موسوعة صعافيق الجغرافيه

[راعي عنيزة]

سلام علاكم

صعافيق منطقه رمليه تكثر فيها اشجار الغضى وفيها نقر كثيره تصلح للتخييم وتقع بين خط الرياض القصيم شرقا وخط عنيزه المذنب غربا وخط ام سدره شمالا

ومن اشهر المواقع بصعافيق

قرية ونفود ام دباب
N 25 59 843
E044 21 962
القريه بيوت طين قديمه متهدهم اكثره وفيها دبابات (انفاق) تحت الارض تمشي من اول القريه الاخره
والنفود مرتفع جدا وما ترقاه الا سيارات صح ويجتمع فيه مهبل القصيم يطاعسون خصوصا بالعيد وايام الجمعه العصر



الحسو الداخلي
قريه قديمه بين نفد كبيره وفيها بيوت طين بحاله سليمه ونخل اثول كثيره المهم القريه شكله رهيب بالحيل
N 25 52 164
E044 20 283


نفود حول الحسو الداخلي
نفود ارفع واصعب من ام دباب وتطاعس فيه مرهمات وسيارات قويه بس
N 25 52 748
E044 20 130

[أبوسليمان]

الله يعطيك العافيه
بس ودي اسألك


أبوسليمان

[راعي عنيزة]

هلا وغلا ابو السلمي

سم تفضل اسئل لا يردك الا لسانك

[راعي كيف]

بارك الله فيك

وياحبيلك مير ياحبيلك

[راعي عنيزة]

هلا وغلا براعي الكيف ومشكور يا خلفهم

[أبوسليمان]

أسف نسيت أكتب السؤال

نفود ام دباب
دايم يتجمعون به ولا اوقات معينه
يعني كل جمعه يكونون موجودين
فهمت قصدي


أبوسليمان

[راعي عنيزة]

هلا ابو سليمان

التطعيس يكون موجود اكثر شي اليوم (ثاني العيد) والايام الي بعده

، وعاد الجمعه يصيرون موجودين بس العدد اقل والا جا مطر كثرو الناس وكثر الهبال

[safouane]

التطعيس يكون موجود اكثر شي اليوم (ثاني العيد) والايام الي بعده

[beddo]

الاخ الفاضل السلام عليكم وبعدهل يعتبر نفود الزغيبية من صعافيق او لا

[beddo]

وين الناس وراك نزلت الموضوع وتغبيت ياراعي عنيزة اظهروبان وعليك الامان

بعدين ترا المقصود في اللغة بالدباب النفود المرتفع وليس كما اشرت يابي

[ابوديحم2]

تنويه بسيط السلام عليكم ام دباب من سنتين تقريباً ماطبه احد وعليه حبوس (عقوم) والتطعيس الان يقولون بام حزم بارك الله فيك