ما أفضل طريقة لرفع السيارة : تغيير اليايات أو المساعدات أو البوالين ؟؟

[شاص]

السلام عليكم ورحمة الله وبركاته ..
تعددت أساليب المكشاتيين في طريقة رفع السيارة لتجنب نزولها خصوصاً بعد تحميلها بأغراض الكشتة ..
فمنهم من يفضل تبديل اليايات بأخرى أكثر ارتفاعاً وبتغيير نوعية المساعد إلى نوعية خاصة والبعض يقوم بتركيب بوالين الهواء التي تكون داخل المساعد ويملأها بالهواء متى ما أراد التحميل ..

السؤال : ما هي أفضل الطرق لرفع السيارة لتجنب نزولها بعد التحميل وبطريقة تحافظ على توازنها وراحة مركبها .. وحبذا لوكانت الإجابة من واقع تجربة .. مع شيء من التفصيل كالنوع والسعر ومكان التركيب والإيجابيات والسلبيات.. حتى يستفاد من الموضوع بشكل أكبر .

ودمتم سالمين،،

[قناص الليل]

بالنسبه للباثفاندر (( كانت مشكلته نزول السياره مع التحميل ))
غيرت اليايات و المساعدات (( خصوصاَ اليايات هي الي ترفع السياره )) .
نوع اليايات (( استرالي )) و سعرها في حدود 500 تقريباَ .
المساعدات (( امريكيه )) نوع مونرو ..

فرق كبير بعد التحميل و لله الحمد (( السياره ما تنزل زي اول )) ..

[شاص]

بارك الله فيك أخوي قناص الليل ..
لكن المساعدات بكم ؟؟
وين وبكم ركبتهن ؟؟

[sultan8861]

لو سمحت ياقناص الليل وش فرق معك الباث عن اول من ناحية
1 الراحه
2 كم ارتفع عن اول
3 الرساوه
واذا عندك زيادة ملاحظات تفكى قلها وهل تنصحني باليايات الستراليه
وعذرا على الاطاله

[الرسام-8808]

السلام عليكم ورحمة الله وبركاته البالون انا مجربه ممتا ز بس لابد تلاحظ الهواءولزياده المعلومات هذا جوالي وابشر بالسعد الرسام

[عجمي]

وعليكم السلام ورحمة الله وبركاته


موضوع جميل اخوي شاص وارجوا ان تعم الفائدة منة ...


بالنسبة لليايات جربتهن والله ماعليهن كلام ..وللمعلومية اللياي الأسترالي يجي ثلاث مقاسات عادي ووسط وقوي


وتختلف قوة رفعة بمعنى االعادي يرفع شيء بسيط والوسط اقوى وهكذا ....



وجربت الوسط وركبتة على صالون وصراحة صار فية اختلاف عن قبل مع العلم انة زاد مطب السيارة


شوي ...وشريتة من الرماية وسعر الأثنين


ب 500 ريال ...اما البوالين ماجربتهن لكن اشوف الربع يمدحونهن


اخوكم عجمي,,,

[أبوناصر]

أنا على الباث مركب يايات استرالية والمساعدات وكالة والموتر ولله الحمد تغير من جهة النزول

وما اختلف ابد من جهة مطبه ورساوته على الخط أبد ما حسيت بفرق

ال ودي أسأل عنها مساعدات المورانو الأمريكية وش رايكم فيها من واقع تجربه

[قناص الليل]

اليايات الأستراليه موجوده عند محل الرماية (( طبعاَ الباثفندر يجي ياي مخصص له من الشركة الأستراليه يركب عليه بدون اي مشاكل سعره 495 ريال )) . بالنسبه للتحميل اذا حملت اغراضك (( عزبه و مفارش و تانكي مويه و حطب )) يصير ارتفاع الموتر كأنه ارتفاع يايات الوكالة بس بدون تحميل اغراض >>>>> النتيجه ممتازه لأبعد الحدود .

مساعدات مونرو لها وكيل في الصناعيه على شارع الأمير سلمان خلف البنك الأهلي على ما اعتقد (( والله اني مانيب متأكد لكنه في الصناعيه حول وكالة جبريال ما هيب بعيده ابد عنه ، و الي اذكره انها جنوب غرب عن المسجد الي بوسط محلات قطع الغيار ما فيه غيره هالمسجد بذيك المحلات )) ..

[الجبل العالي]

لا هنتوا يا الاخوان نبي احد يفيدنا عن تركيبها على الجيوب اللاندكروز
هل هي ممتازة وكم المقاس اللي يركب فيها بالنسبة لليايات الاسترالية ،،،،،،،،،،،،،،،،،،،،،،،،،،،،،،،،،،،،،
وتقبلوا خالص تحياتي

[عاشق المزون]

اهلا وسهلا والله انا معي Gx 2005 وركبت علية يايات استرالية من عند الرماية وهذا هو المقاس :

وارتقعت السيارة 4 سم تقريبا بس ماشاء الله راحة وقوة ماشفت مثلها ابد حتى مع سيارتي القديمة الكابرس ادور المطاب الحين وهذا حقيقي مو مزح ترى وبعد ذلك ركبت مساعدات الله يساعدنا جميعم على طاعة الله من نوع :

اما مقاس المساعدات فهو رقم :

وهذي نصيحة مجرب والفضل يعود الى هذا المنتدى الرائع الى نصحوني باليايات الاسترالية وانا الحين مركب تانكي 120 لتر على السيارة وماشاء الله نزلت 1سم تقرييا اما من ناحية التحكم في السيارة فلم يختلف على شي بس المطاب نسيت وشي

[شاص]

تفاعل رائع ...
الأخوة الكرام .. قناص الليل ، سلطان8816 ، الرسام -8808 ، عجمي ، أبوناصر ، الجبل العالي ، عاشق المزون ..

أشكر لكم ردودكم وتفاعلكم .. جزيتم خيراً

طيب والكعكات وش رايكم به ؟؟

[الجبل العالي]

عاشق المزون مشكور وما قصرت
والاخوة جميعا ،،،،،،،

[أبرق الضيان]

أحب أسألكم عن محل لخدمة سيارات الدفع الرباعي كان بالعليا و نقل لمكان ثاني ، و هو مشهور بتركيب البالون ، ودي أحد يخبرني عن مكانه و اسمه ؟

[عاشق المزون]

هلا اخوي ابرق الضيان الظاهر انك تقصد محل 4x4 هذا نقل على طريق العربة كانك رايح الى مستشفى التحصصي للعيون يجي على يمينك في محطة بس انصحك باليايات الاسترالية

[الظلماوي]

الياي والمساعدات وبس جربتها على gx r والشاص ولكم تحياتى