السلام عليكم ورحمة الله وبركاته
انا هوايه يا بعيدين الاشباح
عن خيمةً قامت تمايل عمدها
امً تبنى كل ورعً ليا صاح
كم من يتيمً راضعً من نهدها
تمشي بهم ممشاً علا خف وجناح
يم ديرةً ما قبلها اللي وردها
ارضاً عليها الغيم مداته اشحاح
ما استبشرت براقها مع رعدها
الها عيالاً مايعشقون الارباح
ولاهمها نقد النقيد ان نقدها
تقبل وتقفي مالقت مدح مداح
ناراً سبق صالي سناها رمدها
ممدا تمرجح في هواها تمرجاح
وا ضيقةً بصدورها عن سعدها
وليا اختفا من الناس جا غير ماراح
وكلاً يشوف انه عن الاخر ادها
ناس تجي وتروح من غير مصباح
بالغابه اللي سادها غير اسدها
ولا الرجال اهل المعرفه والافلاح
حلالة العقده علا من عقدها
ماعاد بيديهم مفاتيح الاصلاح
انشد وتلقا قبلك اللي نشدها
راحت مراح اللي تروح ابه الارياح
اللي هبايبها على طول يدها
لو ما عليهم مر سلال الارواح
سلالها ناساً ربت في بلدها
وكلاً معه شلفا وبارود وسلاح
ولاكل من عرف الطريده وجدها
هزاع بن الرثيع
رد مع اقتباس
المشاركة الأصلية كتبت بواسطة ابوصالح3
