15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 5 من 5

الموضوع: سالفتي مع البعير

  1. #1
    تاريخ التسجيل
    Apr 2017
    المشاركات
    909

    سالفتي مع البعير

    السلام عليكم ورحمة الله وبركاته
    صبحكم الله بالخير الجميع

    ابان خدمتي العسكريه في احد فصول الربيع واذكر اني كنت ضابط صف برتبة وكيل (شرطه على الكتف ) طلعت دوريه اعتياديه حين رجعت على بعد حوالي 3 كيلومتر من المعسكر هناك منطقه منخفضه لقيت
    بعير ابيض اللون
    عليه رحل وخرج البعير واقف يناظر حوله
    السايق اوقف سيارة الجيب وطفا موتورها ناظرنا حولنا وانصتنا كان الهدوء نزلنا من السياره ناظرت الارض ما في اثار خطوات او اثار ارجول تقدمت من البعير لقيت حبل خطام البعير
    عالق بين حجرين اجريت اتصال مع قائد المعسكر وابلغته عن البعير فطلب مني اسحب البعير للمعسكر سحبت البعير خلفنا بركاده للمعسكر لين وصلنا ودخلنا المعسكر
    تجمع ضباط المعسكر وضباط الصف
    قلي القائد :
    وكيل حمود نوخ البعير على الارض
    قلت : امرك سيدي
    نوخت البعير وفتشت الخرج لقيت كيس فيه خبز وطماطم وخيار متعفن وعلبه فيها لبنه يغطيها طبقه من زيت الزيتون فتشت الطرف الثاني من الخرخ لقيت مسدس نوع كولت امريكي وعلبه فيها
    9 طلقات سلمتها للقائد
    قلت للقائد : سيدي وكاد هالبعير انحاش من راعيه لسبب الله اعلم ويش هالسبب
    القائد سلمني موضوع البعير اخذته لمكان فيه ظل اشجار وجبت طشت كبير وصبيت مويه للبعير شرب لين ارتوى واحضرنا كميه كبيره من الاعشاب وحطيناها قدام البعير نوخت البعير
    وعقلته قائد المعسكر سوا محضر عن البعير ووقعنا عليه
    لاحظت هالبعير يظل يناظر حوله مسا ذاك اليوم عند الغروب رحت تفقدت البعير وجا علي قائد المعسكر
    سألني :
    هالبعير يناظر حوله باستمرار ؟
    جاوبته : صحيح سيدي وكاد انه يفتقد راعيه
    القائد هز راسه انه موافق على كلامي ظليت فتره عند البعير ثم توجهت لمهجعي لين طلع النهار رحت للبعير اسقيته وحطيت له كميه من الاعشاب قدامه وتوجهت لسريتي وقفت قدامها
    ووقف جنبي ضباط الصف كنت اعطي بعض التعليمات سمعنا صوت جلبه وضجيج وصياح ناظرت خلفي اذا البعير فالت من عقاله ويطارد في المعسكر والعساكر تنحاش من قدامه
    قلت لجنود سريتي : طوقو المنطقه هنا خلنا نحصر البعير تحت ذيك المظله
    البعير متوجه صوبنا تقدمت عليه مدرعه ووقفت قدامه انحاش البعير تحت المظله سوينا طوق كبير قدام البعير تقدمت صوب البعير بركاده ومديت يدي ودي امسك حبل خطامه
    قلي جندي :
    حاذر يا حمود من البعير
    وتقدمت منه ومديت يدي اليمين وامسكت
    حبل خطامه نقلت الحبل ليدي اليسرى وبيدي اليمين صرت امسح على رقبته بركاده
    قلت للبعير : خخخخخخخخخخ خخخخخخخخخخخ لين برك على الارض
    ناظرت خلفي اذا قائد المعسكر والضباط قادمين صوبنا حين وصلونا
    سألنا القائد :
    من اللي اطلق البعير ؟
    قال جندي اسمه خليل :
    سيدي انا اطلقت البعير كان البعير يتوجع من الحبل المربوط على رجله فكيته ما ظنيت انه ينطلق ويسبب هالاشكال
    قلت له : يا خليل يا خليل انت ما لك خبره بالبل والبعارين ربطت البعير لاجل ما يسوي هالسواه
    قائد المعسكر قلي :
    خذ البعير واربطه مكانه وتحرص عليه
    اخذت البعير وربطته مكانه وحذرت اي جندي يقترب منه بعد ما خلصنا التدريب رحت للبعير فكيت عقلته وسحبته معي تمشيت فيه مده ورجعته مكانه اسقيته وجبت له اعشاب حطيتها قدامه
    ورحت لمهجعي حين طلع النهار رحت للبعير تفقدته وحطيت له مويه شرب منها شي بسيط جبت كميه كبيره من الاعشاب وحطيتها قدامه وتفقدت العقله وتوجهت لسريتي لاجل نطلع للتدريب
    ما ان وصلت واذا نفس موال امس البعير يطارد في المعسكر خلال المطارده كان جندي على ظهر سيارة نوع هامر حط الرشاش وهو يجهزه ما كان في مجال الجندي ينزل من على ظهر الهامر لانه خلفه جدار والبعير
    على طرف سيارة الهامر اذا نزل يجي قدام البعير البعير يضرب الهامر واصبع الجندي على الزناد
    انطلقت عدة طلقات البعير صابته حاله من الفزع بسبب صوت الرصاص طوقنا المنطقه وحصرنا البعير بعض الجنود احضرو حبال وسووها على شكل انشوطات لاجل يلوحون فيها قدام البعير
    لاجل يمنعوه انه ينطلق في المعسكر وتقدمت منه بركاده وامسكت حبل خطام البعير ونوخته
    قلت : من اللي اطلق البعير ؟
    قال خليل :
    والله مو انا ولا قربته .
    حضر قائد المعسكر والضباط ونفس امس سحبت البعير وربطته ناظرت العقله حين امسكتها كانت رطبه استغربت
    قلت لقائد المعسكر : سيدي العقله رطبه شف
    القائد امسك العقله وناظر الضباط وقال :
    معقوله يالربع انه البعير فك العقله ؟
    قال ضابط :
    سيدي عندنا في العشيره بعير يفك عقلته لكن هالشي قليل انه يصير
    قمت جبت عقله جديده وعقلت البعير وقلت له : ويش ودك كل شي وفرناه لك مويه وزاد وظلال خلك مكانك لا تجهدنا يومين وانت تسوي الافاعيل خلك ركين
    توجهت لسريتي ورحنا للتدريب ورجعنا رحت للبعير كان جالس ويرغي بصوت خافت ويناظر قدامه على مد النظر تشوف السهل الاخضر ومن خلفه الجبال يرجع يناظرني بعيون حزينه
    جلست عنده فتره وحضر عندي اعز اصدقائي خلف , نزار , مثنى , حميدي
    صديق طفولتي زوج اختي بالرضاعه
    جلسنا فتره عند البعير ثم توجه كل منا لمهجعه مضى على وجود هالبعير في المعسكر 5 ايام صباح اليوم السادس كنت طالع دوريه اعتياديه في طريقي وحنا راجعين مرينا عن شايب أشر لنا
    بيده توقفنا
    قلي الشايب :
    يا ولدي في مجال توصلني قدام حوالي 8 كليومتر
    قلت له : توكل على الله اطلع معنا
    مشينا مسافه قدرتها حوالي 4 كيلومتر
    قال الشايب :
    يا الربع ما لاح لكم بعير ابيض خلال هالفتره الماضيه مدري ليش تركني ربطته في مكان غبت عنه حوالي 15 دقيقه رجعت ما لقيته وكاد شي افزعه وخاف منه ونحاش
    حيث اني حين رجعت مكان ما ربطته ناظرت الارض كانت اثار البعير ومافي اي اثار ثانيه

