السلام عليكم ورحمة الله وبركاته
الموضوع بدون سكر، يعني بدون لمسات فوتوشوبية، بس بصراحة أحيان كثيرة أشرب الشاهي بدون سكر وأحياناً الكوفي بدون سكر بعد (وقت الأزمات)
، الله يكفينا وإياكم شر السكر، ولا تعديلات من هنا أو من هناك، ماعدا الرسام (ذيبان) مجاني، سهل، أكثر اللي عندهم كمبيوتر بدون انترنت تلقاهم يعرفونه زيــن، وهو تقريباً ثالث برنامج تعلموا عليه بعد لعبة السوليتر وبرنامج الوورد،،،
الزبدة إن الماكرو هذا عجيب والله ، يبين لك تفاصيل مافيه أمل تشوفها بعينك المجردة،،، المهم رحت مرتين للتنهات المرة الأولى بجنب الروضة والمرة الثانية بوسط الروضة، والثانية بصراحة أنواع التبطح عن الورد أصور هذي وأتمقل بهذي حتى راح فيها الثوب...
ما أطول عليكم نشوف الصور، بس للعلم، الصور هذي أصغر من حجمها الطبيعي بعشرات المرات:
تصدقون الحشرة اللي بالصورة ماشفتها إلا في الكمبيوتر
الانطلاقة الصباحية
سبحان من خلق فأبدع
الوردتين السياميتين
وين الدكتور الربيعة
سبحان الله وبحمد سبحان الله العظيم
لا إله إلا الله
بنات العم
أتمنى أشوف التوجيهات بدون مجاملات بخصوص الصور وطريقة التصوير
رعاد...
رد مع اقتباس
