السلام عليكم ورحمة الله وبركاته
مسيكم بالخير الجميع
اول امس السبت قرابة الساعه 10:20 صباحا كنت جالس في البيت مندمج على الحان دحه مميزه من فرح سلمان ولد خالي ابو حاتم جتني ام عيالي ومعها جوالي كان يطلق رنينه
كان المتصل صديقي ابو مرزوق
قلي : نخيتك يا ابن آخي يا كسول ؟
رديت : ابشر لعيناك وانا اخو وضحى والعياذ بالله من كلمة انا .
قلي : تجهز عندي مشوار طويل ودي ترافقني فيه اركب عبيتك رباب لا تجيب حصانك الاغر
قلت لام عيالي : جهزي لي زواده دخلت غرفتي بدلت هدومي ولبست مجند والدي رحمه واموات المسلمين وحملت فروه خفيفه وجهزت بندقيتي ومسدسي
قالت لي ام عيالي : ضروري هاذ يا ابو ظاري ؟
رديت عليها : دام ابو مرزوق نخاني ما اتونى عنه ابد وإن شاء الله ما احتاج استخدمه وانتي تعرفيني
الاحتياط واجب يا بنت الناس
طلعت جهزت العبيه رباب والجمتها اعتليت صهوتها ام عيالي لحقتني بالزواده ودعتها
وقلت : وديعك الرحمن خلي ظاري حين يرجع من المدرسه يتابع دروسه ولا يجلس على الكمبيوتر علاماته ما عجبتني في الفصل الاول
طلعت من حوش البيت لقيت ابو مرزوق وصلني توجهت معه مرينا على خالي في طريقنا ابو مرزوق قله عندنا مشوار
قلي خالي : تحرص يا حمود لا تخالف شور عمك ابو مرزوق
هزيت راسي موافق وتابعنا طريقنا ابتعدنا عن الديره مسافه قدرتها حوالي 4 كلم كانت الطريق مستويه وواسعه تراب احمر يخالطه بعض الحصى والحجاره الصغيره
قلت : يا ابومرزوق ليش طلبت اركب فرسي رباب مو حصاني الاغر ؟
جاوبني : لانه حصانك اذا شم ريحة فرس غريبه عنه يصير يصهل الرجال اللي الاحقه يركب فرس اعرفها زين شفته امس وكان على صهوتها وهاذ اثارها
تسابقت مع ابو مرزوق مسافه قدرتها 1500 متر وتوقف ابو مرزوق ناظر الارض نزل عن فرسه العبيه ومشى خطوات مد يده بين العشب واطلع رصاصة مسدس كانت جديده
ناظرتها قلت : رصاصه عيار 9 ملليمتر
تابعنا طريقنا وصلنا شجرة خروب نزل ابو مرزوق عن العبيه وناظر الارض شفت اثار رجول وحوافر على التراب الناعم واثار شبة نار
سألته : ويش اثر الرجول والحوافر والنار
قلي : هاذ اثار الرجال اللي الاحقه وهاذ اثار رجوله واثار حوافر الفرس الرجال كان نايم هنا
قربت يدي من مكان شبة النار كان فيها حراره خفيفه بعض الجمرات
تريحنا وصلينا الظهر وتابعنا طريقنا لاحظت طير دجاجه حبشيه صوبت عليها قبل لا تتحرك اطلقت عليها طلقه فظلت مكانها حملتها وتابعنا طريقنا كان ابو مرزوق يتتبع الاثر
فهو قصاص اثر خبير ومتمرس وتعلمها عن شايبه وهو الجيل السادس من ربعه في قص الاثر وصار وقت العصر جلسنا نتريح عند بير مويه اسقينا خيولنا وتزودنا بالمويه
قلي ابو مرزوق : خلك هنا عند الخيول شفت شي
ابتعد مسافه واختفى بين شجر البلوط والعليق سمعت دوي رصاصه بعد شوي اذا ابو مرزوق
يحمل ارنب نظفنا الطير والارنب
وكملنا طريقنا قريب المغرب وصلنا منطقه قريبه من راس جبل فيها فسحه منبسطه هناك بير مويه ومغاره كبيره وواسعه اسقينا خيولنا وادخلناها المغاره جلبت كميه كبيره من العشب
حطيتها قدام الخيول وجمعت كميه كبيره من حطب الزيتون فهو متناثر في كل المنطقه جلست دقيت على اهل البيت طمنتهم عني وعن صديقي ابو مرزوق وتطمنت عليهم والحمدلله بخير
شبيت النار وبدينا نجهز العشا شوينا الدجاجه الحبشيه والارنب وشربنا شاي وقهوه
سألت ابو مرزوق : من الصبح للحين ما سألتك من هاذ الرجال اللي تلاحقه ؟
قلي : يا ابن آخي هاذ الرجال حواف وسارق لكن فيه خصله زينه .
قلت : حواف وسارق وفيه خصله زينه ؟
قلي : الخصله الزينه اللي فيه انه صادق ما يكذب لو على قطع رقبته حين شفت اثره يوم الجمعه قريب وقت المغرب قريب من بيتي توكدت انه وده يحوف الغنم لكن ما سواها
ودي اسأله عن رجال كان معاه لقبه الصل لانه بشرته لونها اسود ومثل الصل الاسود ضربته تودي للقبر الله يكافينا شره اللهم آمييين *** اللهم آمييين
الصل ما ينزل مكان إلا تصير المشاكل وتتزايد حالات السرقه الصل صارلي 25 سنه ما شفته مدري ويش جابه لديرتنا
قلت : وكاد وده يسرق تفطنت حصاني الاغر والمهره دلال بنت فرسي رباب
دقيت على خالي وقلت : مسيك بالخير يبه .
