جميع مشاكل الباثفندر والحلول هنا

[باثفاندر 2005]

شباب العمود فيه مشاحم تلقى فيه مثل المسمار بالعامود من قدام حاول تحرك السياره قدام والا ورا الين تشوفه ..

بالنسبه للي يسأل لازم نفك العامود أقولك لا مر أي محل غيار زيت وقله أبي تشحيم عندهم زي الجهاز خاص للتشحيم يشبكه على المشاحم ويشحمه الشغله ما تكلف شي من ريال الى 10 بالكثير على حسب الكمية أنا قبل كم يوم مشحم ابوبندر ب 3 ريال .. :d

[خ الفياض]

السلام عليكم
عندي باث فندر موديل 2001
صوت الهواء من كل مكان وكمان الباب الخلفي فيه صوت
مع العلم ان السياره نظيفه ولا تسمكرت ابد ولله الجمد
رحت ودي اعير جلد الابواب الجلده للباب الواحد 250 تقريبا ومدري هو منها ولل لا حطيت ربل والاصوات موجوده بس الصوت مايطلع الا بعد الميه
وفيه مشكله ثانيه الا وهي الكفر عندي معلق وفيه رجه اذا طلعت للبر حطيت جلد اظافيه ماكو فايده
وفيه كمان صوت طقه عند الكفر الامامي الجنبين يقول انه ذراع الدفرنس جلده تعبانه رحت للقطع قالوا 170 للواحد ومافيه الابعد شهرين ولا ثلاثه مع العلم اني مغير المقصين كامله
ودي اغير زيت الدفرنس الخلفي وش احسن زيت وهل 140 ممتاز ولا ثقيل
وسلامتكم

[كيف النشاما]

يا أبو حماد صارلي نفس مشكلتك بالضبط الي هي الصوت الي يطلع تحت السواق وكانه حديد بحديد

وهي لو تناظر تحت السياره تلقى مسافه طويله للشكمان بدون شيالات

فيبدى يرتخي مع الوقت ويتركى على الشاصي ( الحديدة الليتربط بين الشاصي الايمن واليسر )

وحله انك تروح لحقين الشكمانات وتقوله يرفعه لك ب 40 أو 20

امل ان اكون افدتك

[شخاط]

السلام عليكم

يالربع انا عندي الموتر طايح وجهه

وش تهقونه منه ؟

هل هو من المسا عدات ؟

اومن اليا يات ؟



افتونا مأجورين ...



اخوكم / شخاط

[Abo Nader]

أخوي شخاط...

طيحة الوجه دائما من الياي...لأن البدي يرتكز على الياي ماهو على المساعد...

الحل يا كعكات ولا تغير الياي...وترا ما قد شفت أردى من مساعدات و يايات الباث...ولا وشلون يصير مريح...

أخوي كيف النشاما...الحديده الي تربط على قولك الشاصي اليمين مع اليسار تسمى كرسي القير...لو تنزل و تشوف بطن السياره تلقى القير بالظبط يرتكي على نصف الكرسي...

[الدهام]

السلام عليكم
سؤالي عن الباثفيندر هو 1-عن أفضل شئ يساعد على أن الموتر ما يطيح من وراء عند التحميل.
2- صوت من الباب الخلفي{الرجاء توضيح الحل}.
3- صوت من قدام تحت يطلع عند المطبات أو الطرق الوعره.

الرجاء توضيح الحلول

[مجنون نيساني]

السلام عليكم
لو سمحتوا ابي ورشة لرش الجنوط تكون حلوة وبالرياض وكم السعر ورقم البوية(خلاص يكفي اسئلة)الموتر موديل 2002 ابي ارش الجنوط مثل 2004 او 2005
وجزاكم الله 100000000000000خير

[خ الفياض]

ياشباب ردو على اسئلتي تكغووووووووووووون

[مجنون نيساني]

السلام عليكم
وراكم بديتوا ماتردون؟
ردوا علينا الله يجزاكم خير

[مجنون نيساني]

السلام عليكم
وراكم بديتوا ماتردون؟
ردوا علينا الله يجزاكم خير

[abu rana]

والله الموضوع قيم جداً وأتمنى من الأخوة المشرفين تثبيته لتعم الفائدة.فتبادل الخبرات يوفر على الواحد منا الوقت والجهد والمال بعد وهو الأهم.

أنا صارت عندي مشكلة مع المكيف وهي أن موزع المكيف(اللي يوزع الهواء داخل على الرجلين أو على القزاز أو على الوجه)

يعني زر ( Mode).ثبت على وضعية واحدة مهما ضغطت مايتغير ومن ردى الحظ ثبت على وضع الرجلين بس.

وتبهذلت الله لايوريكم إذا شغلت المكيف صارت رجليني تثلج من البرد و وجهي يصب عرق.

وأقعد أكمخ لك المكيف والطبلون من القهر وأقول يمكن يزين.

