15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 5 من 5

الموضوع: قلي : تثق فيني يا حمود ؟

  1. #1
    تاريخ التسجيل
    Apr 2017
    المشاركات
    671

    قلي : تثق فيني يا حمود ؟

    السلام عليكم ورحمة الله وبركاته
    صبحكم الله بالخير الجميع

    في يوم من الايام اخذت في اجازه من وظيفتي مدتها 8 ايام صباح ثاني يوم من اجازتي توجهت لبيت صديقي ابو مرزوق حين وصلت استقبلني بالترحاب جلسنا في حوش بيته وصب لي الفنجال
    كان ابو مرزوق يناظر فرسه الكحيله مزيونه
    سألته : ويش فيك يا رفيقي تناظر فرسك ؟
    قلي : الفرس صارت هرمه اشوف بعيونها نظرات مو طبيعيه
    جلست معه حوالي ساعتين وبعدها استأذنت ورحت لبيت خالي حيث ارسلي وطلب مني اروح اعطي امانه لشخص خارج الديره حيث انه كان متوعك رحت قضيت ذاك المشوار وسلمت الامانه لراعيها
    مسا ذاك اليوم عرفت انها فرس ابو مرزوق ماتت رحنا لعنده وجبنا سايق الجرافه حفر حفره عميقه ودفنا الفرس فيها وقرر ابو مرزوق يشتري فرس جديده رحت لصديق لنا يتاجر بالخيول
    العربيه الاصيله حين وصلته استقبلني وجلست معه قدم لي قهوه وشاي على سبيل الضيافه
    قلت له : يا ابو متعب ودي مهره عربيه اصيله صغيره بالسن مو مشاكسه مروضه للركوب
    قلي : عين خير طلبك موجود لكن عندك حصان يتثاقل بالذهب .
    رديت عليه : ودي المهره لصديقي ابو مرزوق فرسه ماتت عمرها حوالي 20 سنه
    عرض قدامي مجموعه من المهرات تنقيت مهره لونها احمر ضارب للاشقر يزين وجهها خط وفيها تحجيل رجولها الاماميه فصيلتها العبيه عمرها 3 سنوات اسمها هدبه حين جربتها بالطراد ما شاء الله
    سريعه حييييل ومعها اوراق سلالتها تفاهمنا على سعرها وقبضته ثمنها
    قلي : يا ابن آخي انت عزيز وغالي ما اتربح منك خذها بنفس المبلغ اللي دفعته ثمنها 3500 دينار الله يطرحلك البركه فيها
    قبضته ثمنها ورجعت بالمهره للديره ربطتها جنب البيت في الظل واسقيتها وعلفتها ثاني يوم توجهت فيها لبيت صديقي ابو مرزوق استقبلني ربطت الفرس تحت الاشجار جلست معاه وسولفنا
    وطلبت منه يعطيني رأيه بالفرس قام تفقدها وجربها بالطراد
    قلي : تراها وافيه ما فيها عذروب واحد وسريعه حيييل هاذ هي الخيول اللي تنقنى
    قلت له : ابشر تراها جتك هديه الله يطرحلك البركه فيها يعطيك خيرها ويكفيك شرها
    صار يتعذر انه يقبلها قلت له : ترى ان ما اخذتها لا تكلمني ولا ترافقني
    قلي : يا ابن آخي كلفت نفسك لاجلي
    جاوبته : لا كلفه ولا شيء ترى جبتها مخصوصه لك ما ارضى تكون بدون فرس تروح وتيجي عليها وتقضي فيها مشوايرك وارافقك بمشاوير
    قلي : زين ما يخالف قبلت هديتك وما اردك ولا ارد هديتك تراك عزيز وغالي علي وانت بحسبة واحد من اولادي
    رحنا جلسنا في حوش بيته استأذن مني دخل البيت وغاب فتره ورجع جا لعندي وظل واقف قمت ووقفت
    قلي : تثق فيني يا حمود ؟
    جاوبته : بعد هالعمر والعشره والرفقه الطيبه والمشاوير اللي رحناها تسألني هالسؤال طبعا اثق فيك ثقه عمياء .
    قلي : زين غمض عيونك ولا تفتحهم الا حين اقولك افتح عيونك
    غمضت عيوني وشعرت انه ابو مرزوق يربط شيء على وسطي
    قلي : افتح عيونك الحين يا حمود .
    فتحت عيوني اذا يربط على وسطي حزام من الجلد الفاخر ومعلق فيه شبريه فضيه غمدها مطعم بالذهب
    قلي : تراها جتك هديه ما من وراها جزيه لا تحاول تتعذر وترد هديتي .
    وافقت على هدية ابو مرزوق رغم اني ما كنت منه يهديني شيء مقابل المهره عصر ذاك اليوم توجهنا لبيت خالي ابو حاتم واخذنا المهره معنا شافها خالي
    فقال : الله يطرح لك البركه فيها يعطيك خيرها ويكفيك شرها
    في اليوم التالي طلعنا مشوار طفنا حول الديره وهو على صهوتها وكنت على صهوة حصاني اليحموم والد حصاني الاغر لقحت هاذ المهره من حصان فصيلته العبيان لشخص
    ديرته بعيده عن ديرتنا حوالي 45 كليومتر وللحين عند ابو مرزوق من نسلها 3 افراس وفحل
    الشبريه اللي هداني اياها ابو مرزوق البسها في الافراح على المجند حين نكون في صف الدحه شافها شخص
    قلي : هاذ صناعه يدويه قديمه لكنها متقنه جدا ما اظن اليوم تلاقي مثلها في السوق
    عرضتها على تاجر تحف
    قلي : لا تفرط فيها هاذ قطعه فنيه فاخره لا تبيعها .
    جاوبته : ما ابيعها لو وزنها ذهب جتني هديه والهديه لا تهدى ولا تباع مير ودي اشوف كم يبلغ ثمنها .
    امس عرض علي شخص من الديره ثمن للشبريه 100 دينار رفضت بيعها لانها هديه
    وسلامتكم يالربع .

