السلام عليكم و رحمة الله و بركاته ،،
أسعد الله أوقاتكم .
للطير تحليقة وللحر هدة
والدلو ماله فايدة غير برشاه
علمٍ يحجرش بالمعاليق بده
وصاحبك حذرك لاتحده على أقصاه
وبابٍ يجيب الريح لازم تسده
من شان ما تقضي حياتك معاناة
ومن يئتمنك بسر لا تبيح سده
و ما يقضي اللازم كثير المراواة
و لا شفت هاجوسك خشير المخدة
قم وتقبل و ارفع ايديك لله
واليسر بعد العسر مع كل شدة
و صبرك على الشدة فضيلة مزاياه
للطيب وقت و للمشاريه مده
ومن ينتخي بك لاتخيب نواياه
وعلمٍ يجي مابين روحة وردة
لاتعتجل لازم تميّز بمعناه
ولاجاك رمح من العدوين صده
ترى الرخامة تهدم الصيت والجاه
من ما تغدا في عدوه وضده
ليا هدفت شمس المغيرب تعشاه
وان شفت حبلٍ منكرب لا تشده
بعض الامور تحلها بالمهاداة
و من ما احتسى للدرب بدرة وعدة
يطيح في دوٍ خليٍ و مضماة
وبيتٍ بلا ساس العواصف تهده
لو صار في عينك هذا زين مبناه
والطيب ورث الرجل من ورث جده
ان ما مشى به مدح جده تعداه
ومن لا يعدك محزمٍ لا تعده
وكثر المجامل قارن الذيب بالشاة
والوقت غير الوقت مفقود جِده
كثرت سواليفه وكثرة خطاياه
و سلامتكم
منقولة مما راق لي .
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة قوافي ( أم نهار )
