قاله : إن شاء الله ما اسرفت

[راعي الصقلاوي]

السلام عليكم ورحمة الله وبركاته .
مسيكم بالخير الجميع .

ابان خدمتي العسكريه تعرضت لاصابه وجلست في المستشفى شهر بعدها فترة نقاهه 20 يوم حين كتب لي الطبيب اذن الخروج من المستشفى جا خالي ابو حاتم اخذني من المستشفى
للديره بسيارتي كانت من نوع جيب جراند شيروكي موديل سنة 2001 حين وصلنا للبيت كانت الساعه تقريبا 10 صباحا كانت كل حريم العائله متجمعات في بيتي
ناهيكم عن خوالي وعيالهم وشباب وشيبان العشيره نزلت من السياره كان هناك 6 ذبايح مقطعه ومجهزه للطبخ .
صرن حريمنا يقلن بعض الاهازيج واذكر من هاذ الاهازيج
هلا ومرحب باللي لفانا غالي واغلى من الروح علينا نشمي
ومفدى ومقدم عندنا مثل والده ذباح الذيابه
والزغاريد تنطلق بديت اصافح الربع وعناق وتقبيل اول من وصلني اولادي ما قدرت ارفعهم واحضنهم قام اخوي ولد خالي حاتم تدارك الموقف امسكهم الاثنين ورفعهم
حضنتهم وهم يحضنوني مر وقت انزلتهم وتوجهت لحريمنا وبديت اقبل ايدين امي وخالاتي وخالتي ام حاتم واختي الاكبر مني وخواتي من الرضاعه اخر من شفتها كانت عمتي ام صالح
رحمها الله واموات المسلمين جلست قدامها امسكت ايدينها وصرت اقبل فيهم ونزلت العبرات الساخنه من عيونها تبلل وجهها فبكيت على بكائها وهي تقولي الله يرضى عليك الله يرضى عليك
قوم يمه خلنا ندخل جوا البيت الحين يتوافدون اهل الديره يهنوك بالسلامه .
دخلنا البيت وجلسنا حريمنا بدو بالطبخ وذول 6 ذبايح ودهم وقت في التجهيز والطبخ وتقديمه لاهل الديره غداء احتفاء بخروجي بالسلامه من المستشفى
احد شباب العشيره قال : إن شاء الله ما اسرفت يا خالي ابو حاتم
( والدة الشاب رضعت من جدتي مع امي وخالاتي ).
رد عليه خالي : إن شاء الله ما فيه اسراف يا ذياب 5 ذبايح غدا لاهل الديره وذبيحه نوزعها على الفقرا والمساكين والمحتاجين من اهل الديره وناخذ راي امام المسجد اليوم بعد صلاة الظهر
بدا اهل الديره يتوافدون على بيتي لتهنأتي بالسلامه ظلت ام عيالي واختي بالرضاعه في المطبخ يسوون الشاي والقهوه للي يجيوني البيت واولاد اخوي حاتم يجيبونه
ويقدموه للموجودين اخوي جازي كان يمسك دفتر وقلم ويسجل ويش يجيب اللي يجيني البيت يهنيني بالسلامه وكتبنا على كرتونه كبيره وعلقناها جنب باب البيت الغدا بعد صلاة الظهر إن شاء الله
كل ما يدخل شخص يصافحني ويعانقني ويجلس اولاد خوالي كانو يرتبون اكياس الارز على طرف والسكر نفس الشيء .
من عادتنا في الديره في المناسبات السعيده فرح او خروج من المستشفى بالسلامه اللي يجيه يهني يجيب له
كيس رز او كيس سكر
دخل علينا شخص خبيل من اهل الديره صافحني وجلس قدمو له الشاي
قلي : ترى وانا اخوك يا ابو ظاري كنت ودي ازورك بالمشفى حين وصلت لقيت 50 _ 60 عسكري وقفو قدامي ومنعوني ادخل ازورك واتطمن عليك والصراحه ما اقدر عليهم
لو انهم 2 او 3 اطرحهم بالارض وادخل اسلم لكن ويش السوا وانا اخوك .
رد عليه شاب من الديره : يا عليان ويش هاذ اشرب الشاي وخلك ساكت لا تخلط الزين بالشين .
قلت له : خلص يا محمد اسمع من هنا وطنش من هنا .
اغلب اهل الديره اجوني على البيت وحين صار وقت صلاة الظهر توجهنا الجميع على المسجد صلينا صلاة الظهر جماعه في المسجد بعد ما فرغنا من الصلاه
خالي سأل امام المسجد : يا شيخ ابومحمد ذبحت 6 ذبايح وحده نوزعها على الفقرا والمحتاجين والايتام في الديره و 5 غدا لاهل الديره هاذ فيه اسراف ؟
رد عليه امام المسجد : اذا يظل شيء كثير من الغدا ويحوي اللحم والرز وما تعرف تتصرف فيه هاذ يكون اسراف لكن اذا ظل شيء قليل وتوزعه على المحتاجين
ما هو بالاسراف واليوم ان شاء الله ما يكون في اسراف .
توجهنا لبيتي وبدينا نحط الغدا للربع طبعا الغدا عندنا في المناسبات المنسف باللحم بعد حوالي 3 ساعات انتهينا من الغدا طلع واحد من اولاد خوالي ناظر حوش البليت
ما في اي احد جلسنا وتغدينا والحمدلله ما زاد من الغدا الشيء الكثير قدرت اللي زاد حوالي 10 كيلو جرام رز وعليه حوالي 3 كيلو لحم
وزعناه على المحتاجين والاهل والحمدلله
مسا ذاك اليوم جمعنا صلاة المغرب وصلاة العشاء بسبب المطر والبرد حيث كان شهر آذار وكان اخر منخفض جوي على منطقتنا لكن الحمدلله كان المطر غزير
وبسببه حصل انزلاق كميه من التراب والحجاره فاغلق الطريق الوحيد الواصل بين ديرتي والمناطق اللي حولنا بعد يومين جا الدفاع المدني وقام بفتح الشارع
وازالة التراب والحجاره اللي اغلقته رغم وجود شخص من الديره عنده جرافه لكنها صغيره ما تقدر تزيح هالكميه الضخمه من الحجاره الكبيره والتراب الكثير
اللي اغلق شارع الديره وقطعنا عن العالم الخارجي .
بلغ عدد اكياس الرز اللي جابوه اهل الديره لي 20 كيس رز و 35 كيس سكر
قمت ببيع هذه الكميه لمحل مواد تموينيه

السالفه القادمه بحول الله تعالى اسولف لكم سالفة اغلاق الديره وكيف تصرفنا

وسلامتكم يالربع

صورة سيارة جيب جراند شيروكي
شبيهه بسيارتي لكن لونها افتح شوي وكان عليها بعض الاضافات
اشتغلها لي راعي كراج تصليح سيارات وكهربائي سيارات

[قوافي ( أم نهار )]

وعليكم السلام ورحمة الله وبركاته
ماشاء الله
اجتماع الاحبه والتهنئه لاشك انه شيئ جميل ومن العادات المستحبه
جزاكم الله خيراً
جزيل الشكر
تحياتي وتقديري واحترامي

[راعي الصقلاوي]

وعليكم السلام ورحمة الله وبركاته .
اختي قوافي الفاضله .
فعلا اجتماع الاحبه والتهنئه شيء جميل ومن العادات المستحبه .
وفيتي وكفيتي برزين كلماتك الراقيه على متصفحي المتواضع .
دمتي في حفظ الرحمن ورعايته .