تعلم كيفية تحديد العطل في سيارتك الشيروكي قبل الذهاب الى الورشة..!

[ابو-الوليد]

اخي الزينون اشكرك على ردك الطيب وعما قريب سوف اضع معاني الاكواد باذن الله

اخواني alrdadi و الوشاح اشكركم جزيل الشكر على ردودكم واسف على التأخير
وبخصوص مشكلتكم
مادام ان العملية تمت والكمبيوتر بدأ يتحسس جميع الحساسات هذا يعني انك الى الان طريقتك صحيحة
وللتوضيح اكثر:
جرب تضع المفتاح في السويتش واضغط على العصا اللي بتسوي ريسيت يعني اللي تمسح عداد الرحلة وحرك المفتاح الى وضعية on واصبعك مازال ضاغط على العصا ثم ارفع اصبعك عن العصا وسوف يقوم العداد غالباً باظهار
111111 الى 999999 وبعدها سيظهر الرقم التسلسلي للسيارة (Car Serial) وسيظهر بعدها الكود اللي يبدأ بالحرف P
جرب الطريقة اكثر من مرة وحاول تطبقها في بداية استخدامك للسيارة يعني قبل مشوارك ان امكن
الطريقة مجربة على معظم موديلات الشروكي

ان شاء الله هذي المرة بتنجح معاكم...اتمنالكم التوفيق

[}{التميمي}{]

انا طلع لي 12
14
15
35
55

[رقبة حاشي]

موضوع رائع ياليت يتثبت كمرجع لاصحاب الشيروكي

[T U R K I 0 9 0]

بيض الله وجهك والله انك ماقصرت يالذيب

[راع العوجاء]

طلب يا أخ luminass_2002

مافيه نفس الحركة للجموس SUBURBAN


مشكور

[ابو-الوليد]

انا طلع لي 12
14
15
35
55

اخي التميمي هذي معني الاكواد اللي طلعت لك:
12 : معناه ان اصبع البطارية انفصل قبل عملية الاختبار خلال الخمسين مرة اللتي شغلت فيها السيارة وهذا ما فيه مشكلة.
14: مشكلة في حساس الضغط
15: مشكلة في حساس السرعة
35: مشكلة في منظم الهواء
55 : انتهاء عملية الكشف عن الاعطال

بالتوفيق

[ابو-الوليد]

رقبة حاشي
شكراً لمرورك واتمنى يستفيد اصحاب الشروكي منها

Turk090i
شكراً لمرورك وعلى ردك الطيب

قلعة الامجاد
والله ما عندي اي فكرة عن الجموس لكن بشوف ان لقيت الطريقة ابشر وتستاهل

[alrdadi]

اخوي ss سويت الطريقة لكن مامشت تتوقع في طريقة ثانية

[ابو-الوليد]

اخي alrdadi في طريقة ثانية وتستخدم في السيارات الي يكون فيها الكمبيوتر من النوع القديم ما ادرى تنفع معاك والا لا...المهم الطريقة كالتالي:
بعد تطبيق الطريقة اللي ذكرتها في اول المشاركة وهي
1- اخرج المفتاح من السويتش وادخله مرة اخري.
2- انتقل الى وضعية ON ثم OFF ثم ON ثم OFF ثم ON واتركه في وضعية ON ( يعني العملية تتكرر 3 مرات).

لاحظ لمبة التشك انجن هل تغمز والا لا
اذا كانت تغمز يعني تطفي وتشتغل احسب كم مرة تغمز ثم توقف ثواني ثم ترجع تغمز مرة ثانية
مثلاً
غمزت مرة(1) ووقف التغميز لفترة اطول ثم رجعت وغمزت مرتين(2)
يصير الكود 12

بالتوفيق

[ideal_just]

اخوي luminass_2002 الله يعطيك العافية على الموضوع ..


انا جربت الطريقة مع شروكي مثل حقك بالضبط لكن ( سبورت ) ، ونفس موديلك ، ومانفعت معاي ، او يمكن ما عرفت لها

يعني هل ماتنجح الا اذا كان لمبة الشيك انجن مشغله ؟

لاني جربت اون اوف اون اوف اون ، وماتغير شي بالشاشة ابد ..


سؤالي الثاني : في صوت طقطقة في الدركسون اذا لفيت يمين او يسار ، ويخف الصوت في الشمس ويزيد في الليل ، هل عندك خلفية عن هذه المشكلة ؟

سؤالي الاخير :في صوت بسيط اذا رقيت المطب او نزلت منه ، تتوقع يكون من المساعد او من الركب ، وهل تحتاج السيارة الى التشحيم بشكل مستمر ؟


وشكرا مقدما ..

[ideal_just]

سويت الحركة بطريقة (( واضغط على العصا اللي بتسوي ريسيت يعني اللي تمسح عداد الرحلة وحرك المفتاح الى وضعية on واصبعك مازال ضاغط على العصا ثم ارفع اصبعك عن العصا )) ، وفعلا عطاني العداد من 111 الى 999 ، بعدين عطاني رقم (( 1.4 )) واحد فاصله اربعه ، بعدين طلع لي عداد السيارة الاصلي وفقط ..

ما ادري وش المشكلة ؟

[ff1fm2fs3]

العملية معقدة

[عزيزو]

السلام عليكم


السوال الحركة الكشف عن العطل من اي موديل ونوع بعد .



.............. تحياتي

[عريدان]

وانا ما عندي من هالسيارات شيء وأقوللك شكرا وشغلك عدل اللله يقويك وأمثالك على نشر المعرفة والوعي عن نصب الورش الأجانب اللي فيها. بعضهم اللهم لا تعاقبنا ما قد ساق حتى دباب في ديرته ويحطونه عندنا موظف استقبال وبلكزس بعد . اللهم لا تعاقبنا يا رحيم.

[ideal_just]

حسب مافهمته ان هالطريقة تستخدم للشروكي - ليبرتي - والجراند شروكي من 97 وطالع ..