وش تعني لك مراويح الصيف بما أنها على الأبواب ,,, شارك برأيك

[@..ابن الدلم..@]

ماشاء الله الاعضاء كفواااااااا

[>>بارق الرمله<<]

والله مادري لصغر سني لكن نستفيد من اصحاب الخبره

[@..ابن الدلم..@]

بارك الله فيك موضوع رائع
وقيم
ولي عودة

[الظل الوريف]

بارك الله فيك موضوع رائع

[ابو تركي.]

اها طلع سرايات تصدقوون بعد مادخلت مكشات عرفتها ..
كان اخوي يقولي السماء صافيه يعني اليوم مافي مطر
اقوله استناها باذن الله بعد الظهر ويجلس يستناها
ويقول اي والله جات سحابه
وبعد العصر ماشاء الله الخير جااا
وترووح السحابه
ويجي بعده سماء صافيه ونفس الموال
بعد الظهر بقدرة قادر تجي سحابه
وتمطر امطاار غزيره
بختصاار : المراويح تجي بعد الظهرر علي هيئة سحب مزوون ضخمه
فيها من الخير مايعلمه الا الله
وهذا يا اخوان يدل علي قدرة الله
تكون السماء صافيه والناس تقول ما يبي يجي مطر اليوم وبقدرة قادر
ينشا السحاب الثقال وينزل مطر العالم كلها تتكلم عنه
لا اله الا انت سبحانك انا كنا من الظالمين
وختاما اقول لا تيأسو من رحمة الله ولا تقنطوو
والسلام خير الختام

[ابومحمدحديثي]

الله يجزاك خير اخوي ابوزيد على هالموضوع اللي رجعنا للزمان الاول بالقصيم وحنا نسميه امطار الصيف وفي الحقيقه هالفتره من اجمل ايام السنه اعتدال الجو والكشتات ولا وتوافق القميري ياالله من فضلك ولا ينافسه الا ايام الوسم ويمكن يغلبه الوسم بقل العجاج وفي الحقيقه عندي مذكرات فيه وصف لعدة سحب جتنا بها الوقت لا يتسع المقام لذكرها ولا بالذاكره مازالت امطار مايو 1982 وخصوصا اني وقتها في رابع الابتدائي وبيت طين وخوف من الصواعق والبرق يعمي العيون مافيه انوار بالشارع والبيت انتلت حوشته واعتقد ان ذيك الفتره هي بداية تعلقي بحب المطر وشكرا

[المفكر الناجح]

.
.
.

جزاكم الله خير جميعاً

الموضوع قديم لكنه مفيد ومتجدد

لكن سؤالي بحثت عنه من خلال الردود فلم أجده

فمن يستطيع أن يجيبني

سؤالي بالنسبة للمراويح هل هي مسمى شعبي ( يعني من أهل الديار ) أو علمي ؟

وإذا كان شعبي فهل له مسمى علمي متعارف عليه عند مواقع الطقس العالمية ؟

.
.
.

[راشد سعد]

السلام عليكم ورحمة الله وبركاته

حيالله أخوي أبوزيد

ودي أروي لكم كم قصه مريت فيها بنفسي

من سنين وأنا أشوف هالغيم اللي يجي
نهاية الشتاء ويخلي البيوت تسبح عندنا بالأخص فالأحساء

ويجي بصراحه أنا كنت موجود قبل أذان المغرب
بالضبط في حدود 20 دقيقة

فتتحول السماء إلى اللون البني
وتأتي السحب بشكل عنيف جدآ

ببروقها ورعودها التي تهز الأرض

وفي مره واحده فقط
وهي قبل سنتين أو ثلاث

جاءت فيها المراويح متأخره في حدود المغرب

ونذهب لصلاة المغرب والأمطار على أشدها
وما أن ننتهي من الصلاة الى وقد كانت

الأرض سيول تمشي في كل الأتجاهات

وأنا لا يواجهني المطر غالبآ الا في وقت المراويح
أتكلم عن نفسي أنا لا أرى المطر كثيرآ

والله يرزقني شوفته في موسم المراويح
في هالسنة وكل سنة

أما قصتي مع المطر نفسه فحزينه جدآ
لأني نادرآ ما أراه وأنا من سكان الشرقية

الأحساء - الدمام - الجبيل

وهذا مقطع قصير صورته بعدستي
في الأحساء من قريتي - الكلابية -

شاكر لك أخوي أبوزيد هذا الطرح الطيب

أخوك
راشد بن سعد

[روس المزون]

السلام عليكم

سحب المراويح من اخطر السحب لانها غالبا ماتكون محمله بالبرد

ويكثر الكسير على منطقة نجد في المراويح


سحب المراويح اغرقت الرياض مرتين متتاليتين

وكلها سحب كاسره والكسير السحب اللي تجي من شمال غرب تكسر جنوب شرق بعد ماكان ممشاها شمال شرق



مقطع لسحابه اللي اغرقت النظيم من تصويري

موقع التصوير:شمال مطار الملك خالد

وجهة التصوير:شمال غرب وغرب وشمال

ممشى السحابه:من شمال غرب لجنوب شرق

موقع نشوء السحابه:سدير والديار اللي هناك ماتابعتها زين

يوم:الاربعاء 21\5

الرابط


وهذي لحظة سقوط البرد


ركبت الزفلت قبل توصلني السحابه لان الجو كان مشعلل مايوقف البرق (والخوف نقز بقلوبنا واحد واحد)


ملاحظه،،
قبيل المغرب اشوف قطع سحب تمشي غرب وجنوبنا قطع تمشي شمال غرب وكلها متجهه لمكان واحد وسبحان الله كانت متجهه للسحابه

الله يعيد هالايام ويفكنا شر الغرق والمصايب

انتظر هالمراويح بفارغ الصبر

[abomohnad]

موضوع رائع بكل معنى الكلمة