قلت مابدهاش باءا....لازم أروح للكهربائي. وأول ماقلت للكهربائي عن المشكلة قال لا أنت لازم تروح للوكالة هذا

اليكتروني ولاتخلي أحد يلعب فيه أحسن لك، أنا بصراحة إذا سمعت طاري الوكالة على طول أحس بالقهر والغبن والضيم.

وتدرون ليه....حرامييييية،بس دخول السيارة ب 200 ريال هذا غير المرمطة بالمواعيد والتأخير و... و... و....

قلت لازم أحاول القى وين الخلل بالضبط.

الحل يأخوان طلع أسهل مماتتخيلون.

كل ماعليك هو أن تنزل راسك وتحط خشتك عند دواسة البنزين ثم تلفت لليمن تلقى مجموعة أسلاك كبيرة تحاول تبعدهن شوي

وبعدين تلقى المتسبب بالمشكلة وهو عبارة عن عمود يتحرك في مجرى طبعاً يحركه دينمو صغير داخلي ماتشوفة حركة هالعمود

هي اللي تتحكم بتوزيع الهواء.لو حركته حركة بسيطة بيدك تلقاة يتجاوب معك أثناء الضغط على الزر Mode

والسبب في هذا الخلل وأعتقد أنه متكرر في الباث لان صديق لي صارت معه المشكلة من فترة بسيطة مع أن موديله 2005

هو أن هذا المجرى يحتاج تنظيف وشوية شحم برأس الأصبع وتنتهي المشكلة .

طبعاً أنا ماأعمم يمكن تكون فيه أسباب مختلفة لمثل هذا الخلل ،لاكن أنت قبل تدوخ ادور لك مصلح تأكد أن هالسبب غير موجود.

ودمتم سالمين....وتشكراتي لكاتب الموضوع وياليت توضح لي أخوي بالتفصيل شلون أتخلص من صوت الباب الخلفي.

[باثفندر]

السلام على الجميع واعذرونا لتاخر الرد للانشغال هذه الايام .

اخوي الفياض

بالنسبة لصوت الهواء له عدة اسباب : - احتمال تنسيم انك قد غيرت قزازة ولا ظبطوها لك .

- احتمال يبيلك وزنية ابواب .

- والاحتمال الاكبر الربلات اللي على البيبان ( شيكها وغير المتقطعة والمنفكة فقط )


- وبالنسبة للصوت في الباب الخلفي أأكدلك انه ما يبيله غير انك تفتح الباب اللي ورا وتشوف الحديدة اللي في النص تحت اللي يمسك

عليها القفل على شكل حرف v مقلوب وتطقها بمطرقة بشويش اللين تصير مخفوسة شوي على داخل اللين تصير على شكل U

مقلوب ( يعني من V الى U ) .

-وبالنسبة للسبير العلاق ماعندي خلفية .

-وبالنسبة للصوت ما وضح المعني بس جرب شحم الجلد وشوف اذا راح الصوت يعني غيرها وانت عارف الخلل من وين .

وزيت الدفرنس شيك الكاتلوج او اسئل الوكاله هم ابخص .


اخوي الدهام :

- افضل شي انك ترفعة من ورى انك تركب بوالين وسط الياي تتحكم فيها تنفخ او تقلل الهوا ( وانا مجربها من 3 سنوات زي الحلاوة )

او تركب يايات استرالية بس تراها قاسية على طول ومع الوقت تبي تفش .

-وسؤالك الثاني والثالث ارجو اني جاوبت عليه باللي اقدر .


اخوي مجنون نيسان :

انا من الشرقيه وما عندي خبرة بالرياض , ولكن عندنا افضل ناس تغطس بالبحرين وازين من الامارات واسعارهم معقوله وعلى

شغلهم ضمان .


اخوي ابورنا :

يعطيك العافية على التوضيح والصراحة مشكلة المكيف اول ما قريتها توقعت الخلل كهربائي بس طلع مكانيكي وبسيط

اكرر شكري للتوضيح وما قصرت وبالنسبة للباب الخلفي ارجو ان اكون وضحت .


( ويعطيكم الف عافية )

[الأسد]

موضوع جدا راااااااااااائع ...

الاخ ابو رنا فعلا انا صارت معي نفس المشكلة ..وحليتها بنفس الطريقة ..


لكن فيه مشكلة عندي الان وهو ان ( لسان القير الي يتحرك اذا دست على الفرامل لكي تحرك القير الى وضع الريوس ) هذا اللسان احيانا كثيره يعلق مايتحرك وبهالحاله ماقدر احرك القير

[bnsa]

السلام عليكم ورحمة الله وبركاته
انا عندى باثفايندر موديل 91 وغيرت المساعدات الأربع من جبرايل لكنى ندمت لقوة المطب فا ودى بنصيحه احد مجرب غيرهم غير الوكاله لارتفاع السعر وشكراً

[خ الفياض]

يعطيك الف عافيه اخوي

باثفندر
والله ماقصرت
بس وش هي البالونات الي بالمساعدات وش احسن نوعيه ومن وين علما بي اني من الغربيه
حفظكم الباري