ناوي على رحلة بإذن الله. توصياتكم لا عدمتكم

[الصحراء01]

أعضاء المنتدى الأفاضل

السلام عليكم ورحمة الله وبركاته،،،

مثل الكثير منكم، أنا هاوي البر، وتقريبا كل نهاية أسبوع أطلع للشعبان القريبة من الرياض وفي كثير من الأحيان لوحدي لأن معظم الربع يكونون مرتطبين.

وهالسنة مثل ما إنتم عارفين ما كتب الله ربيع الله يرزقنا من فضله.

أنا بالعاده كل سنه مثل هالوقت آخذ أسبوع واروح للبر مع أحد أعز أصدقائي. العام الماضي طلعنا من الرياض على القصيم ومنها لحايل ثم الجوف ونزلنا على لينة واللي حواليها ومن ثم الحفر.

هالسنة خويي ظروفه ما تسمح، ولا ودي أخلي الروحة حتى لو لحالي. إللي أعرفه إن الربيع جهة المدينة وشمالها، بس مستصعبها خاصة لو رحت لوحدي.

سمعت إن فيه مناطق حول لينة وبعض الفياض فيها شوي ربيع، ولا لقيت أحد يعطيني علم أكيد.

ودي تتفضلون على بمقترحات لخط رحلة برية للي يبي يروح له أسبوع أو عشرة أيام في هالوقت مع ملاحظة أني ما أحب النفوذ والطعوس وافضل الشعبان والمشاجير.

جزاكم الله خير ورحم الله والديكم

[- البدر -]

ننتظر الإخوان فهم أهل الخبره ولكن ودي اقول بعض الكلمات اول شيء لاتروح مسافه بعيده بمفردك لسببين الأول فيها مخاطر والسبب الثاني الخرجه ماهي حلوه بمفردك .
أما من ناحية الحب للبر ممكن تطلع في الأماكن القريبة من إقامتك والقريبه من الناس او حتى تطلع إحدى المنتزهات القريبه وإذا كنت تهوى شبة النار فاحذر من الاعتداء على قطع الأشجار حاول إحضار الغاز معك للاستغناء عن الحطب .
أخيرا عندما تفكر في السالفه ستجد طلعه نهار واحد في مكان قريب من اقامتك ستحقق كل الذي يتحقق في رحله طويله فيها الكثير من العناء والمشقه والتعب والمخاطر .
الله يوفقك ويحفظك .

[الصحراء01]

ننتظر الإخوان فهم أهل الخبره ولكن ودي اقول بعض الكلمات اول شيء لاتروح مسافه بعيده بمفردك لسببين الأول فيها مخاطر والسبب الثاني الخرجه ماهي حلوه بمفردك .
أما من ناحية الحب للبر ممكن تطلع في الأماكن القريبة من إقامتك والقريبه من الناس او حتى تطلع إحدى المنتزهات القريبه وإذا كنت تهوى شبة النار فاحذر من الاعتداء على قطع الأشجار حاول إحضار الغاز معك للاستغناء عن الحطب .
أخيرا عندما تفكر في السالفه ستجد طلعه نهار واحد في مكان قريب من اقامتك ستحقق كل الذي يتحقق في رحله طويله فيها الكثير من العناء والمشقه والتعب والمخاطر .
الله يوفقك ويحفظك .

شكرا أخي البدر على الوصايا الطيبة وجزاك الله خير ورحم والديك

[- البدر -]

أشكرك اخي الكريم واتمنى لكم دوام التوفيق والسعاده .،،،