السلام عليكم ورحمة الله وبركاته
صبحكم الله بالخير الجميع

صباح يوم السبت الماضي بعد صلاة الظهر كنت جالس مع خالي واولاده نسولف رن جوال خالي فتح الخط
بعد لحظات
قال :
لاحول ولا قوه إلا بالله العلي العظيم زين زين ما يخالف مسافة الطريق ونكون عندكم خلهم بعاد عن بعض
ناظرنا خالي وقال هزاع ولد خالنا تهاوش مع جاره ودنا نروح نصلحهم وننهي الموضوع توجهنا لمكان الهوشه حين وصلنا كانت الرجاجيل حجزت بينهم وابعدتهم عن بعض طرحنا عليهم تحية المسا
وقال خالي :
ويش صار يالربع ويش فيه تهاوشتو ؟
في شخص قال :
يا ابو حاتم هزاع ولد خالك دخل في ارض نوفل متر على طول قطعة هالارض بطول 10 امتار حسب قوله انها حدود الارض ما هي صحيحه وده يبني هنا بيت
خالي قال :
هاذ مسأله بسيطه ما تحتاج هوشه وصياح هزاع ترجع للخلف مسافة المتر وانتهينا
احد شيبان الموجودين قال : خلصنا انتهت المشكله تهدا يا نوفل ابو حاتم رجع لك حقك
نوفل صار يصارخ رفع صوته على خالي وقال ما يهمني الشيخ وغيره ورفع يده على خالي وده يصفعه
خالي دفع نوفل للخلف وصفعه على وجهه اخو نوفل يشوف اللي صار يحمل بيده قطعة
حديد ويهجم على خالي سحبت مسدسي وعمرته وصوبته على عايد اخو نوفل
وقلت له : ارمي الحديده اللي بيدك
اولاد خالي وربعنا طوقو خالي ابعدهم خالي
وقال :
ودك تصفعني يا نوفل بعدك ما عرفتني ما هو ابو حاتم اللي ينصفع على وجهه
وانتشر الخبر بالديره جانا ابو مرزوق واخوانه واولاد عمه وقالو ابو حاتم واخوانه واولادهم وابو ظاري واهل بيته بوجهنا نحذركم من تقطيع الوجه
قلت لخالي : خلنا نرجع للبيت يبه
خالي ناظر هزاع وقاله :
ارجع للحد متر واحد انتهينا سمعت يا هزاع
رجعنا لبيت خالي وجلسنا جوال خالي يرن ينهي المكالمه يرن شخص ثاني مضى على الوضع حوالي نص ساعه وجا خوالي ابو محمد وابو اسماعيل سولفو بالموضوع استأذنت منهم ورجعت لبيتي
ما طلع نهار صباح يوم الاحد كانت الديره كانها على برميل بارود الاجواء متوتره عائلات تتحشد تداعت شيبان الديره وطوقو الموضوع كنت واقف على باب بيتي مع شخص من الجيران سمعت ضجيج سيارات اذا هي سيارات الشرطه ومدرعات من قوات الدرك توزعو داخل الديره وقفت مدرعه جنب بيتي كنت احمل مسدسي تقدم مني ضابط برتبة ملازم
وقلي بكل ادب :
عطوني اثبات شخصياتكم لو سمحتو وانت ليش تحمل سلاحك ودي اشوف رخصة المسدس
اطلعت محفظتي وطلت بطاقتي الشخصيه وقع من محفظتي بعض الاوراق وصوره تجمعني مع اصدقائي ابان خدمتي العسكريه انحنيت رفعتها عن الارض وعطيت الضابط بطاقتي
قلي الضابط :
ممكن اشوف الصوره لو سمحت
عطيته الصوره ناظرها وقلي :
عسكري سابق ؟
جاوبت : نعم كنت ملازم في الجيش العربي واستأذنت من الضابط اجيب له رخصة مسدسي دخلت البيت جبت رخصة المسدس عطيت الرخصه للضابط ناظرها ورجعها لي
قلي :
مو ضروري تحمل المسدس خله في البيت
قلت : تعودت احمل مسدسي وجميع اهل الديره يشهدون لي بهاذ الشي جاري سعيد ايد كلامي
صار جوالي يرن رديت كان خالي ابو حاتم يطلبني اروح بيته قلت له مسافة الطريق اكون عندك إن شاء الله رجعت للبيت نزعت مشط الرصاص من المسدس وافرغته بالكامل وحطيته في مكانه
طلعت من البيت لقيت ابني ظاري وربعه راجعين من المدرسه سألتهم : ليش راجعين من المدرسه
قالولي : في 3 معلمين غايبين هزيت راسي وهمست باذن ابني ظاري تخلي امك تسوي شاي وقهوه وانت تجيبها للشرطه والدرك
