ورع وبنت تحمله يالدواهي . صوتي 386.الحل:مايوضع على شكمان مكينة الماء.حله:بدوي

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز اتمنى ان يرتقي لذائقتكم

ورع . وبنت تحمله .. يالدواهي من جوفها ياخذ .. ويطلق عويله دوره ينبه ساهي . البال . ساهي الياسكت .. ياتي فزوع .. عميله ان كان مبعد او هو يالربع لاهي للبنت ياتي . والخطاوي . عجيله مايجهله . رجل به العمر راهي ولا يعرفه من هي سنينه .. قليله بنت الاجانب ماخفت ذهن داهي والورع منا .. والعشم به دليله

https://a.top4top.net/m_983hhs8i0.m4a

مع تحيات ابو ماجد

منتديات مكشات . خيمة الالغاز

[قوافي ( أم نهار )]

وعليكم السلام ورحمة الله وبركاته
صح لسانك ابوماجد
رمعه :
بيت النار او مكان الفشقه فالبندق
او الرمان بلي بالرصاص الرش
جزيل الشكر
تحياتي وتقديري واحترامي

[يمكن شاعر]

عليكم السلام
صح لسانك ملايين ياغالي
محاوله
جهاز انذار السياره

او
جهاز مراقبه المريض
يكون له صوت شغال على طول اذا وقف الصوت معانته انه المريض في خطوره يجي الممرض يتابعه

[ابو ماجد 2]

ام نهار
ابو مريم
صحت ابدانكم
شرفتموني
محاولات طيبه وانتظر الأطيب

[ابو ماجد 2]

بنت الاجانب ماخفت ذهن داهي
والورع منا .. والمقاصد دليله
منا اي من عندنا
بيت اضافي والقصد المحاصره للغز

[قوافي ( أم نهار )]

تمت إضافة البيت
محاولة:
مفتاح الخراش اللي كانو يعشون الساعه منه بلفه لضبط الوقت

[ابو ماجد 2]

هلا بك ياأم نهار
رمعه طيبه
لكن بخبرة الشيبان
مفتاح الخراش مستقل غير اللي كانوا يعشون فيه الساعه
وكد حطيت فيه لغز

ورعٍ ومشيه لابغى المشي عاقـه..........مشي الـولد ياكود بثنين مـسيـوق×

يلفي على بنتٍ له الـــحي ساقـه..........واللي يبيه الحي من البنت ملحوق×

عند الضنى اخوٍ له العــود باقـه..........الورع فوق البنت والعود من فوق
وأما تعشية الساعه فلغزها
ورع ومن داره عشى امه يولمه= يرجهن لامن لها وفـر عشـى×
ماتركها اليوم ودوره يحشمـه= لو تزل امـه لنجدتهـا مشـى

[قوافي ( أم نهار )]

ماشاء الله
رمعه:
بلف طنجرة الضغط

[ابو ماجد 2]

ماشاء الله
رمعه:
بلف طنجرة الضغط

لااااااااااااول مرة يااااااااااام نهار اشوف الرمعات تتالى منك للغز واحد
المشكله مااعنيه يخص الرجال
شرفني تواجدك ورمعاتك حلوه مع تاكيدي ان ماحاب ظني ليس لك المام فيه

[قوافي ( أم نهار )]

هي محاولات رغم تأكدي باني لن اصل للرمعه
جزيل الشكر

[ابو ماجد 2]

هي محاولات رغم تأكدي باني لن اصل للرمعه
جزيل الشكر

الله يبيض وجهك ياام نهار ومحاولات طيبه تشجع بادع اللغز
لكن ماارمي اليه اولا قديم ثانيا خص بالرجال اكثر

[الدمرجي]

صح لسانك يابوماااجد لغز جزل من جزل

حقيقة رمعات ام نهار تشجع البادع والرامع ايضا

نبا نحاول و لك عليها ارمعه

ساعة الجيب او قوس الربابه

[ابو ماجد 2]

هلا بك يابو مروان
صح بدنك والجزاله انتم اهلها لو كان صاير معك هالايام شح مبطي ماشنفت آذاننا ببديعك
لايزال طليق يالغالي

[الدمرجي]

هلا بك يابو مروان
صح بدنك والجزاله انتم اهلها لو كان صاير معك هالايام شح مبطي ماشنفت آذاننا ببديعك
لايزال طليق يالغالي

الله يسعدك يابوماجد وماقلته محل اعتزاز وتقدير

[يمكن شاعر]

يمكن تقصد
الصوت اللي في راس الدله