الساحه شغلت سيارتي صدفت موظفه في الساحه
    قالت لي : ممكن توصلني بطريقك لبيت اهلي ؟
    جاوبتها : توكلي على الله تفضلي .
    طلعت معي بسياره اوصلتها لبيت اهلها وكملت طريقي للديره ثاني يوم هالمسؤوله ارسلت لي رحت لها ناظرتني باستعلاء الهمني الله عز وجل الصبر وكتمت غيظي
    قالت لي : انت كنت مو لازم في العسكريه والشرطه ؟
    رديت عليها : احفظي لسانك ترى (
    نبرى لسانك نقطعه لك اذا قام )
    استعرتها من صدر بيت للشاعر ياسر التويجري
    صار وجهها احمر ويكاد ينفجر من شدة الغيظ طلعت من مكتبها وتركتها وتكاد تموت من الغيظ لانها ما تعودت تسمع رد يسكتها
    مضى وجودي في هالشركه 32 يوم كنت قبضت راتب شهر وبلغ 550 دينار وهاذ المبلغ اكبر من راتبي في الشرطه لكن جو العمل غير مريح
    في ذاك اليوم جتني هالمسؤوله وصارت
    تصارخ وتقولي : وين معاملة ضيافة الاجتماعات الشهر الماضي ؟
    رديت عليها : لا تصارخي وترفعي صوتك علي احفظي لسانك هاذ المعامله ما وصلتني
    صرخت بصوت عالي لالالا وصلتك المعامله امس انت واحد ما تفهم.
    ضربت المكتب بكفوف ايديني ووقفت على ارجولي وصرخت فيها
    : اسمعي انا اردى ربعي لكن دون حقي ذراعي طايلة ماني من اللي يشوف الذيب ويتبع الأثر
    قالت : ايش يعني هالكلام ما افهم بكلام البدو فهموني ايش يعني هالكلام ؟
    كان عندنا موظف من قبيلة حويطات الجازي تدخل
    وقال : يا حمود ما وصلنا لهاذ الحد
    طلب منها تروح لمكتبها وهو يفهمها ويش قصدت بكلامي لانها تربت خارج مملكتنا ما تعرف سلوم البدو وما تعرف ويش هو معنى كلماتي
    اذا موظف جاي ومعه المعامله ويقول للمسؤوله هاذ هي المعامله جبتها من الديوان .
    جلست على الكرسي وكتبت استقالتي ورحت للمسؤوله ودخلت مكتبها وقلت لها بصوت عالي سمعه كل الموظفين
    وافقتي علي الاستقاله او ما وافقتي عليها الامر سيان عندي حطيت الاستقاله قدامها على مكتبها وطلعت .
    طلعت من مكتبها
    وهي تصارخ : ما احد يقولي هاذ الكلام
    ناظرتها وقلت : على هونك لا يطق لك عرق وانت متعصبه طلعت من الطابق ونزلت الدرج وتوجهت لسيارتي شغلتها ومشيت فيها
    قلي الحارس المديره ودها تكلمك
    رديت عليه : ما ودي اكلمها واخذت طريقي للديره رن جوالي حوالي 6 مرات ما رديت لين وصلت البيت رن الجوال حين نزلت من السياره رديت
    قالت لي : اسمع ترى اوجه لك انذار نهائي بالفصل اذا ما رجعت للشركه الحين .
    رديت عليها : بلي الانذار وانقعيه واشربي مويته ما ودي ارجع للشركه نهائي وقفلت الخط بوجهها
    دخلت البيت لقيت امي وخالاتي وام العيال جالسين بالصاله وعندهم قطع قماش
    كبيره يخيطونها على اللحافات الشتويه
    طرحت عليهم السلام وتحية الصباح ردوا علي
    سألوني ويش فيك راجع من الدوام ما صارلك ساعتين
    رديت عليهم : ما ودي هالشغل نهائي شغل يجيب الغثا .
    رحت لخالي ابو اسماعيل وطلبت منه يساعدني اشتري شياه ونعاج للحليب وللبيع الله يحفظه ويطول بعمره ساعدني وصار يعلمني كيف الشرا والبيع كيف يتفقد الاغنام
    قبل الشرا واهم شيء الصدق والامانه لانها هاذ الشغله تعتمد على السمعه الطيبه والزينه
    سمعة التاجر اهم من كل شيء اذا سمعته ما هي زينه ما احد يشتري منه ولا احد يبيعه .
    والحمدلله توفقت بشغلي الجديد وارتحت من مواقيت العمل بساعه معينه والتعليمات واللباس الرسمي وربطة العنق والتأخر والاجازات والروتين الممل
    شغلي حر راسي ما احد يلزمني بوقت ولا احد يتحكم فيني ولا انتظر الراتب آخر الشهر
    وسلامتكم يالربع .