رد علي : مسيك بالنور والسرور طمني عنك وعن ابو مرزوق إن شاء الله الامور زينه ؟
قلت : الحمدلله الامور زينه وما في شيء لكن يبه حصاني والمهره عندك في الحظيره ؟
قلي : لا تشغل بالك حين صار وقت المغرب وما رجعت رحت بنفسي على بيتك ومعي عمتك ام حاتم شربنا قهوه وجلسنا شوي عند ام عيالك ورجعت للبيت ومعي حصانك والمهره
عطيت الجوال لابو مرزوق وتكلم مع خالي وحين خلص مكالمته عطاني جوالي جلسنا سولفنا وبعدها اغمضت عيوني صحيت حين امسكني ابو مرزوق من يدي قمت غسلت وجهي
وتوضيت وصليت الفجر جماعه مع ابو مرزوق شربنا شاي وقهوه وافطرنا واطفيت النار وجهزت فرسي وفرس ابو مرزوق واطلعتها للبير سقيتها وتزودنا بالمويه وكملنا طريقنا
ابعدنا حوالي 5 كلم توقف ابو مرزوق قدامي واشر لي بيده ناظرت اسفلنا بين الاشجار كان شخص يركب فرس ويسحب خلفه فرس ثانيه بدون سرج نزلنا التله على الطرف الثاني
قلي ابو مرزوق : اسمع يا ابن اخي لزوم نسبقه قبل يوصل اول الوادي من الشرق اذا وصله قبلنا ما نقدر نلحقه حين نوصل هناك قبله تدري ليش ما نقدر نلحقه اذا سبقنا لمدخل الوادي
طردنا خيولنا باقصى سرعه حين وصلنا مدخل الوادي ابو مرزوق ناظر الارض وتفحصها بعين خبير متمرس
قلي : للحين ما وصل خلنا نربط الخيول هناك تحت الشجر هاذ منطقه منخفضه ما يقدر يشوف الخيل فيها
ربطنا خيولنا ورجعنا لمدخل الوادي اشر لي ابو مرزوق بيده اني اجلس في مكان
وهو راح جلس قبالي بعد حوالي 20 دقيقه سمعت صهيل فرس ناظرت من خلف الحجاره شفت نفس الرجال راكب على فرس ويسحب خلفه الفرس الثانيه بدون سرج حين صار قريب منا
طلع ابو مرزوق من ورا الشجر وصوب عليه السلاح وسويت نفس الشيء
ابو مرزوق قال : ارمي سلاحك على الارض وفك المجند بركاده
رمى الرجال سلاحه ومد يده وده يسحب المسدس ضربت رصاصه مرت من جنب ذراعه
قلت له : اسحب مسدسك من طرفه بركاده وارميه على الارض وفك المجند عن نفسك
قلي الرجال : توكل على الله ما بنيتي الشر
قام الرجال سوى مثل ما قلت له ونزل عن ظهر الفرس طلبت منه يربط الفرس الثانيه بحجر كبير ربطها
قله ابو مرزوق : يعجبني فيك انك صادق توفي بوعدك وما تخلفه لو فيها موتك ودي منك وعد ما ترجع لديرتنا وتقول للصل اذا شفته باطراف ديرتي ما اتونى عنه اتاويه تحت الارض
قال هالرجال : لك وعدي يا ابو مرزوق لكن اقولها وانا صادق مدري وين الصل لكن ان صدفته ابلغه رسالتك لكن من هاذ الرجال اللي معاك ما هو ولدك ؟
قاله ابو مرزوق : ما دققت النظر بعيونه ناظر عيونه زين يجوز انك تعرفه
قرب الرجال مني وكنت مصوب عليه سلاحي صار الرجال يناظرني ويتفرس بملامحي زين
قال :ما عرفته يا ابو مرزوق
قله ابو مرزوق : هاذ خويي تذكر اللي عطاك 3 نعجات وطليانها لاهل بيتك لاجل تسد جوعهم ؟
قال الرجال : لعاد هاذ ولد حسن ولد اخت ابو حاتم / ابو مرزوق هز راسه علامة انه موافق
قلي الرجال : اسمعني والدك له عندي معروف ويد بيضا ما انكرها عليك الله وامان الله وانت يبو مرزوق نفس الشيء ظل شي ثاني ؟
قله ابو مرزوق : اعرف انك صادق بكلامك وهاذ خصله طيبه فيك اتمنى منك انك تتوب عن الدروب الشينه وتتقي الله في نفسك سوي معروف واحد لوجه الله تعالى
قال الرجال : إن شاء الله تراني تبت من فترة شهرين وهاذ الفرس شريتها بمال حلال ودي ابيعها واتاجر بثمنها
قله ابو مرزوق : خذ سلاحك والبس مجندك ودام انك قلت عليك الله وامان الله ما في خوف انك تغدرفينا نستودعك الله
رحنا جبنا خيولنا سقيناها وقفلنا راجعين لديرتنا بين الفتره والثانيه كنا نطرد بالخيل مع وقت الظهر وصلنا ديرتنا ناظرت ساعة جوالي كانت الساعه 12:15 الظهر
رحنا لبيت خالي شربنا القهوه وابو مرزوق سولف لخالي السالفه من اولها لتاليها
لاول مره في حياتي اشوف حواف وسارق عنده خصله زينه انه صادق ويوفي بوعده لو على موته
صورة دجاجه حبشيه
وسلامتكم يالربع
15 نوفمبر 2015 - 16:514 نوفمبر 2015 - 21:27
 |
رد مع اقتباس
