تصبيحة معها لغيز نقيته . صوتي 350....الحل:الخورنق...حله: يمكن شاعر وكفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

تصبيحة معها لغيز نقيته

تصبيحة .. معها . لغيز نقيته
والعود لاصبح . خفايف لغوزه
بيت ومن شيده معروف صيته
فيه انبهار الكل . للي يروزه
بيت وذا يقسم بوصفي رويته
مع كل قسم . ماخفتنا رموزه
الأولي . في جال بحر لقيته
والثاني كل قطر موكد يحوزه
شياده . اللي اوسطه لاقريته
بالزود يعطي يالعقول الفروزه
لكن أبي بالساس بيت غطيته
بيت مشيد في حلولك أعوزه


https://a.top4top.net/m_92923kxs0.m4a

مع تحيات ابو ماجد

منتديات مكشات . خيمة الالغاز

[يمكن شاعر]

عليكم السلام
صباح النور والسرور
صح لسانك ملاييين يالغالي لاهنت
اول ماقريت اللغز طرى علي بيت شعر
لكن محاوله
جازت لي الرمعه

قصر خورنق = بالعراق اللي بناه سنمار ونهاية سنمار الموت وصار المثل جزا سنمار
خور = بالبحر
نق = نصف القطر في كل قطر

سنمار = هو شياده وبانيه اوسط حروفه
نما = وهو الزود

[ابو ماجد 2]

كفوووووو كفووووووو كفوووووو
يابو مريم
نعم
الخورنق
القصر الذي شيده سنمار وقصته معروفه ومنها اتى المثل جزاء سنمار

[يمكن شاعر]

كفوك الطيب يالغالي لاهنت