البنت... تفرق .........عن بقيه خواته
بين الجموع اللي لهن وصف معروف
في حي توجد.... ماجهلنا.... سواته
بالموقع.... اللي ياهل العرف مشيوف
اسمن لها بين... العذارى.... صفاته
واسمن لها بين... الرجاجيل موصوف
(يمكن شاعر)
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
صح لسانك يابو مريم
محاوله مستعجله
المراره
في كل الحيوانات ماعدا الجمل
مراره يسمى به الرجل
ومراره واحدة العلقم
ابو ماجــــد - عنــــــيزة
ماعليش يابو مريم
اللغز إذا كان مكتوب قد تلتبس بعض الكلمات
فلازم نحوبط
في حي توجد.... ماجهلنا.... سواته
مدري هي سواتَه أو سواتِه يعني سواتيها هي أو سوات الحي
البيت الاخير فهمت انه ممكن يوصف بها رجال أو حرمه
كقولنا. عجوز. زوج. جنازه. ميت. الخ
خخخخخخخخخخخخ اكيد لابد منها
الحقيقه ي غالي اللغز طرحته قبل رمضان في احد القروبات الواتساب وماحد توصل الى حله
وطرحته اهني قلت يمكن تحله مع العلم انه بسيط لكن دايم اللي يعرف الرمعه يشوف انه الحل بسيط
وكل شطر باللغز بنيته ع الرمعه
نرجع للغز
في حي توجد ماجهلنا سواته
المقصد سوات الحي نفسه وفعله معروف وله عشاق اكثار والبنت هاذي ماتوجود الا فيه وتفرق عن كل الجمع اللي بالحي
البيت الاخير فعلا للرجال والحرمه والمقصد
انه النساء كثير تتسمى بالاسم هذا
والرجال يطلق عليها الاسم هذا كذالك لكن الرجال هنا تشبيه والمقصد منها الجبال
ماقصرت
رمعه ولو انه مالي بالقنص والصقور
النايفه
ريشه بالصقر
والنايفه الشاهق من الجبال
والنايفهتسمى فيه. الحرمه
صح لسانك وفكرك يابوماجد وكفووووو مليون
نعم
النايفه
تفرق عن خواتها وبين الجموع
النايفه اطول ريشه بالصقر وخواتها الريش الاخرى
الا انه النايفه اطولهن وهي رقمها الثانيه لان الصقر له اثنين وعشرين ريشه بالجناح الواحد
في حي الصقر في موقع مشيوف بالجناح نلقها
اسمن لها بين العذارى = كثير من البنات تحمل اسم النايفه
واسمن بين الرجاجيل موصوف =الجبال مقصدي بالرجاجيل ودايم نقول الجبال النايفه المرتفعه يعني
الحقيقه ي غالي طول اللغز وقلت شكلي مو واصفه الوصف المطلوب او مخفيه خخخخخخخخ
صح بدنك يابوماجد لاهنت ي غالي
الذين يشاهدون الموضوع الآن: 1 (0 من الأعضاء و 1 زائر)