جميع مشاكل الباثفندر والحلول هنا

[شخاط]

السلام عليكم يا شباب

الصراحه موضوع مهم جدا خاصه لاهل الباث

والله يعطي صاحب الموضوع العافيه والمشاركين

انا مشكلتي ان الموتر عندي فيه رجه اذا وصل الميه وصوت الموتر يتغير

قالي مكانيكي رصص العمود او غيره

طمرت للتشليح واطق عمود 2004 بخمسميه ريال

وامس الموتر وانصعقت انه ماتغير شي وارصص الكفرات ونفس الشي

الحقيقه ضاق صدري وشار علي لحيه غانمه شرواكم اني افصل عمود الدبل واجرب

علما ان الموتر موديله 2001وقيره تماتيك وجنوطه حقت 2004ولا نستغني عن شوركم يالربع

وان جد جديد معي ابا اعلمكم ,,,,,, والسلام
اخوكم شخاط

[العـابر]

السلام عليكم
اشكرللاخ اللي طرح الموضوع والاخوان المشاركين هذا الجهد الذي ييسر على الكل عناء البحث لاصلاح المشاكل التي تواجهه او الخسائر المادية بلا فائدة
وهنا اذكر لكم مشكلتي التي وجدت لها حل بعد عناء لعل احد يستفيد منها
وهي اني احسست بوجود رجة في السيارة بعد 80 كلم واكتشفت انه بسبب عامود الدبل حيث انه لابد من تشحيمة كل فترة وكنت اجهل ذلك حتى انتهى الشحم اللي فية وانعدمت المسننات واضطريت لتغيير العامود كاملا وبعدها زالت الرجة فنصيحتي للخوان هي الحرص على تشحيم العامود كل فترة وهو مجهز بمسمار تشحيم
وتقبلوا تحياتي ودعواتي لكم بالصحة والسلامة

[ابوحماد]

طيب الجيب للي معي آنفنتي 2003م أخو الباثفندر وفيه هذي الرجه عند 100 وعند 150كيلو

وهذي السيارة مافيها مشاحم أبد

بس سويت ترصيص على جهاز الكبيوتر عند ميزان المجد والحمد الله الرجه خفت 80 %

[الربذي]

اخوي شخاط جرب ان تركب فرارات او تحضيره اذا ماتعرفها شف الخيمه هذة بها عن المواضيع المميزه تجد شرح عن طريقه عملها
انا معي باث ومركبهن تصدق اني اعرف انهن مشبوكات ولا لا اذا كانن مشبوكات يثقل الموتر ونحس فيه رجه خفيفه جدا لاتلاحظ
لكن انا عندي رجه على 160 و165 كل السياره ترج وايضا يتغير صوت السياره

ترا الفرارات مفيدات يريحن السياره وتكون دفع خلفي بس لانه يفصل العامود لانه مامنه فايده دورانه اذا ماحتجت الدبل واذا بغيت الدبل وانت تنزل الهواء اشبكه معك تكه واحده لكل كفره

[Abo Nader]

السلام عليكم...

أخوي شخاط يمكن جنوطك فيهن بلا و لا بهن عفط...

الشي الثاني الباث ميحتاج تشحيم....كل البناشر يقولون أنه ماله تشحيم...

بعدين المشلكة الي هي الطقه عند السواق في المطب دايم أسمعها بالباث...بالذات المكروفة...

[العـابر]

يا شباب التشحيم لعامود الدبل والله ضروري ولا يلعب عليك راعي البنشر
ترى المسمار حق التشحيم تلقاه على القطعة الامامية من العامود واحيانا لازم تقدم او ترجع شوي لين يفتر العامود وتشوف مسمار التشحيم
وترى ما احد يقولي انا شفت بنفسي !!!!!!!!!!!!!!!!!!!!!!!!

[Abo Nader]

أخوي العابر...

نبي نتعبك ممكن صور..
بعدين أنت من سكان القصيم؟
..

بس أعرف واحد أسمه نفس أسمك..

[العـابر]

والله ابحاول ان شاء الله احط صور قريبا
وبالنسبة لي فمالك لوا انا من سكان الرياض
وتقدر تقول اني من القصيم

[ابوحماد]

العابر أنا عندي آنفنتي ولا فيه مشاحم أخو الباث

نبي صورة لو تكرمة والشي الثاني راعي المشجمة يقول: ود العامود يم مخرطه عشان تسوي لها مشاحم

[شخاط]

السلام عليكم يا احبه

بالنسبه لرجه العمود الامامي

ناس واجد مدحوا لي مخرطه يقالها مخرطه وحيد في الرياض

ابا اروح لها وافيدكم .

اخوي الربذي

بالنسبه للفررات انشا الله اني ابا اركب بس مدري هل فيه فرق بين البرازيليه وحقت السليماني


وسلامي للجميع اهل البثفندرات....


(الاوشرايكم نحط لنادوريه كل اسبوع)

[الربذي]

الغالي شخاط طبعا الافضل ون رار او حول هالاسم لقيت ببريده يقول حق الوكاله اضنه قالي 800 ريال بعد الخصم
طبعا انا مركب برازيلي اضن شاريهن ب400 ريال بس عيبهن مايتحملن واجد من ركبتهن مشيت عليهن حول 80الف كم تمام بس وحده طلعت صوت خوفني (عيييييييييييط ) ويروح ثم بعد فتره جاء وراح وخصوصا اذا وفكيته وشحمته وراح الصوت الى يومك له سنه وشوي جهه وحده الثانيه الحمد لله تمام التمام
ركبهن صدقني تحس بالفرق وخله يملاهن شحم اصلي

[شخاط]

السلام عليكم يالربع

توني جاي من الصناعيه

فكيت عمود الدبل وانقطعت الرجه نهائي

والسبب ان فيه فضاوه بالعمود

وعلى كذا ترى اخونا العابر صاااادق ابن صااادق يوم قال ان عمود الدبل فيه مشاحم

وقد رئيتها بأم عيني ونصحني الفني الي بورشه وحيد بتشحيمه مع كل غيار زيت

علشان ما ينعدم الرمان وقال ان الفررات ضروريه للي يبي يريح العمود ويخفف عزم الموتر

والحقيقه اني حسيت بخف بالموتر عقب فكه العمود....

وعلى فكره ترى شفت راعي انفنتي بالورشه عموده نفس عمود الباث وفيه مشاحم

هذي تجربتي والسلالالالالام ....

اخوكم / شخاط

[Abo Nader]

السلام عليكم...

طيب أخوي يحتاج أفك العمود على شان أشحم...

ولا أوديه البنشري و يشحم...
وتكفون صور...للمشاحم...

[ولدعبدالرحمن]

مشكور على الموضوع الجيد
يأخواني متحه نشوف الصورالاي على عمود الدبل للمشاحم
تكفون بسرعه
ومششكورين

[ابوحماد]

هذي مشكلة اذا ابي اشحم العامود أقوم أفكه ثم أركبة ثاني مره