    قلت له : بعيرك عندنا في الحفظ والصون
    قلي الشايب :
    يا ولدي الله يرضى عليك وديني له صرلي 5 ايام ادوره
    اتصلت على قائد المعسكر قلي زين جيب الرجال الشايب وتعال وصلنا المعسكر واخذت الرجال الشايب على غرفة قائد المعسكر دخلنا غرفة القائد تهيأت واديت التحيه العسكريه
    قلت : سيدي القائد هاذ الرجال راعي البعير
    وقف القائد ورد التحيه العسكريه وطلب من الرجال الشايب يجلس تحدث القائد مع الرجال الشايب حين طلع القائد من الغرفه ومعاه الشايب
    قلي القائد :
    وكيل حمود جيب البعير
    قلت : امرك سيدي
    رحت جبت البعير وعليه الرحل والخرج حين كنت اسحب البعير توقف وصار يناظر حوله وصار يرغي كنت بعيد عن غرفة القائد حوالي 20 متر واندفع البعير صوب غرفة القائد بسرعه
    لين وصل باب غرفة القائد صار البعير يتشمم راعيه
    الشايب قال للبعير :
    وين رحت يا عمران وتركتني هاذ اول مره تساويها تعبت وانا ادورك ما استغني عنك ربيتك وانت قعود صغير
    القائد سأل الشايب : مسدسك مرخص ؟
    قال الشايب :
    مسدسي مرخص لكن رخصته في مركز الشرطه لانه قبل فتره حوالي 10 ايام اطلقت عدة رصاصات في الليل على شخص وجرحه تبين انه هالشخص سارق
    اتصلنا على مركز الشرطه وتبين صدق الرجال الشايب سوينا محضر استلام الشايب لبعيره بحاله وصحه جيده والشايب حط بصمته على المحضر لانه لا يقرا ولا يكتب
    وقلنا له : توجه لمركز الشرطه لاجل تستلم رخصة مسدسك وتحرص على بعيرك
    بعد هالحادثه بحوالي اسبوع توجهت للديره برفقة
    زوج اختي بالرضاعه ( بنت خالتي ) في اجازه مدتها 9 ايام مسا اول يوم في اجازتي جلست مع خالي وزوجته وخالاتي وشايبتي
    رحمها الله واموات المسلمين سولفت لهم سالفة البعير
    خالي قال :
    بعير عمي ابو علي كان يفك عقلته
    خالتي قالت : كنا وحنا صغيرات حين نسمع رغا البعير ندخل الغرفه ونغلق الباب بالمفتاح ونناظره من الشباك كنا نخاف منه
    الوحيد اللي ربى بعير في ديرتنا العم ابو علي والد زوجة خالي ابو حاتم وعم اخوالي وخالاتي وشايبتي شقيق جدي والد امي رحمهم الله واموات المسلمين
    قالت لي خالتي ام حاتم : يمه شايبي رحمه الله واموات المسلمين جاب البعير وهو قعود صغير ورباه اسماه سريع كبر البعير عندنا كان ينقل عليه حطب وقمح وشعير ومويه
    مات البعير وكان بكبر السن واظن كان عمره حوالي 28 سنه كان هرم حزن عليه شايبي لانه كان رفيقه رباه وهو صغير كان دوم قبل لا ينام يروح يتفقد سريع
    توفي العم ابو علي بعد وفاة جدي ( شقيقه ) بسنه وكان بلغ من العمر 91 سنه وكان يتمتع بصحه جيده
    وسلامتكم يالربع

