افيدوني وين الاقي كيبل 50ملي لشبك محول السياره بالبطارية

[spider001]

السلام عليكم عليكم ورحمة الله وبركاته

عندي محول سيارة 4000 واط من 12 فولت لكهرباء 220 وابي سلك 50 ملي (يختلف عن كيابل البيوت) نوعية ممتازة ضروري 50 ملي ما يشغلها الا هو تم تجربة 35 ملي ولا تحمل واهل الخبره شاروا علي بسلك 50 ملي عشان يتحمل تشغيل قدر كاتم كهربائي قوته حدود 2000 واط
انا من سكان الدمام وابي أماكن تواجد الاسلاك في الدمام واذا مافي دلوني في الرياض وين الاقيها وخاصة الشباب الي مركبين طاقة شمسيه اكيد هم الخبره
ولمن جرب تشغيل قدر الكاتم الكهربائي على المحول او أي جهاز واطه عالي ياليت يفيدنا جميعا


والف شكر

هذا فيديو يوتيوب من تجارب البعض

[الصيادالمليح]

تلقاها في محلات الطاقة الشمسية و مستلزماتها في طريق الملك فهد (إبن خلدون سابقا) بعد محل القناص للرحلات .. وأهم شيء أن السلك يتحمل واط عالي و أمبير عالي

[المجاوشي]

وعليكم السلام ورحمة الله وبركاتة

ياليت تفيدني اخوي بتجربتك انا عندي محول 3000 صيني كل ما اوصل بالسياره واركب الغلايه يعطي اللود عالي او البطارية ضعيفه هل يعني المحول عطلان او ضعف في الكيبل

حاليا افكر اشتري محول رفيق الدرب بس ماهو متوفر في السوق

ولا اعرف الكيبل الي يصلح كم ملي لها ابي اشغل القدر الكاتم وابي اشغل علاية الماء مع دلة وبررادي تبع المسافر

الي عنده الخبره يفيدني فيها

[spider001]

تلقاها في محلات الطاقة الشمسية و مستلزماتها في طريق الملك فهد (إبن خلدون سابقا) بعد محل القناص للرحلات .. وأهم شيء أن السلك يتحمل واط عالي و أمبير عالي

مشكور اخوي وبارك الله فيك ولكن للاسف ما عندهم

[spider001]

وعليكم السلام ورحمة الله وبركاتة

ياليت تفيدني اخوي بتجربتك انا عندي محول 3000 صيني كل ما اوصل بالسياره واركب الغلايه يعطي اللود عالي او البطارية ضعيفه هل يعني المحول عطلان او ضعف في الكيبل

حاليا افكر اشتري محول رفيق الدرب بس ماهو متوفر في السوق

ولا اعرف الكيبل الي يصلح كم ملي لها ابي اشغل القدر الكاتم وابي اشغل علاية الماء مع دلة وبررادي تبع المسافر

الي عنده الخبره يفيدني فيها

هلا بك اخوي
الغلايه والقدر الكهربائي واطها عالي وضروري ان البطارية تتحمل ولا انصحك تستخدم بطارية السيارة باستمرار لان يمكن تعدمها انا استخدم بطاريات الطاقه الشمسيه والواح شمسيه
ولكن الاهم من هذا كله حتى لو البطارية تمام لابد ولابد ان تستخدم سلك قوي ما يقل عن ٥٠ ملي تقريبا خاص للمحولات مش كيبلات المنازل من المحول للبطارية ولا يتعدى متر طول ولا راح يسخن ولا يظبط معك

وموفق ان شاءالله