السلام عليكم ورحمة الله وبركاته
ياشباب صار لي معاناه مع دبل اليوكن الثقيل مايعشق طبعا زراير
الدبل الخفيف تمام الثقيل صار فيه مشكله بعد توضيب القير
ورحت ورشه في الصناعيه وفكوا الدبل ويمين يسار يظبط شوي ثمن ينتكس المهم ماطلعت بنتيجه
واخر شيء طلع من علامة N لما تفضي الموتر مايجي السهم عندي على الان يروح على الباركP
وهذا نتيجة خلل عندي في كف القير معناتها الدبل الثقيل ما يعشق الا لمايكون السهم في الطبلون على N
غير كذا مايعشق والدبل اصلا مافيه خلل بس الورشه يتعبثون وماحد يعطيك العله وش هي
انا اكتشفت العله بنفسي صرت افصل السالب في البطاريه شوي ثمن اشبكه يجي السهم على N
اعشق الدبل الثقيل يشبك محرك الدبل من احسن مايكون
اللي ابي اقوله الدبل الثقيل لازم تكون علامة السهم في الطبلون على الان ويشبك معك الدبل الثقيل
هذه تجربتي وربما تفيد وسلامتكم