    صورة رتبة وكيل في الجيش الاردني

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Dec 2010
    الدولة
    منتديات مكشات &الموروث الشعبي&الكمبيوتر والبرامج
    المشاركات
    12,077

    رد: سالفتي مع البعير

    وعليكم السلام ورحمة الله وبركاته
    اذا احسنت الرعايه اكتسبت رفقةً طيبه
    سالفه جميله
    جزيل الشكر
    تحياتي وتقديري واحترامي


  3. #3
    تاريخ التسجيل
    Apr 2017
    المشاركات
    909

    رد: سالفتي مع البعير

    وعليكم السلام ورحمة الله وبركاته
    اختي قوافي المكرمه
    كلماتك الراقيه زادت موضوعي جمالا ورونقا
    حفظك الله ورعاك

  4. #4
    تاريخ التسجيل
    Oct 2002
    الدولة
    نجد
    المشاركات
    20,292

  5. #5
    تاريخ التسجيل
    Apr 2017
    المشاركات
    909

    رد: سالفتي مع البعير

    مسيك بالخير
    اخوي ناصح الغالي
    جمل الله ايامك بالمحبه والخير والصحه والعافيه
    لا شكر على واجب وانا اخوك
    زينت متصفحي بمروركم الكريم وردكم الجميل من وصايفكم
    حفظك الرحمن ورعاك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •