تركيب بطارية اضافية على ولاعة السيارة

[بدر الثوري]

السلام عليكم ورحمة الله وبركاته
صبحكم الله بالخير

بودي استفسر عن فكرة طرأت لأخيكم

وهي تجهيز بطارية اضافية (صغيرة) تكفي احتياجات الانارة وماطور الهواء
ولكن بدل ما اثبتها في الكبوت مثل ما هو معتاد فكرت اخليها متنقلة

وبما ان الموتر عندي ياباني يفصل التيار عن الولاعة مع اطفاء المكينة فكرت اشبكها على الولاعة
وبهالطريقة استغني عن الدقمة او المنظم وبالتالي البطارية تشحن فقط في حالة تشغيل السيارة


لكن تفاجأت ان انظمة السيارة تشتغل اذا طفيت المحرك وتاخذ الكهرباء من البطارية الاضافية وتستمر الشاشات تعمل حتى بعد اغلاق الابواب

الآن السؤال اللي يطرح نفسه ماهي القطعة اللي اركبها لمنع رجوع التيار الى السيارة
بحيث تجعل التيار فقط باتجاه البطارية الاضافية؟


هل الكتاوت مفيد في هذي الحالة؟
او الدايود؟


افيدونا مشكورين

[بدر الثوري]

وين ربعنا خبراء الكهرباء والتمديدات

[بدر الثوري]

للرفع للرفع

[camaro]

الدايود. هذا اللي يسمونه يودّي ولا يجيب

[ناصح]

من الصعب أن تشبكها على الولاعة

بل الافضل تسليك مباشر مع البطارية مع فاصل وفيوز اصلي

وتمدد السلم لداخل الغمارة وتستخم بطارية جافة لسلامتك

[الشلاحي2]

بطاريه متنقله احسب استهلاكك من اناره وغيرها وكم تجلس بدون شحن افضل لك بحيث لو انتهت تشحنها وانت مشغل السياره
او اشحنها عن طريق محول كهرب
لكن غريبه كيف تشتغل اجهزه السياره على الاضافيه وهي مشبوكه بالولاعه .؟؟