وتوجهت لبيت خالي لقيت مجموعه من الضباط وافراد الشرطه جالسين مع خوالي في الديوان طرحت السلام عليهم وجلست
خالي قلهم :
هاذ ابن اختي كان معي امس
قلي الضابط :
وين مسدسك يا ابو ظاري ؟
جاوبته : مسدسي في البيت ومرخص وباقي على انتهاء مدة الرخصه 3 شهور و 4 ايام
طلب مني الضابط ارجع للبيت اجيب المسدس ورخصته رجعت للبيت جبت المسدس ورخصته وعطيتهم للضابط تفقد المسدس وناظر الرخصه
وقلي :
زين ما يخالف ودي منك ما تحمله خلال هالفتره
عطيت المسدس لخالي قلي خالي اعطي المسدس لخالتك ام حاتم خليها تحطه في الخزانه رحت وعطيتها المسدس وطلبت منها تحطه في الخزانه ورجعت جلست مع الرجاجيل والضباط في الديوان
قوات الشرطه والدرك ظلو في الديره لوقت بعد الظهر وانسحبو وظل سيارة شرطه ومدرعة من قوات الدرك خلال ذيك الفتره كانت مساعي حميده من شيوخ وشيبان الديره انتهت بهدنه مدتها 3 ايام امس جلسنا في بيت ابو مرزوق جلسة
صلح ومصالحه وانهينا هالاشكال بعد عصر امس كانت جلسة الصلح تجمعت الشيوخ والشيبان والشباب
ابومرزوق قال :
يالربع ودنا ننهي هالاشكال ونتصالح انا ( والعياذ بالله من كلمة انا ) واخواني واولاد عمومتي كفلا ابو حاتم واخوانه واولادهم وابوظاري واهل بيته
رد عليه شايب وقله : كافي ووافي يا ابو مرزوق انت عالعين والراس ولا يهونو الربع وتراني واخواني واولاد عمومتي كفلا نوفل واخوانه
امام المسجد القى كلمه حث فيها على المسامحه ونبذ الخلافات وخاصه حنا في الديره العشيرتين بينهم نسب ومصاهره لا يمكن نكرانها اعمام واخوال
25 بنت من عشيرة اخوالي ازواجهم
من عشيرة ابو مرزوق
27 بنت من عشيرة ابومرزوق ازواجهم من عشيرة اخوالي بعد مداولات
قال الشيخ ابومحمد : يا نوفل انت غلطان الموضوع رغم انك ابن عمي الامر بسيط ما يستاهل جا ابو حاتم لابن خاله وقله يرجع للخلف متر وانتهينا تقوم انت تقول ما يهمني الشيخ وغيره وترفع يدك ودك تصفع
ابو حاتم على وجهه ابو حاتم دفعك وصفعك ما عمرها صارت عندنا في الديره رجال يرفع يده على شيخ عشيره كان في دفاع عن نفسه ابو ظاري عمر المسدس وصوبه على اخوك سمران
الحين تقوم تتعذر لابو حاتم قدام جميع الموجودين وتحب على راسه وفوق هاذ تدفع له 5000 دينار وتبيض وجهه لانك رفعت يدك على ابو حاتم
ابو ظاري ما عليه شي لانه دافع عن خاله والجميع يعرف انه ابو حاتم والد ابو ظاري رباه في بيته بين اولاده وبناته بعد وفاة شايبه رحمه الله واموات المسلمين والجميع بعد يعرف انه
ابو ظاري يبعد نفسه عن اي مشكله في الديره ولا يتدخل فيها ابد وحين تصير مشكله يكون يفزع وتذكرون اخر هوشه ويش صارله تقطب راسه 3 قطبات وهو يفزع وجته ضربه في ساعده
وضربه ثانيه في رجله وضربه في ظهره كم شخص شاف ابوظاري وكتوف ثوبه ناقعه بالدم الله يكافينا شره
اللهم آمييين *** اللهم آمييين وكنت من ظمن اللي شافوه في بيت الطبيب احمد
الحين نتصالح ونوقع على صك المصالحه
خالي قال :
يالربع الدراهم اللي حكم لي فيها الشيخ ابو محمد سامحته فيها ما ودي اياها لكن بياض الوجه ودي اياه كامل
وهاذ اللي صار نوفل بيض وجه خالي في الديره وتم التوقيع على صك المصالحه من الاطراف كلها من ظمنهم محدثكم ابو ظاري بعد صلاة العشاء امس كان عشا لرجاجيل الديره في بيت خالي
8 ذبايح تم صلخهم وتقطيعهم قبل ظهر امس وكان من ظمن الموجودين 8 رجال من الشرطه والدرك
والحمدلله تصالحنا وانهينا هالاشكال
وسلامتكم يالربع