السلام عليكم ورحمة الله وبركاته
مسيكم بالخير الجميع
صديقي ابو مرزوق حباه الله بعدة امور منها قص الاثر ومعرفه بالافاعي والثعابين السام وغير السام ومعالجة بعض الامراض اللي تصيب الاغنام عرفت اغلب الاعشاب اللي تنبت في اراضي ديرتنا منها على سبيل المثال لا الحصر الميرميه والزعتر الجبلي وبعض الاعشاب اللي تنبت بعد فصل الشتاء مثل الحرفيش والعكوب
احد اهل ديرتنا عنده قطيع من الشياه عددها حوالي 20 - 25 راس يعتاش من انتاج حليبها وبيع الجديان هالرجال ترك المدرسه وكان بالصف الاول المتوسط حاليا عمره حوالي 60 سنه
كنت اصدف هالرجال في بعض الاحيان رغم انها علاقتي معاه سطحيه من بعيد لا تزيد على التحيه وطرح السلام والرجال هاذ اغلب الاحيان منطوي على نفسه ما يحب مخالطة الناس اذا دعت الظروف
يروح يحضر فرح او يقوم بواجب التعزيه في الاتراح اذكر انه جا على بيت العزاء حين توفيت شايبتي رحمها الله واموات المسلمين
كنت ارافق صديقي ابو مرزوق بمشاوير كثيره حيث انه صديق صدوق لشايبي رحمه الله واموات المسلمين ويعتبرني بمنزلة واحد من اولاده وفوق هاذ ثنتين من بناته زوجات اثنين من اولاد خالي ابو حاتم
كنت ودي اتعلم قص الاثر منه
فقالي : يا ابن آخي ما ينفع تتعلم هالشي وانت بهاذ العمر يلزمك تتعلمه وانت صغير تراني تعلمته من جدي ومن شايبي رحمهم الله واموات المسلمين قص الاثر والفراسه بالوراثه نتعلمها
وحنا اولاد صغار ويلزمنا فتره طويله جدا لين نتعرف على اشياء ونلاحظها انتم ما تعرفونها قص الاثر ما في مجال للخطأ اشوف الاثر مره وحده يظل في ذاكرتي ما انساه قص الاثر علمتها لمرزوق
ومهاب ومتعب ومثل ما تعرف مهاب ومتعب يشتغلون قصاصين اثر في الجيش ومشهود لهم بدقة الملاحظه والتعرف على اثار المهربين والسارقين في المناطق اللي يشتغلون فيها
يوم من الايام طلعت مشوار مع صديقي ابو مرزوق ابتعدنا عن الديره مسافه حوالي 7 كليومتر ورجعنا قبل غروب الشمس مرينا من مكان لقينا الرجال المنطوي على نفسه منسدح على الارض وشياهه
ماهي موجوده نادينا عليه ما رد رحنا نشوف ويش السالفه اذا الرجال غارق في النوم حاولنا نصحيه ما في مجال ابومرزوق ناظر اثر الشياه
فقلي الشياه راحت بيت راعيها
حملناه على حصاني ورحنا فيه لبيته وجبنا الطبيب يفحصه بعد ما الطبيب فحص الرجال والرجال غارق في نوم غير طبيعي وما نفع معاه اي ماده تصحيه من النوم شفت الطبيب امسك بقطعة زجاج
وخلاها قدام فم الرجال بعد لحظات ابعدها وناظرها كان عليها ماده لونها اخضر باهت مسح الزجاجه بقطن وقال ودي افحص ويش هالشي اللي لونه اخضر
تركنا اهل الرجال ورجعنا لبيوتنا ثاني يوم الطبيب جاب نتيجة الفحص قال : هاذ اثار عشبه غريبه ما هي من اعشاب بلادنا لكن ما عرفنا وين هالعشبه
بعد يومين صحى الرجال ولكنه كان في حاله من النعاس الشديد وما يتكلم اليوم الثالث صحى الرجال لكنه ما يتكلم يتكلم معنا بالاشاره او يكتب لنا ويش وده مدة 3 ايام على هالمنوال ما يتكلم
بعد ما صار يتكلم سأله ابو مرزوق : ويش صارلك نمت بهالشكل وما عدت تتكلم ؟
قال الرجال : يا خوي ابومرزوق ولا يهونو الربع شفت عشبه لونها اخضر وريحتها طيبه غليت منها وشربت طعمها حلو وبعدها مرت وقت بسيط بديت اشعر بنعاس شديد اخر شي اذكره
فحل الغنم كان قريب مني وبعدها مدري ويش صارلي
قله ابو مرزوق : قم معي خلنا نشوف هالعشبه اللي غليتها وشربت منها
توجهنا مع الرجال للمنطقه اللي كان منسدح فيها الرجال قال لابومرزوق : هنا خلف الصخره هاذ
ناظر ابومرزوق وجلس خلف الصخره وصار يحفر على عروق العشبه وبعد فتره حوالي 10 دقايق رفع لنا العشبه مع عروقها كان لونها اخضر يانع وريحتها طيبه اوراقها رفيعه
وقال ابومرزوق : هاذ اول مره اشوف هالعشبه هاذ ما هي من اعشاب ديرتنا
سألنا عن الطبيب احمد : ابلغونا اهله انه مسافر لدوره تدريبيه مدتها شهر في تركيا
ابومرزوق اخذ العشبه وخلاها على سلسله حجريه جنب بيته وحط فوقها حجر خلال 10 ايام العشبه صارت جافه
فقام احرقها قل لا يجي الطبيب يشوفها او ياخذ منها عينات لفحصها
تسائـلنا : ويش جاب هالعشبه على ديرتنا ؟
ما عرفنا جواب رغم انه الرجال قال الشياه كانت تشم العشبه هاذ ما تاكلها وتبعد عنها
ابو مرزوق قال للرجال : يا ابن اخي شفت الشياه ما تاكل هالعشبه المفروض انك ما قربت صوبها
رد عليه الرجال : ظنيت انها مثل النعناع والميرميه الحلال ما تاكلها حنا نغليها مع الشاي ونشربها
قلت له : الميرميه والنعناع معروف لنا لكن عشبه غريبه المفروض انك ابتعدت عنها
من ذاك اليوم ما شفت ولا لاحظت مثل هالعشبه في مناطق ديرتي
صوره لعشبة الميرميه في البريه
وهاذ نبتة الميرميه في حديقة بيتي
وسلامتكم يالربع
15 نوفمبر 2015 - 16:514 نوفمبر 2015 - 21:27
 |
رد مع اقتباس
