السلام عليكم و رحمة الله وبركاته






الــوقـت بـوار و الايــام دواره
وش يدري الناس عن خافي لياليها
كم واحدٍ عقب تقديره ومقداره
حول من العاليه عقب اعتلى فيها
حدر يوم انه تساهل بامر محداره
وصبح كما ديرةٍ من دون اهاليها
محدٍ نشد عن علومه واخر اخباره
تسفاه لاهبت السافي ذواريها
اعما بصيره ولا اتقديه نظاره
رجله عن الطيب قاصرتٍ خطاويها
اهل الردا كن به من فوقهم شاره
من بين الاجواد بينةٍ مواريها
نقالة الهرج ثـرثـاره و عياره
وبالهمز واللمز فيها اللي مكفيها
وتنبش اعراض خلق الله وغداره
ماتنتعدد ولا تحصى بلاويها
ولا الرياجيل مكسب واضمن اتجاره
والناس تحصد من اللي تزرع ايديها
اللي كسب ربح واللي رابح اخساره
وحساب الارواح عند الله واليها




لشاعرها
هزاع بن الرثيع