  2. #2
    تاريخ التسجيل
    Dec 2010
    الدولة
    منتديات مكشات &الموروث الشعبي&الكمبيوتر والبرامج
    المشاركات
    11,739

    رد: قلي : تثق فيني يا حمود ؟


    وعليكم السلام ورحمة الله وبركاته
    حياك الله ابو ظاري
    ونعم الصديق
    الهديه لها مكانه كبيره بكبر معزة ومحبة صاحبها وإن كانت صغيره فما بالك بخيل اصيله كأصالة من باعها ومن اشتراها واهداها ومن أُهديت إليه وكفو كفو للجميع
    وفقكم الله وادام محبتكم
    جزيل الشكر
    تحياتي وتقديري واحترامي

  3. #3
    تاريخ التسجيل
    Apr 2017
    المشاركات
    671

    رد: قلي : تثق فيني يا حمود ؟

    وعليكم السلام ىورحمة الله وبركاته
    اختي قوافي الفاضله
    كلامك لا يختلف عليه اثنين الهديه لها مكانه بين الاصدقاء
    ابومرزوق اعرفه من كنت طفل صغير فهو نعم الصديق شاركته واولاده
    في سرحة الشياه والحلال
    زينتي متصفحي برزين حروف كلماتك الراقيه
    حفظك الله ورعاااااااااااك

  4. #4
    تاريخ التسجيل
    Jun 2011
    المشاركات
    211

    رد: قلي : تثق فيني يا حمود ؟

    سالفة طيبة من رجل طيب .. الله يكثر من امثالك ومن امثال ابومرزوق ..

  5. #5
    تاريخ التسجيل
    Apr 2017
    المشاركات
    671

    رد: قلي : تثق فيني يا حمود ؟

    اخوي كهربان المكرم
    مشكور على هالاطراء الطيب من طرفك
    الله يكثر من امثالك ويجزاك كل خير
    نورت متصفحي بجميل حروف كلماتك الطيبه من وصايفكم
    دمت في حفظ المولى ورعايته

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •