أيهما أفضل شراء مكينه من التشليح أو توظيب الأصليه

[راكان شقراء]

عندي سيارة فورد إكسبديشن موديل 2010 عاديه
خبطت مكينتها , وكم ورشه قالوا أنه مخبطه

سؤالي لأهل الخبره
أيهما أفضل شراء مكينه من التشليح
أو توضيبها إن كانت تحتاج لتوظيب

[SGL]

شف الأفضل توظيب والأهم مهندس يعرف يحوفها تمام ولا تخسر على الفاضي
وعلى حسب خلل المكينة سلندر مكسور أو عمود كرنك هذي تكلف ونادر تحصلها إلا طلبيات من الوكالة وبالحاله هذي تشوف مكينة أفضل لاكن إذا الخلل بسيط وظبها ومايبين معك المتضرر إلا بعد الفك
قبل شهر أكسبلورر مع صاحبي إنكسر فيه عمود كرنك شاف الوضع مايزبط مع السباكين الجدد عندنا إشتراله مكينة مستورد ولحين يمشيبه ولا أحلى ماشاء الله تبارك الله

[مريقب العيفار]

اذا كان الفارق بين قيمة مكينة التشليح وقيمة التوظيب ما هي كبيرة بالحيل فالمكينة افضل من التوظيب

[BEN SADEQ]

بالغالب سعر التوضيب اغلى من شراء مكينه مستعمله

[مطر وسم]

انا اشوف شراء مكينه افضل من التوظيب حتى لو كان الفرق الفين وحولها الموظب مايجيك بالميه لابد تظهر لك بعض المشاكل خاصه وان مكائن السيارات الحديثه معقده كثير مهي زي الاولات
موفق

[أصيل حجآ زي]

أخي ؛
التوضيب
أفضل 100%+
بــشــــرّط أن تــكــون
بقطع غيآر أصليّة ( وكآلّة ) ،،،

وبورشّة ثقــّـة
وضمآن وشآطرين .

المـُـحـركــآت الــمـُـجـــددّة
ما يضمنونها لك أكثر من شــّـهـر .
،
،
،

،
،
،
،

[بن كلثم]

دام سيارتك فورد مهما اختلفت المسميات الافضل توضيب عند ورشه ثقه والقطع من الوكاله هذا الدارج بخصوص منتجات فورد