مؤشر السرعة تعطل كيف يتم اصلاحه

[خيال الغلبا]

عقرب العداد حق السرعه تعطل في الجيب

كيف يتم اصلاحه

[هاوي الله]

تأكد من سلك الكهرب حق العداد وهو يوجد في القير من تحت السياره يمكن إنه مفصول أو مقطوع .

الظاهر إن مكانه في آخر القير من ورى يوم يشبك في العمود اللي يشبك في الدفرنش .

ويمكن يكون له فيوز .

[خيال الغلبا]

اخوي هاوي

انا الأسبوع الماضي غيرت صوفة المكينه عند التقائها مع القير

[خيال الغلبا]

هل تعرف لي فني محترف في الرياض يعرف خلل قير اوتوماتيك في اكس ار

[هاوي الله]

ترى بعض الأشياء بسيطه مثل عداد السرعه يعني مايحتاج لها فني محترف . أنت بنفسك تقدر تصلحها .

والله ياخوك ماعرف في الرياض شي ولكن مالك إلا الوكاله .

أنت ساكن في الرياض ؟

[ابوعزيزm]

عادي المسألة بسيطة وأنا أخوك هذا سلك يوصل بالعداد سلك الـ . . . نسيت أسمة

إذا كانت نفس المشكلة . . . حصلت معي قبل سنتين وقبل ثلاث شهور

سعرة ما يتعدى 150 ريال . . اللي يعرف لها الكهربائي من أختصاصة

هذا اللي عندي أخوك : ابوعزيزm

[snnar]

اذا كان لاندكروزر gxr او vxr قير عادي او تماتيك مديل 98 فما فوق ترس الكيلو الي في القير بلاستيك ينفرم وبطل عداد السرعة وتولع لمبة البرتقالية المرسوم عليها مكينة وتغييرة بسيط مسمار واحد بس لازم تتأكد من عدد السنن حقة الترس حتى لايختلف عليك العداد

[بدوي جنوبي]

ما ذكرت الموديل ؟

[مزيون السعودي]

عندي عداد البنزين يتوقف على النصف ويوهق المستخدم سيارتي يوكون غيرة الطرمبة ولا فائدة شو الحل

[ابورشيد]

عندي جمس 2003 عداد السرعه يشتغل بعض الاحيان وأكثر الاحيان مايشتغل ممكن احد من الاخوان يفيدنا

[خيال الغلبا]

هاوي جزاك الله خير

ابوعزيز اسأل الله ان يعزك ويرفع قدرك

snnarالموديل 94 وليس 98

بدوي جنوبي الموديل 94الله يحفظك

[بدوي جنوبي]

م 94

فك السلك تلقاه في اخر القير وحاول تفر الواير بيدك وواحد ثاني داخل الغماره يتابع عداد السرعه اذا تحرك معك

هذا يعني ان ترس البلاستيكي خربان

اذا ما تحرك معك يعني الخلل في نفس العداد اللي في الطبلون