تجهيز انارة للكشتات مخفية بكل جوانب السيارة سيكويا
السلام عليكم
الموضوع ليس غريب ولا جديد ولاكن طريقة العمل والتسليك حبيت الكل ياخذ فيها فكرة ويكون عندة معلومة لو حب يعملها
من زمان نفسي اركب انارات مخفية بكل جوانب السيارة اريح بكثير من السنارات والكشافات التقليدية لاكن كنت متردد
والمشكلة من الكهربائية اللي تلقاهم بمحلات الزينة شغلهم كلة بدائي وهذي كهربة مافيها لعب لازم شغل ممتاز ونظيف جدا
والحمدلله لقيت كهربائي ممتاز عندي بنفس المدينة الطائف وكان شغلة بطل ولا يعلى علية وحبيت اشاركم بالتجربة
وفي نفس الوقت اللي يفكر يسويها يتبع نفس الخطوات لسلامتة وسلامة الموتر من اي التماس او حريق
اولا
تكون على ظفيرة مستقلة بفواصل فيوزات عند البطارية لا تلعب باسلاك الوكالة مهما كان ولا توصل على ظفيرة السيارة شي
تكون الظفيرة مستقلة عن ظفيرة السيارة
اي مكان يكون موصل بين سلكين يتم عزلة بالعازل اللي يمسك بالحرارة ولا تستخدم الشطرطون العادي نهائيا
جميع التوصيلات نفس الطريقة لحام وبعدة عازل كلها بدون استثناء
توصيل الاسلاك من الكبوت لداخل الغمارة مع نفس مدخل الظفيرة الاصلية يوجد قطعة بلاستيكية صغيرة
جاية من بلدها يتم قصها وادخال الاسلاك المعزولة منها
جميع الاسلاك والتوصيلات داخل الكبوت او داخل الغمارة يتم عزلها بدون اي اسثناء العازل مهم جدا جدا
لو يحمي الاسلاك لا تنجرح وتلمس ببودي السيارة وتسبب حريق لاسمح الله فمن المهم عزلها كلها وعدم التساهل
لمبات الكبوت لا يتم التخريم بل تم وضع غراء يمتص الحرارة وقوي بالتثبيت
اسلاك اللمبة الجانبية عندك الخيار اما تخليها طالعه من جنب الباب الخلفي ولا عجبتني ذي الطريقة
وخليتة يدخلها ما بين القزاز الخلفي والبودي تكون مخفية وشكلها اجمل وبالقوة دخلت بين السلكون والحمدلله جربت عليها ماء
ولم ينزل ولا قطرة لان السلك بالقوة دخل معانا والسلكون ماسك علية مافية مجال يهرب ماء
وهناء الشكل النهائي ماشالله تبارك الله
الازرار نفس شكل ازرار الوكالة نصيحة لاحد يركب القديمة خلاص انتهى زمانها
هناء صورتها بكل الوضعيات جميلة وراكبة مع الديكور
وهذا تصوير فيديو
وفي الاخير نصيحة لوجة الله لا احد يتساهل بالكهرباء يا تشوف واحد فاهم فيها او بلاش من الشغلة كلها ولا تتنازل عن اي خطوة من الشغل
ممكن وصله او جرح صغير غير معزول ومحمي يسبب حريق لا سمح الله
لا ..... نعاني من الفقر .. لكن .... نعاني من كثرة اللصوص
رد مع اقتباس