عودٍ عتبت الدرج ماعاد يرقاها
.
.




الجمس عسرٍ علي لفة دركسونه
ولابه ولا ورشةٍ يا ابوي ما جاها
لاوالله الا يتعب من يسوقونه
ولاعاد يقدر علا الدنيا ويقواها
وليا مشا يايبه يمشي علا هونه
كنه يقول البشر ياكثر بلواها
ولافيه شيٍ علا حاله سوا لونه
حتا المكينه علا شانه شريناها
تكفون بيعوه ليت الناس يشرونه
والله يعينه علا الخلق وسواياها
ياما نفعنا وياما جاب طبلونه
ويدور اقوا المواتر ويتعداها
مير انه اليوم عودٍ طاحت اسنونه
عودٍ اعتبة الدرج ماعاد يرقاها




هزاع بن الرثيع المطيري