مقاس الكوارين للشاص والربع من ٨٥ الى ٩٩

[هاوي كلاسيك]

السلام عليكم
بحثت عن مقاسات الكارونة وماحصلت معلومات وافية عن المقاسات وايهم افضل من ناحية عدد سنون البنيون والترس وايهم يعطي خط وايهم يعطي قوه
المقاسات اللي مرن علي ٩على ٣٧ و ١٠ على ٣٧ ولا ادري عن المقاسات اللي نزلن على ٩٢ الى ٩٩ كم مقاساتهن وهل يركبن على ٨٥ الى ٩١

[ابوراكان تبوك]

اذا ركبت حقت 85 على 92
مايتعدى 160 لو تصلي جنبه ويفجر الصوفة مباشره وهذا الكلام عن تجربه وليس تحليل

لو ركبت حقت 92 على 85 خلف فقط دبله مارايح يطلعه
اذا اختلفت الكوارين دبله ماينفع

بدون اي بحث اسدح رقم الشاص لاي جيب واعطيك رقم كوارينه

[هاوي كلاسيك]

صدقت لازم يتوافقن المقاسات عشان يشتغل الدبل طيب وش احسن مقاس من ناحية السرعة والقوة
وبرضه ودي اعرف هل سنون البنيون اذا زادت يعطي سرعه ولا العكس وكذال سنون الترس

[ابوراكان تبوك]

سرعه وقوه ماتجي
ال 92 كرونته خفيفه وتروس اكثر لكن محركه يعوض النقص
كرونه ال 85 قويه من ناحية الطلوع سواء كانت ع 85 او 92
لو ركبت كرونه 85 على 92 بيطلع ممتاز في الجبال لكن بالخط ودك تحرق فيه
اذا موترك 85 وتبي قوه وخط وماتبي تبدل موترك
تحتاج ترهيم مكلف جدا
2 كوارين 2000
جربكس 2000
ظفيره وكمبيوتر
محرك 2000
شكمان كامل
وافضل محركات من ناحية الخف وطياره
2001 و 2003 حسب تجربتي بشرط يكون سعودي
والافضل بدل الترهيمات شراء موتر من 2000 وفوق ماتعدى ممشاه 300 ومحركه شد بلد

[هاوي كلاسيك]

صدقت قوه وسرعة ماتجي بس كان قصدي اللي يجي وسط خفيف فالخط ولاباس بالطلوع
انا جربت كارونه مقاس ظ© على ظ£ظ§ لاحضت انها قويه لاكن مافيه سرعه واللي قبلها ظ،ظ× على ظ£ظ§ وسط اضعف من اللي قبلها واسرع فالخط انا ابغى كوارين خفيفه علشان مسك الخط وكذالك ابغى اعرف المقاسات اللي نزلت على ظ©ظ¢ وفوق كم مقاسها ويعطيك العافية اولا واخرا على سرعة تجاوبك معي وسعة صدرك

[ابوراكان تبوك]

والله ياخوي ماعندي خلفيه بالترهيمات لانها تعديل جزئي وليس شامل
انت اذكر لي موديل موترك ونوعه وكم ممشاه اعطيك طرق ان شاء الله تلاحظ معها الفرق