اخي aaloveaa ما ادري ليش ما ضبطت معاك الطريقة يمكن انك ما تعطي السويتش مهلة عند الانتقال من وضع OFF الى ON
المهم انك غيرت ال TPS وال MAP وهذي اهم المسببات وليست جميعها يلزمك فحص:
- حساس الاكسجين الاول اللي في بداية ماصورة العادم وقبل الدبة الاولى لانه لو كان يعطي قراءة خاطئة لكمبيوتر السيارة راح يخربط عملية الاحتراق

- البخاخات يمكن يكون عندك بخاخ عطلان او فيش البخاخ مرتخي

- انت غيرت البواجي واسلاكها بس هل تأكدت ان الاسلاك توصل الكهرباء الى البواجي يمكن يكون في واحد ما يعطي شرارة وبالتالي يكون العادم مخلوط ببنزين غير محترق (تأكد من ان الكويل سليم)

نصيحة :ما دام ان لمبة التشيك انجن شغالة يعني في عطل في السيارة ولو قدرنا نكشف عن العطل بطريقة السويتش او بفحص السيارة بجهاز الكشف عن الاعطال عند اي ورشة جيدة بيكون اوفر لك من تغيير ال TPS وال MAP وسعر ال MAP وكالة اعتقد اكثر من 400 ريال ولو تفحص السيارة بجهاز الكشف عن الاعطال ب 100 ريال اشوف انه افضل لأن مشكلة سيارتك كهربائية على الارجح وتحديد مكان العطل بيريح بالك ويوفر لك عناء البحث عن المشكلة.

اتمنى لك التوفيق