هذا وطنا حماه الله ثم ارجاله
.
.




هذا وطنا حماه الله ثم ارجاله
الدار لاجله ودونه ترخص ارواحي
خلو عدو الوطن مترديٍ فاله
اليا وقف من قساوة ضربهم طاحي
من حكم عبدالعزيز العود وعياله
حامينها يومها باسيوف ورماحي
من يقرب الدار ماخلوه في حاله
عدوهم ما ينام الليل مرتاحي
واليوم يوم القذايف ترسل ارساله
ارسالةٍ من تجيه ايموت ماصاحي
لو يرفع الرايه البيضا ترا اشواله
وليا بغا الحرب قدمه جيش وسلاحي
وابو الفهد يحتمي قوله ليا قاله
له سيرةٍ مامحامها امن الزمن ماحي
يوم اليماني شكاله قلة احواله
الحوثي اذبح منا ذبح الاضاحي
يالله تنصر جنود الدار وابطاله
واللي توفى عساه لجنتك راحي






هزاع بن الرثيع المطيري