الدبل الارضي في الجموس ....

[Blazer 91]

السلام عليكم

هذه معلومه عن الدبل الارضي

احببت اوصالها لملاك البليزر و اليوكن والتاهو والجموس... لذا جعاتها في موضوع مستقل

الدبل الخفيف

من واقع تجربه تقدر تعشقه وتفصله وانت مواصل السير

يعني مافيه داعي توقف ولا تحط الموتر بالفاضي وهذي ايضاً ممتازه لما تكون مقبل على منطقه وانت شاك فيها
ماعليك الا تعشق الخفيف وتكبس للموتر وتواصل السير لأن وقفه مثل هذي يمكن تخرب عليك الطلعه خاصه لو كانت الوقفه على (رباضه) .الدبل الخفيف تقدر تمشي عليه الى سرعة 90 ونت ماعندك مشكله وهو دبل (التطعيس) ولاكن لاتنسى تريح كفرات الموتر من 25 وتحت

الدبل الثقيل
من اسمه ثقيل ويشكل عبئ كبير على الموتر ولا يستخدم الا في التغريز او في السحب
وطريقة تشغيله يجب ان تفضي الموتر ثم تعشق الدبل وبعد ذلك تعشق الموتر على الترس الاول او الثاني فقط. الدبل الثقيل لا يستخدم الا في السرعات البطيئه يعني 40 كم على الاكثر وبادر بفصل الدبل حالما تنجز المهمه. وللاستفاده القصوى من الدبل الثقيل ريح كفرات الموتر يعني من 18 وتحت لأنك اصلاً مابتشغله الا من ضروره.

عند تعشيق الدبل الثقيل يطلع صوت والصوت هذا عباره عن عدم توفق السنون مما يؤدي الى تلف في القير والدبل مع كثرة الاستخدام وللتغلب على هذه المشكله خذوا هذه التجربه وادعوا لي (((فض القير وطفي المحرك ثم عشق الدبل الثقيل والسياره طافيه وعند الفصل نفس الطريقه))) بهذا الشكل يكون انحلت مشكلتك وزال قلقك وحفظت موترك

نصيح لأصحاب القير حجم 700
القير غير مجهز للسحب وتروسه ضعيفه ماتتحمل يعني بعد فتره بتروح توضب القير الله لايريكم مكروه
القيور اللي تتحمل السحب 400, 350, والقيور العاديه

تحياتي لكم جمياً

[عاشق z71]

طيب القيور حقت موديلات الفيت كم رقمها

[لن أمل من العطاء]

شكرا لك اخي على المعلومات

اخوي احمد

بالنسبة لما بعد العام 1996 صار نوع الهايدراماتيك 4 L 80 E

[mmsmm]

مشكوور
والاف جي ؟؟
كم

[Blazer 91]

طيب القيور حقت موديلات الفيت كم رقمها

ماعندي خبره فيها

لكن يجب ان اعرف لأني توي شريت تاهو Z71 2005

ولو أن معلوماتي تقول ان ال z71 مخصص لل OFF ROAD يعني ملاكها مايشيلون هم

ولا وش راي خبيرنا (لن أمل من العطاء)

[ta3b]

طيب وش رايك في اليوكن الدينالي الجديد

[لن أمل من العطاء]

شكرا لك اخي على المعلومات

اخوي احمد

بالنسبة لما بعد العام 1996 صار نوع الهايدراماتيك 4 L 80 E

شوف هذا رقم القير وموديله من 96 الى 2006 اربع نمر
اختلف عام 2000 وما بعده انه اتى بزر في عصا القير للتحكم في كهرباء لقير عند جر المقطورات فقط

2007 وما بعدها
6L80e
ست نمر

[بدوي جنوبي]

الله يعطيك العافيه اخوي بليزر علي الموضوع

عندي ملاحظات بسيطة عند تعشيق الدبل
مهم جدااا وضع القير في ال N الفاضي عند تعشيق الدبل سواء اثناء الوقوف او المسير

اغلب السيارات اللي ذكرت انواعها مزودة بأزرار لتعشيق الدبل
وهي اليوكن والتاهو اكسبلور وغيرها .


انت ما حددت السرعه المناسبة ،،

قمت بشرح كامل للتعشيق الدبل والسيارة تمشي خاصة الثقيل
لانه هو الاهم ،، لكن نسيت الشرح في اي موضوع

عموما عند تعشيق الدبل الثقيل وهو 4LO

ان تكون السيارة تسير بسرعه اقل من 3 ميل (4.8 كلم)
وضع القير في ال N
ضغط زر الدبل الثقيل 4LO
بعد الانتهاء اللمبة من الوميض تعشيق عصا القير الي وضع الدي
ومتابعة المسير

[المارينز]

الدبل الثقيل
وطريقة تشغيله يجب ان تفضي الموتر ثم تعشق الدبل وبعد ذلك تعشق الموتر على الترس الاول او الثاني فقط.

اذا عشقت الثقيل ماتقومه بالاول نهائيا

بعض الشباب يعشقون الثقيل ويقوم الموتر بالنمره الثالثه على طول

وبالنسبه للتماتيك تعطيه d وبتلاخظ انه يبدل الاول والثاني والثالث بسرعه وانت مامشيت الا بسرعه 20 او 30



واللي عنده افاده اكثر ياليت يفيدنا لان مواضيع مثل هذي مهمه جدا


وفي الاخير احب اشكر صاحب الموضوع على مثل هذي المواضيع المهمه

[yfd]

لو سمحت اللحين Z71عندي قير عادي والدبل ارضي اذا حطيت الدبل الثقيل اقومه باالاول فيه ضرر..؟؟

[auob]

الله يعافيك بليزر 91
انا عندي جمس 95 صالون الدبل عادي والقير اوتماتيك إذا عشق الدبل يطلع صوت في الترس ولازم يفضي القير وفيه واحد معه يوكن 99 الدبل زر ضروري يوقف ويفضي القير ويطلع صوت في الدبل ولا يقدر يلف لفه كامله والدبل شغال

[الوااا(بالله)اااثق]

للرفع لتعم الفائدة بإذن الله