  2. #2
    تاريخ التسجيل
    Jul 2013
    المشاركات
    330

    رد: المتعاليه فوقيه واستعلاء

    اهم شي ياحمود راحة بالك ونفسيتك
    بعض البشر فيهم سوء خلق ونفسيتهم صعبه
    وفوق هذا متكبرين ومتعالين
    والاسوء لماتكون مرأه
    يعني بيصعب عليك تتفاهم معها او تاخذ منها حق اوباطل

    والصحيح ان راتبك بالشركة كان طيب,ولما تجمعه مع راتب تقاعدك بيكون عندك دخل جيد
    يمكنك من الصرف على عيالك....وتقدر تتزوج مره ثانيه بعد ههه

    لكن الله يعوضك واهم شي الراحة النفسيه قبل الماديه
    والغنم يمكن مكسبها طيب بالاردن لتوفر المراعي ورخص الاعلاف والايدي العامله

    والله يطرح لك البركه
    سبحان الله,الحمدلله,الله اكبر,لااله الا الله,لاحول ولاقوة الا بالله
    لعمرك ما المكروه إلا انتظاره..وأعظم مما حل مايتوقع
    الجيب ياخالد يبي له مشاوير..ماينقنى لاطولت وقفتن له
    أشري وناسة خاطري من حلالي**ولأحد يحاسبني على النقص والزود


  3. #3
    تاريخ التسجيل
    Apr 2017
    المشاركات
    299

    رد: المتعاليه فوقيه واستعلاء

    اخوي شرقا المكرم .
    فعلا اهم شيئ راحة بالي ونفسيتي .
    للصراحه وانا اخوك حين تكون المرأه متعاليه وفي مركز يكون من الصعب التعامل معها
    لكن هناك اساليب تقدر توقفها اذا تجاوزت حدها .
    اما راتبي التقاعدي والراتب من الشركه يكون دخل جيد ولكن الحمدلله راتبي التقاعدي ودخلي من تربية الاغنام يكفي ويزيد
    والزواج وانا اخوك
    امرأه واحده تكفي هاذ رايي ولا الزم احد فيه ودام انها الثقه والالفه موجوده بينا ما في داعي افكر بالزواج مره ثانيه
    اما تربية الاغنام الحمدلله عندنا مراعي ومو كل يوم اطلع اسرح بالاغنام في الاسبوع 3 ايام وما ابتعد عن المزرعه اكثر من 4 كليومتر
    والايدي العامله رخيصه عندنا خاصه العمال المغتربين والوافدين وما احب التعامل مع عمال مغتربين او وافدين هم 4 من سكان الديره لكن الاغلاف والشعير احيان يكون سعرها
    غالي ومكلف لاجل هالشيء زرعت قطعة ارض مساحتها 6 دونمات بالشعير
    وهي ملك لاحد افراد العشيره والرجال طيب ونشمي شرواك ما طلب مني شيء والحمدلله كمية الشعير بعد الحصاد كانت غله طيبه تكفي سنتين حسب تقديري وحساباتي
    اخر صفقه سويتها كان الربح طيب جدا يتجاوز 3500 دينار اردني والحمدلله
    اليوم ما عندي اي مشاغل طلعت من الفجر حلبنا النعاج والشياه وارسلناه للمصنع وطلبت من عامل
    يطلع بالاغنام لمنطقه بعيده عن المزرعه 2 كلم جنب بيوت الديره
    قطعة ارض مزروعه برسيم وفشل المحصول اخذت المحصول من راعيه بمبلغ ومساحة الارض حوالي 3 دونمات
    تكفيها اليوم وبعدها يفرجها الله عز وجل
    زان موضوعي ما خطته الانامل بردكم الكريم السامي من وصايفكم
    واعذرني توخرت بالرد عليك .
    دمت في حفظ الله ورعايته



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •