استفسار بخصوص موقع www.tackledirect.com

[عبدالعزيز نور]

السلام عليكم ورحمة الله وبركاته
انا جديد في عالم الصيد وبشتري ادوات صيد كاستينج من موقع www.tackledirect.com
بس في اشياء حبيت اعرفها قبل اطلب
اول شي فيه قصبات casting وقصبات spinning

ايش الفرق بينهم وايش الافضل للصيد من الشاطئ

نصيحتكم لماكينة تكون كويسة لبتدئ مهي غالية مره
واي نصائح تعطوني هيا اكون شاكرلكم .

[الصيادالمليح]

إذا كنت جديد فانصحك باستخدام أدوات صيد رخيصة و لكن عملية في نفس الوقت و ذات جودة ليست سيئة فهناك أنواع جيدة مثل وايت رابيت قصبة صيد و مكينة مجهزة فعن نفسي فأنا أصيد من عام 1981 ولم استخدم عدة صيد قيمتها أكثر من 300 ريال ولا تزال عدة الصيد موجودة معي منذ ذلك الوقت .. فالعبرة ليست بالمعدات و لكن بالخبرة و طريقة التعامل مع الاسماك و معرفة مواسمها و طرق صيدها المختلفة و أماكن تواجدها .. عليك صقل مواهبك بالاحتكاك مع اصحاب الخبرة و تعلم طرق صيدهم و ابتكار طرقك الخاصة

بالنسبة لسؤالك عن اختلاف القصبات فهي تعتمد على طريقة الصيد و السمك المراد صيدها و الطعم المستخدم في الطريقتين .. و الأفضل لصيد الشاطيء هي القصبة التلسكوبية و يعتمد اختيارك لها على امكانيتك في التحكم بها و رمي الطعم لمسافات بعيدة لتجنب منطقة الصخور فلا تكون ثقيلة عليك و تكون المكينة مناسبة لطول القصبة

ما ذكرت لنا مكان تواجدك حتى يتسنى للجميع توجيهك بشكل افضل

[عبدالعزيز نور]

اغلب صيدي من الشعيبة
اخذت قصبة تسونامي كاستينج
وماكينة شيمانو

[الصيادالمليح]

اغلب صيدي في الشعيبة ليلي بالمشكة (الرمح الثلاثي) ما بين سيجان و أبو مقص و أخطبوط .. وفيه مكان بعد قرية القطان بـ 7 كيلو متر تقريباً و أنت متجه جنوب الصيد على الشاطيء تطلع فيه شعور بحجم الكف ويكون البحر مرتفع (مد)

[أبوحافظ]

السلام عليكم ورحمة الله وبركاته
انا جديد في عالم الصيد وبشتري ادوات صيد كاستينج من موقع www.tackledirect.com
بس في اشياء حبيت اعرفها قبل اطلب
اول شي فيه قصبات casting وقصبات spinning

ايش الفرق بينهم وايش الافضل للصيد من الشاطئ

نصيحتكم لماكينة تكون كويسة لبتدئ مهي غالية مره
واي نصائح تعطوني هيا اكون شاكرلكم .

قصبه spinning rod خاصه بالمكاين الدواره زي كذا

https://images-na.ssl-images-amazon....5L._SX425_.jpg

قصبه casting حاصه بمكاين الأوفر هيد زي كذا

https://m.aliexpress.com/item/329091...-Reel-Left-And


هذا التصتيف في حال انك تشتري قصبه من المواقع الاجنبيه فتختار القصبه بحسب نوع المكينه اللي عندك

لكن نجي للاهم وانسى اللي فوق :

انت تبغى قصبه للصيد بطريقة الكاستنق للشاطيء

لا تشتري قصبه من النت و مكتوب انها casting لانك لازم تشتري مكينه اوفر هيد و التعامل معاها صعب

انما خذ مكينه spinning و فصبه spinning مواصفاتها كما يلي


بالنسبه للقصبه اختر قصبه تشيل من 10 الى 30 غرام
او من 15 الى 50 بهذي الحدود
وطولها مترين ونص الى ثلاثه متر مناسب
ولازم تنتبه انها قصبه spinning
الحلقات يفضل ان تكون fuji
عن طريق النت تحصل انواع كثيره ورخيصه ...

اما المكينه لازم صغيره المقاس 3000 الى 5000 حجم مناسب و تكون خفيفه وسرعه اللف 6:1
عندك الشيمانو والدايو متوسطه السعر و تفي بالغرض
وارشح لك شيمانو نسكي او سهارا سعرها معقول و جوده
النسكي بحدود 320 ريال من النت وخذها من علي اكسبيرس افضل

اختيار الخيط لازم يكون خيط حرير المقاس من 0.20 الى 0.25 mm
واهم نقطه يكون 8 ظفاير
عندك خيط power pro silk 8
و خيط tufline domin8


تحتاج تطريفه فلوروكربون مقاس 0.50 mm

تحتاج سناب مدور

الطعم الصناعي انواع بحسب المنطقه اللي تصيد فيها
تحتاج تشتري ثلاقه انواع من الطعوم
sinking تلقى علامه s يعني لما ترميه يغوص لتحت ومع السحب يرتفع
floating و تلقى حرف f يعني يطفو و لما تسحب ينزل معك
و suspending نلقى علامه sp يعني لما ترمي يغوص ويكون معلق بين السطح و القاع

وغالبا يحدد العمق اللي تسبح فيه عند السحب بالامتار على المنتج

يفضل انك تاخذ من كل نوع حبه

والمقاسات 9 سم او 8 سم مناسب للشاطيء و اوزانها تكون بالغالب 14 غرام الى 20 غرام
الالوان يفضل تنوع بالالوان
مثلا اللون الازرق اللامع .. الاحمر والابيض .. الابيض والبرتقالي والاصفر

ويفضل سؤال المختصين عن الالوان المفضله لمنطقه صيدك

بالنسبه لشركات الطعوم اشوف الطلب على شركه dou و يازوري
اسعارها من 40 وانت طالع وتوجد انواع رخيصه لكنها ماتخدم

اهم مافيه العده انك تختار افضل انواع الشركات المصنعه للطعوم وهذي بعض الصور للطعوم المناسبه للبحر الاحمر












عموما في المجمل العده المتوسطه تكلفك كامله من 600 ريال وانت طالع


لو اتجهت لمحلات المتخصصه بالكاست و اخذت فكره عن الاسعار يكون افضل

وبعضهم عندهم عروض طيبه



وفيه مقاطع باليوتيوب شرحها سهل لطريقة الكاست
مثل المحيربي و غيره
وعلى كل حال الكاست سهل التعلم